تجديد دعوة

من طرف ايزيس الخميس فبراير 10, 2011 9:11 am

بسم الله الرحمن الرحيم

بعد أن حذف الموضوع - طبعا - عن طريق الخطأ

ستقام بمشيئة الله مظاهرة مليونية غدا فى مدينة الزقازيق بدايتها بعد صلاة الجمعة فى جامع الفتح بالزقازيق
وتتجه المظاهرة الى ميدان عمر افندى عند مجلس المدينه
وستكون سلميه سلميه سلميه

من طرف ehab.pop الخميس فبراير 10, 2011 11:08 am

بصي يا ايزيس مش تتعمدي الاستفزاز عشان انا اتأسفت على حذف الموضوع ونزلت موضوع بمجمل الدعوة بتاعتك بس انتي شاكلك مش بتقري غير مواضيعك بس

وياريت تشاركي في المواضيع وتردي على الناس وتبيني وجهة نظرك للكل زي ما الناس بتعمل ومش تسمعي غير نفسك يا ريت
هذا رأيي

اقولك حاجة اخيرة بس انا لو كنت فعلا قاصد اني احذف الموضوع بتاعك ايه السبب الي يخليني اعتذر وانزل موضوع مشابه موضوعك وما تقوليش عشان انتي نزلتي موضوع طيب مهو انا كنت ممكن احذف موضوع ك بتاع الاستفسار عن حذف الموضوع لكن لا المنتدى هنا يعطي الحق للجميع
وتاني بقولك انا لست ديكتاتوريا يا انسة

من طرف elhour الخميس فبراير 10, 2011 12:10 pm

ممكن اعرف ليه مظاهرااااااااااااااااااااااااات تانى سلميه بئه او غير خلاص كفايه الموضوع خلص...
واغلب المطالب اتحققت خلاص بئه مش تستحلوها ..كفايه ضحايا وخسائر ..مش بقينا مستحمليين
وسورى بئه حضرتك بتوجهى دعوه للتظاهر ...وانا بوجهه دعوه وفى نفس الموضوع ان ماحدش ينزل,, كان ممكن واكيد اكون معاكم فالاول لكن دلوقتى خلاص وماحدش ينزل وكله يلتفت لحاله وشغله ودراسته..

تمنياتى بالتوفيق للجميع

من طرف ehab.pop الخميس فبراير 10, 2011 12:38 pm

ياريت بجد تسمعك يا حور لكن والله صدقيني يا حور هي مش هتسمع وفاكرة اننا ضددها واننا مغيبين
والله فعلا عندك حق يا حور ربنا يهدي شباب مصر جميعا

من طرف **Omar Fathy** الخميس فبراير 10, 2011 1:47 pm

اهدوا كده و هدوا من لهجة الحوار شوية ،، و كل واحد يقول رأيه لو صح كان بها مش صح يبقى الاختلاف فى الرأى لا يفسد للود قضية ،، معاكم ان فى بعض المواضيع بتتعدى الاختلاف فى الرأى زى الأمور أو المسلمات الدينية أو اللى ترتبط بمصالح الوطن ،، لكن بردو لكل واحد رأيه ،، ممكن تعرض رأيك المضاد ،، و الناس هيا اللى تحدد أنهى الصح ،،، طبعا ده مش تناقض فى كلامى و مع اللى كنت بعمله مع ناس قبل كده و كنت بحذف مواضيعهم و انتم عارفينهم كويس ، لكنهم كانوا بيتعرضوا ليا شخصيا فى مواضيعهم يعنى كانوا بيتعوا قواعد الحوار ،، و مواضيعهم كانت من المواضيع المخالفة لقوانين الشركة صاحبة سيرفر المنتدى ،، و علشان كده لما عملوا منتدى ليهم الشركة حذفته علشان خاطر المواضيع اللى كانوا بيحطوها ..
---------------
الخلاصة ،، لازم كلنا نحترم آراء بعض ،، و زى ما قلت ،، اعرض رأيك المضاد و للمشاهد أو القارئ حق تقدير الأمور ،، و تذكروا ان كلنا هنا واحد .

