مصرع مدير مباحث السويس واصابة ضابطين برصاص تاجر مخدرات

من طرف ???? الخميس سبتمبر 10, 2009 3:20 pm

لقي مدير مباحث السويس مصرعه واصيب ضابطين من رفاقه باصابات خطيرة برصاص تاجر مخدرات.

وقالت مصادر امنية ان تاجر مخدرات فتح عليهم النار اثناء توجههم للقبض عليه وتم نقلهم الى المستشفي في حالة خطيرة ولفظ اللواء إبراهيم عبد المعبود مدير المباحث الجنائية بالسويس انفاسه الاخيرة بالمستشفى.

كانت معلومات قد وردت الى اللواء إبراهيم عبد المعبود مدير المباحث الجنائية بالسويس ان تاجر المخدرات الشهير احمد عيد الذي قتل ضابط شرطة في العام الماضي في طريقه للقاء احد عملائه بمنطقة المثلث بالسويس، اعد مدير المباحث قوة وتوجهوا لضبط المتهم عند المدخل الجنوبي لقناة السويس بمنطقة المثلث، واثناء ذلك فوجيء الجميع بالمتهم يفتح نيران بندقيته الالية تجاه سيارة مدير المباحث ورفاقه.

حيث أصيب اللواء ابراهيم عبدالمعبود بطلق ناري في الرأس وان حالته حرجة للغاية وقد نقل للعلاج بمستشفى مبارك للشرطة بالقاهرة حيث لقي مصرعه، بينما أصيب المقدم احمد محمد البهي رئيس مباحث قسم عتاقة والرائد أحمد يسري الضابط بادارة البحث الجنائي بالرصاص وتم نقلهما الى مستشفى السويس العام للعلاج.

تم تحديد سيارة الجاني وقامت اجهزة الامن بمحاصرة المنطقة وفرض حصار مكثف للقبض على المتهم، حيث تم نشر عدد كبير من الحواجز الأمنية حاول مداخل ومخارج مدينة السويس لمنع هروبه.

وقال مصدر امني بمديرية امن السويس أن تجار المخدرات ترصدوا لرجال الشرطة الثلاثة بسبب نجاحهم في ضبط العديد من قضايا المخدرات بمدينة السويس خلال الفترة الماضية.

من طرف ???? الجمعة سبتمبر 11, 2009 1:27 am

حسبى الله ونعم الوكيل

مش كفاية بيقتلوا الاف الشباب بالسم اللى بيبعوه

كماااااااااااااان اللواء يقتلوه والله دول مش كفاية فيهم الاعدام

انا بس كنت عاوزة اقول انى شفت شباب بيشربوا مخدرات فى الجامعة عندنا وعمرى ما كنت اتصور شكلهم وهم مستنييين الحشيش او الزفت اللى اسمه البانجو ده كانوا هيكلوا الراجل وهو جاى يجبلهم المخدرات من كتر لهفتهم و مش كانوا خايفين ان حد يشفهم وبعدين ادولوه الفلوس ببساطة خالص وكلها كانت عشرينات و اتفقوا معاه على كمية جديدة وهو كده عادى بيدخل ويخرج من الجامعة كده والنصيبة الاكبر انه بيشتغل فى الجامعة
وانا بصراحة خفت على نفسى انى ابلغ عنهم لانهم كانوا قريببين جدا مننا

بس بجد كان شىء مؤسف انى اشوف شباب زى الورد كده عاملين زى الكلاب للاسف يعنى

من طرف ???? الجمعة سبتمبر 11, 2009 1:46 am

والله الواحد زهق وفاض بيه من كل اللى بيحصل ده ونرجع ونقول ان شاء الله اللى جاى احسن وكما قال الرسول صلى الله عليه وسلم(تفائلوا بالخير تجدوه)

شكراً على الخبر

الشباب اللي بيشربوا مخدرات دول معظمهم مرضى نفسيين و بيهربوا من الواقع المرير عن طريق اللي بيشربوه ده و بيبقوا في التوهان

معقول يا إسلام هي حصلت في الكلية كمان ؟؟؟

و كمان الراجل اللي بيجبلهم الحشيش ده بيشتغل في الكلية الله الله يا عيني على الموظفين المحترمين

في مسلسل الباطنية صلاح السعدني بيتاجر في الحشيش و بيقول ده نبات خلقه ربنا و لازم نستفيد منه

و هما قاعدين بيتفقوا على صفقة حشيش كانوا بيقروا الفاتحة و طول المسلسل عمال يقول لا إله إلا الله

و ده أكيد بيحصل في الحقيقة معنى كده إن الناس دول مش مدركين أي حاجة و فاكرين إنهم صح

من طرف ???? الجمعة سبتمبر 11, 2009 4:31 pm

اولا معظم ان لم يكن كل اللى بيتعاطوا مخدرات اغنياء او على الاقل من الطبقة فوق المتوسطة يبقى واقع مرير ايه اللى بيهربوا منه
ثانيا بالنسبة انهم مش عارفين اذا كان هذا الكلام حرام ام لا ده شىء غير مقبول بالمرة لانهم يعلمون تماما انه حرام ولا يختلف اثنين فى ذلك ولكن تبريرهم ده قدام الناس فقط
زى مثلا فى احد المواقع الاسلامية للفتاوى استوقفنى احد الاشخاص بسؤال عجيب جدا والسؤال عبارة عن ان السجائر ليس بطعام او شراب ولاتصل الى المعدة فكيف تكون من المفطرات؟
اترك الاجابة لكم(لاتعليق)
وان لله وان اليه راجعون

أنا قصدي على مثلاً اللي مش لاقيين شغل و الطلبة الفاشلين لكن الأغنياء معرفش بقى

مصرع مدير مباحث السويس واصابة ضابطين برصاص تاجر مخدرات

مصرع مدير مباحث السويس واصابة ضابطين برصاص تاجر مخدرات

رد: مصرع مدير مباحث السويس واصابة ضابطين برصاص تاجر مخدرات

رد: مصرع مدير مباحث السويس واصابة ضابطين برصاص تاجر مخدرات

رد: مصرع مدير مباحث السويس واصابة ضابطين برصاص تاجر مخدرات

رد: مصرع مدير مباحث السويس واصابة ضابطين برصاص تاجر مخدرات

رد: مصرع مدير مباحث السويس واصابة ضابطين برصاص تاجر مخدرات