رد: مين قال ان المعاكسة قلة أدب ؟؟؟

من طرف كن مع الله الثلاثاء ديسمبر 07, 2010 11:12 pm

انا ضد انك تقول ان الشباب هما السبب الوحيد فلكل قاعده شواذ زى ما فى شباب بتعاكس البنات فى شباب كتير جدا محترمة ومش بيعاكسوا حد بس مع الاسف ان الحسنه بتخص والسيئه بتعم .
هذا رايى الخاص.

من طرف شهرزاد الأربعاء ديسمبر 08, 2010 10:48 am

هو طبعا منقدرش نقول ان الشباب هما العامل الرئيسى للمعاكسة ممكن نقول مثلا الطريقة المستفزة للبنات واللبس كده يعنى
بس احنا عايزين نعرف ايه اسباب المعاكسة وعلاجها:

اولا اسباب المعاكسة :

@البعد عن الدين وعدم التربية الصحيحة لان اكييييييد لو الانسان ده متعلم صح تعاليم الدين وان غض البصر حرام عمره ما يفكر يعاكس ولو بيصلى وقريب من ربنا اكيد هيعتبر البنت دى زى اخته ومستحيل يجرحها ولا يعاكسها

@اصدقاء السوء وده عليهم عامل قوى جدا فى هذا الموضوع لان المرء على دين خليله ولو انت مش كده هيخليك كده غصب عنك بالتعود

@لبس البنات المستفز وطريقتهم فى الكلام " وده طبعا مش كل البنات عشان محدش يفهم غلط " انا بشوف بنات فعلا بيكون هى اللى نفسها تتعاكس

استغفر الله العظيم

المهم نرجع تانى

@تحول المعاكسة عند الشباب الى عادة وهى اخطر انواع المعاكسة ودى مرحلة بيوصل فيها الى انه متفرقش معاه اذا كانت البنت دى منتقبة او محترمة مبقتش بتفرق بقت المعاكسة عنده هدف وغاية فى حد ذاتها

نيجى بقى لعلاج المعاكسة :

@التقرب الى الله وتوعية الناس باسس التربية السليمة لتربية نشئ يعرف تعاليم دينه

@كيفية اختيار الاصدقاء الصالحين

@رقابة الاهل على البنات وتصرفاتهم والمراقبة على لبسهم قبل الخروج

@اعتبار اى بنت كانها اخت له فلو اعتبرها كذلك وتخيل ان اخته فى مثل هذا الموقف لا يمكن يجرحها ولا يعاكسها

وبالمناسبة

انا شفت واحد بيعاكس واحدة هو وصاحبه فهى التفتت للصوت لقته اخوهاتصوروا وصلت لدرجة ايه!!!!!!!!!!!!!!!!!!!

@ كل واحد يبدأ بنفسه وميلقيش اللوم على احد لان كلنا خطائون ولكن الافضل اللى يعرف خطأه بسرعة ويحاول يصلحه

وفى النهاية اتمنى ان اكون وفقت فى عرض الاسباب والعلاج من وجهة نظرى

واتمنى التعليق منكم على رايى

وبالتوفيق للجميع

كن مع الله كتب
انا ضد انك تقول.........
ليس انا من قال ، ولكن هذا ما فهمته ، من الحوار ، فقرأ ان شئت الموضوع من بداية الكلام.

شكرا ليكى يا شهرزاد
تحليل منطقى وعلاج لو التزم به الناس لاصبحت المعاكسة شئ نذكره فقط عند قراة التاريخ.

ياريت الكل يشارك فى الحوار ده ياجماعة
علشان نشوف كل الاراء ، ونعرف اكتر عن العلاج

من طرف mido2000 الأربعاء ديسمبر 08, 2010 7:28 pm

السلام عليكم..الحقيقة انا مش هنا عشان احدد مين سبب المعاكسات الولد ولا البنت واذا كان حرية الرأى مكفولة للجميع رأيى ان الموضوع معروض بشكل ساذج وممل ومكرر لكن اللى لفت نظرى حكاية الولد اللى عاكس اخته..احنا مش محتاجين صدمات وسردحكايات بالغة التناقض لاقناع الناس واللى فى دماغه حاجة بيعملها والامر بيرجع فى الاخر للتربيةفى البيت والمدرسة وللقناعات الشخصية

من طرف ???? الأربعاء ديسمبر 08, 2010 8:25 pm

شهرزاد لم تترك لنا اى شىء نتحدث عنه بعد هذا التفنيد الرائع للمشكلة واسبابها وعلاجها ولايسعنى الا ان اقول جزاكى الله كل خير
بس عاوز اضيف حاجة بسيطة وهى ان المعاكسة لاتقتصر على ان واحدة ماشية فى الشارع وواحد يعاكسها هناك معاكسات عبر التليفونات والموبايل والشات واهم سببين لـ انتشار هذه الظاهرة هو البعد عن الدين وغياب الرقابة الاسرية

من طرف توأم الروح الخميس ديسمبر 09, 2010 7:41 pm

معاكسه الموبايلات دى مقرفه بجد وتزهق لا وكمان ممكن تلاقى اللى بيعاكس راجل كبير

من طرف A7mèd Beh الخميس ديسمبر 09, 2010 9:45 pm

المعاكسه بقت واجب وطنى على كل شاب بيحب البلد دى Very Happy

:D

لا و ف الجديد ف بنات بتعاكس ناو و على يدى Razz

:P

و احب اشكر الاخ سيد على الموضوع السخن ده

من طرف بنت الشاطئ الجمعة ديسمبر 10, 2010 10:17 pm

نفسنة وحقد طبقي صاااااااااااااارخ

من طرف السيد اسماعيل السبت ديسمبر 11, 2010 3:34 pm

شكرا لردود حضرتكم

نفسنة وحقد طبقى
ههههههههههه
من ايه طيب ؟

من طرف بنت الشاطئ السبت ديسمبر 11, 2010 6:44 pm

ايه دا انا ايه اللى رجع التعليق دا فى الأخر كدا
عموما نفسنة وحقد طبقي دا كان رد على التعليق بتاع women hell
وانا كتبته بعدها علطول بس بظهر فى حاجة فى النت

و عامة عن النفسنة والحقد الطبقي
مواقف كتير بتحصل معايا شخصيا ليست لا نفسنة وحقد طبقي