من طرف ehab.pop الخميس فبراير 10, 2011 1:49 pm

بور سعيد ولعت يا عمر فيها حرب
حقوا الداخلية وفيلا المحافظ والدنيا خربت
ولللللللللللللللللللللللللللللللللللللللللللللللللللللعت

من طرف **Omar Fathy** الخميس فبراير 10, 2011 1:58 pm

ما تولع يا ايهاب ،،، مطلوب منى اروح أطفى يعنى ولا ايه
--------------------------
ماهو من اللى بيعملوه فى الناس ،، رامين شكاويهم فى الزبالة ليه ، و كمان يعنى الأمور هديت و بقت تحت السيطرة ههههههه ،، و هيدوهم 3000 وحدة سكنية
--------------------------
و انت عارف انى مع التهدئة ،، بس الأمور لازم تتاخد بهدوء و الإندفاع دايما فى أى حاجة لا يولد سوى الخطأ ،،،

من طرف ايزيس الخميس فبراير 10, 2011 3:57 pm

بسم الله الرحمن الرحيم
اولا :- انا لم اتعمد أى استفزاز
ثانيا :- الاختلاف و الرأى الاخر
ثالثا :- أريد ترديد كلمة قالها - وائل غنيم - حينما نزلت صور الشهداء على الشاشه ( انا اسف بس دى مش غلطتنا والله العظيم ما غلطتنا دى غلطة كل واحد ماسك فى السلطه ومتبت فيها)
ثالثا:- انت ستكون ضمن الذين سيذكرهم التاريخ فقط لانك تنتمى الى هذا الجيل
اخيرا :-عبارة ندرسها دوما فى التاريخ - ليس من رأى كمن سمع
ليس من رأى كمن سمع
ليس من رأى كمن سمع

من طرف ehab.pop الخميس فبراير 10, 2011 4:43 pm

امسة ايزيسيس اتمنى لكي التوفيق
اه ممكن استفسار
الجمعة بكرا ان شاء الله اسمها ايه
التحدي ولا الزحف ولا الاطاحة ولا ايه الاسامي كترت قوي
على فكرة دي مش تريقة بس بجد كلنا محتاجين نهدى مش اكتر

من طرف ايزيس الخميس فبراير 10, 2011 5:27 pm

بسم الله الرحمن الرحيم
اه اسمها جمعة النصر
بنت صاحبة الجلاله - اسمحى لى- :-
ياايها الثوار :-
[] فى تونس،فى الجزائر،فى لبنان؛وفى مصر القاهرية
فى القدس الفلسطينية وفى كل الاغوار
تقدموا الى حيث بلادكم تنادى ايها الاحرار
تقدموا
تقدموا
الى حيث تريدون انتم لاحيث يسوق الجزار
الى اوطان لاتهجروها للاشرار
لبلاد انتظرت طويلا من يرفع الستار

انه اسعد لحظة فى حياتى تلك اللحظات المعدودة - لكن هذة اللحظة تمثل ارادة شعب
اخوتى :- الان على كل القنوات الاخباريه المصرى والعالمى يؤكدون تنحى الرئيس خلال الساعات القادمه
فهنيئا لنا هذا النصر المبين

تأكيد
بأن المظاهرة غدا ستكون احتفلاليه باذن الله

من طرف elhour الخميس فبراير 10, 2011 6:09 pm

انتى شايفه لما يتنحى ده نصر وكماااااان احتفاااااااليه
والله ما فاهميين حاجه
ناس كتيير مستنيين اللحظه دى وناس مش استنت
بكره تشوفوا اللى هيحصل لو تنحى بس هوه عمل اللى عليه وعدم تنحيه ده من خوفه على البلد فالوقت ده ولو تنحى فهيبقى من ضغط الشعب وافتكروا ان انتو السبب
ومش بعيد حتى لو تنحى اللى فالمتظاهريين مش يبطلوا ماهوه استحلوها بئه
ربنا يسترررررررررررررررررررررررررررررررررررررررررها

من طرف هداية الرحمن الخميس فبراير 10, 2011 7:14 pm

ايه ياجماعه الحرب اللى انتوا مقومينا دى
هو احنا ناقصين كفايه اللى بيحصل لينا بجد
انسه ايزيس انا نفسى اعرف حاجه
انتى لما هتعملى مظاهره مليونية سلمية
هتستفادى ايه ؟؟ حتى لو الرئيس اتنحى يبقى المشاكل دى اتحلت ؟؟
لا بالعكس دا مهما الدوله نفذت مطالب المتظاهرين هيفضلوا قاعدين برضوه
وفى مواقع كتيره بتنبأ تنحى الرئيس حسنى سيتم الليله فى خطابه
ربنا يستر بجد

