نصيحة للمقدم على الزواج

المقدم على الزواج كالمقدمعلى رحلة مخيفة مجهولة فهو فى حاجة الى دليل يرشده والا تاه
عندما تذهب لتخطب فتاه تريد الزوج منها فلا تتظاهر بالغنى ولا بالجاه والثراء مالاخر اظهر لاهلها انك سنكوح غلبان وبكده يكون فى احتمالين
*اذا قبلوا خطبتك فاعلم انهم سناكيح غلبانين يتظاهرون امامك بالثراء وفى هذه الحالة عليك ان تزوغ يا حلو
*واذا رفضوا خطبتك فامامك طريقان
_الاول اذا اعجبتك العروسة فبين لاهلها حقيقة مركزك ومدى ثروتك وجاهك
وبالتالى سيرحبون بالخطوبة
_الثانى اذا لم تعجبك العروسة هتكون فرصة انك تهرب

(وفى البداية قبل ان تبت فى شان اى عروسة عليكك

اولا:
انظر الى كعبها فان وجدها متشققة فاعلم انها تمشى حافية
ثانيا:
انظر الى رقبتها فان وجدت بها تراب فاعلم انها لا تغسل وجهها
ثالثا:
انظر الى شعرها فاذا كان واقفا فاعلم انها لا تستعمل المشط
(ان كنت بخيلا فهذه انسب زوجة هتوفر تمن الشباشب والصابون والمشط)
رابعا:
لا تنسى اترك منديلك تحت الكرسى وبعد خروجك بساعة ارجع لبيت العروسةبحجة المنديل اللى وقع منك وبكده هتقدر تشوف البيت على اصله لان اهل العروسة هيكونوا رجعوا الكراسى والمفارش المشحوتة من الجيران
خامسا:
اذا اردت ان تعرف اخلاق العروسة فخذ معك اختك وخليها تختلط باخوات العروسة وتسمع الفاظهم ولما تروح اسالها وسبها تحكيلك العجب العجاب
سادسا:
اذا تمت الخطوبة وخرجت مع خطيبتك ابدى لها اعجابك بالفستان الى كانت لبساه الاسبوع اللى فات واطلب منها تلبسه فلو رفضت واصرت على الرفض تاكد ان زيه زى الكراسى والمفارش يعنى من الاخر جاى من عند بنت الجيران وربنا بيحب الستر بقى

كدا خلصنا من العروسة نشوف ابوها سورى ابو العروسة

علشان تعرف اخلاق ابو العروسة اذا كان رزين ولا ملحوس متسامح ولا مشاكس خليك معايا

اتعرف عليه قبل الخطوبة فى القهوة اللى بيقعد فيها مثلا ولو مش بيحب القهوة خليك فى الشاى
المهم :العب معاه طاولة او شطرنج زى ما يحب سعته وراقب لعبه اذا كان غشاش فى اللعب فاكيد غشاش فى غيره
ومش تنسى غالطه فى اللعب فلو ثار اعرف انه بتاع مشاكل يعنى مالاخر بتاع محاكم بعد الطلاق ن شاء الله اقصد لا سمح الله ولو كان هادى مفيش منه مشاكل
وعلشان عرف ذمه بسيطة اسال الجزار والبقال الى جمبه

ام العروسة
الست حماتك
مش مهم تسال عن اخلاقها لانها كدا كدا هتكون حماتك
وربنا يستر عليك

وبعد الخطوبة والجواز ان شاء الله لو مش عجبتك العروسة بعد النصايح دى طلقها وامرك الى الله ورزق المأذون على المجنون

موضوع جااااااااااااااااااااااامد جدا
تسلم ايدك

شكرا على مرورك يا سندريلا
وباهنيكى على اسمك وصورتك احلى من بعض

موضوعك جامد يا سندريلا
ويكفي قول الرسول صلي اللع عليه وسلم
* تنكح المرأة لاربع لمالها ولجمالها ونسبها ودينها فاظفر بذات الدين تربت يداك *
او كما قال صلي الله عليه وسلم