بره الســــــور

هكذا وجدت القلوب تبكى الفراق وتدمع قبل ان ترسل العين فضائح الشوق ليراها كل الناس --- في اللقاء الاخير في الكلية وليته كان في القسم الذي وجدت فية اجمل ايام حياتى و ان ادركت هذا متأخرا الا اننى ودعتة وفي عينى غربة حتى في فراقة كان بعيدا

كلها يومين
و أبقي برة السور
أقعد ع الرصيف
م حاجزين
مكاني بقلهم سنتين
قولت أهو كله كلام فاضي
ضحك صحبي وقولي : كلها يومين
حسيت الدنيا
هتنقلب م الشمال لليمين
او اصحى م النوم القي نفسي غيرى
م أنا خلاص بقيت برة السور
اصل الحكاية بيني و بين السور
دى كانت بوابتي
من اول يوم عرفته فيها
علمني بظلمة
و ثبتة بعنادي
ما أنا اللى ساكن جمب السور
* * *
جالي صحبي وقلي خلاص نجحت
بص في عيني
وكأني قبلها ما فرحت
معرفش فرت من عيني دمعة
بقلها 5 سنين ساكنة
جت وقت ما فرحت
تنوح وكأنها ما سامعة
اسمعي صحبي بيقول اني نجحت
لية بتفري حزينة
دانا عمري فيكي كلة يا مسكينة
طعم الفرح انا معرفتوش
وانتى اهو في عينى بتلالى
قولى لية زعلانة في يوم فرحي
طب استنى
وانا في يوم جرحي ابكي
واملا منك بحور
ولا انتى معلمتيش البكا غيري
نصبت خيامك ع عيني
فضحت شوقي و حنينى
* * *
خلاص بقيت برة السور
بس حسيت انى صحبي زعلان
سألتة لية يا صحبي
قلى ع سنينى اللى جوة
تودعنى من غير سلام
هزنى بكلامة
زى ما يكون سكران
و في لحظة فاق
جريت ع السور الحق سنينى
بص لي السور
وقلي بقيت برة وملكش مكان
و سنيني اللى جوة
روح دور عليها في اى زمان
السور جديد ما فهمش قصدى
لما قلت هعدى
طال وما كان لحد
انا لما وقفتلة
شد حيله عليا و اشتد
نسيت كل عمري فيك
كل سيخ في رجلي ادب
كل ضحكة كل تريقة غريبة من غير رد
لو تنسي مين انا
اسئل كل خطوة فيها
تقولك : أحمد
* * *
ايها القلب المرتق
هذا الهوي والحنين كأس معتق
فاسقنا فهذا القلب في مقتبل مشرق
* * *
لية دايما حلمنا على ادنا
نبكى ونقول دا همنا
مش هأولك هتوحشنى
زى ما انت ثابت مكانك
انا عايش فيها انا من هنا
* * *
عديت ع ايامي زى ما تكون لحظة
نييتني ايامي
زى ما عمري كان فيها لحظة
ربيت فيها ذكري
حلوة كانت ولا مش لاحظة
هسيب عمرى فيك
مش هاخدو معايا
ولا هكفنة ف ملف كئيب
مكتوب علية ليسانس غريب
و شهادة هم بتنكتب
دى فرحة دى ولا هم
ولا قلب مسجون في الذكرى
بكرة تجيلة سراب
من كتر ما لم
خايف الملم صورى ف البوم
لاكون بارسم بيها غم
خلاص وانا في اخر الكلام
خلصوا اليومين