من طرف ايزيس الخميس فبراير 10, 2011 11:22 pm

بسم الله الرحمن الرحيم

اصدقائى عذرا
لم تكن احتفاليه ستكون جمعة التحدى
فى لحظة كانت مصر فيها أسوأ حالا فى تاريخها المعاصر - النكسه- خرج الرئيس الراحل جمال عبدالناصر وقرر التنحى تماما ونهائيا عن أى دور رسمى وأن يؤدى دورة كأى فرد من الجمهور.
هل لو كان تنحى الرئيس كانت البلد ستدمر نهائيا , هل بفراغ الكرسى السياسى من جمال عبدالناصر لم يكن ليتحقق النصر , هل كان عبدالناصر يمثل مصر ؟ هو فعلا كان يمثل مصر........ الا ان مصر لم تقف على شخص فرد معين , مات جمال عبدالناصر ولم تمت مصر , مات جمال عبدالناصر وتحقق النصر , مات جمال عبدالناصر وبقيت مصر وستبقى الى ان يرث الله الارض ومن عليها .
تحقق النصر فى عهد الرئيس السادات ومات السادات وبقيت مصر شامخة ولم تمت مغه عملية السلام , وجاء من بعدة وسيرحل وسيرحل ولن تقف البلاد عليه .
هذا الرجل حتى اخذته المكابرة بأن ينطق بكلمة التنحى , واخذه العناد فى التمادى على سبل الطغيان . وخرج سافرا يعزى أهل الشهداء - وبالبلدى كدة - يقتل القتيل ويمشى فى جنازته , من الذى عين الفاسدين من الذى امر بضرب المتظاهرين -فرضا - ان هذة الثورة المباركة لم تقم هل تدرك يا سيادة اللاشئ هذا الفساد , العبارات تناقض نفسها فأعقلوا يا ذوى الالباب.

كلمة اخيرة :- حتى ان كنت اخطأت --فما زلت احترمك
ياااه وصلت بينا لهذة الدرجة
يا ليت قومى يعلمون

من طرف Genol الجمعة فبراير 11, 2011 1:45 pm

بجد حرااااااااااااااااااااااام
إنتوا موش خايفين ع بلدكم ولا إيه
كفايه كده البلد ولعت
ولا سلميه ولا حتى غير كده كله ف النهايه يؤدى إلى نفس الطريق

من طرف ايزيس الأربعاء فبراير 16, 2011 10:56 am

لا ادرى مصيرى الان اذا قلت:-
ان الجمعة القادمة دعوة جديدة , الا انها هذة المرة ستكون كما سميت جمعة النصر , وهى بمثابة احتفال بم الت عليه الثورة من انتصار فى مطلبها الاول وهو سقوط الرئيس , لكنى سأجد من يعارض , فأقول هى دعوة لهؤلاء الذين عانوا المكابدة فى كل مظاهرة , وعانوا الكر والفر مع الشرطه فى جمعة الغضب , هى بمثابة نصرا لنا, ستكون بمعونة الله فى نفس المكان بعد صلاة الجمعة فى جامع الفتح بمدينة الزقازيق .
هذا بشأن الزقازيق
اما بالنسبة لى فقد قررت انا وبعد زملائى ان نحضرها باذن الله فى ميدان التحرير
وسلامى ------------- ربما يكون اخر كلامى

من طرف asmaa الأربعاء فبراير 16, 2011 11:29 pm

هتروحى ازاى عشان انا ان شاء الله هروح وهجيب عربيه بس العدد
مش كمل انتى هتروحى ازاى
الرجاء الرد سريعا عشان نتفق لو هنروووووووووووووح مع بعض

من طرف ايزيس الخميس فبراير 17, 2011 4:24 pm

امتى الميعاد والمكان

تجديد دعوة

تجديد دعوة

رد: تجديد دعوة

رد: تجديد دعوة

رد: تجديد دعوة

رد: تجديد دعوة

رد: تجديد دعوة

رد: تجديد دعوة

رد: تجديد دعوة

رد: تجديد دعوة

رد: تجديد دعوة

رد: تجديد دعوة

رد: تجديد دعوة

رد: تجديد دعوة

رد: تجديد دعوة

رد: تجديد دعوة

رد: تجديد دعوة

رد: تجديد دعوة