رساله من الله

ازيكوا يا شباب اعلام
حبيت اتكلم معاكوا فى موضوع كده انا عارفه ان كلنا بفضل الله عرفينه بس
حبيت افكركوا بس ويارب ميكنش كوضوعى تقيل على قلوبكم
فضل العشر الاوائل من شهر ذى الحجه
احنا كلنا عارفين فضل العشر ايام على بعض وهو زى ما عملنا حبيب قلوبنا صلى الله عليه وسلم
فعن ابن عباس رضي الله عنهما ، عن النبي صلى الله عليه وسلم قال : ( ما من أيام العمل الصالح فيهن أحب إلى الله منه في هذه الأيام العشر . قالوا ولا الجهاد في سبيل الله !! قال : ولا الجهاد في سبيل الله ، إلا رجل خرج بنفسه وماله ولم يرجع من ذلك بشيء ) أخرجه البخاري 2/457 .
شيفين ياجماعه فضلهم ايه حتى اعظم من الجهاد فى سبيل الله
.
.
كام واحد فينا فاتته ليله القدر لاى سبب مهما كان وندم بعد كده
وفينا اللى فاته رمضان كله
وفينا اللى حاسس ان عمره كله اللى عدى برضه محققش منه اللى هو عايزه فى عباده ربنا
انا مش بقول دى ليله قدر تانيه
لا
دى كمان اعظم من ليله القدر
.....
طب عايزين نعرف فضل يوم يوم من العشرة ايام بعد ما عرفنا فضل العشرة على بعض
.
.
.
اليوم الاول----هو اليوم الذى تاب فيه الله على ادم ----فمن صامه استجاب الله لدعائه(ها نفسك فى كام حاجه*اللى هيحققلك طلباتك ملك الملوك القادر على كل شئ)

اليوم الثانى----هو اليوم الذى نجى فيه يونس من بطن الحوت----فمن صامه كتب الله له اجر عباده سنه كامله لا يعصى الله فيها ابدا(اتحدى انسان على وجه الارض تعدى عليه سنه من غير ما يعمل شوال سيئات*دة لو شوال واحد)

اليوم الثالث----هو اليوم الذى استجاب الله فيه لدعاء زكريا----فمن صامه غفر الله ذنبه(كل واحد ادرى بذنوبه*ومحدش ضامن يخلص قرايه الموضوع)

اليوم الرابع----هو اليوم الذى ولد فيه نبى الله عيسى----فمن صامه أمنه الله من الفقر(حد عايز يبقى فقير)وكان يوم القيامه مع السفره الكرام البرره(لو حاسس انك ممكن تكون معاهم بعملك مش تصوم اليوم دة)

اليوم الخامس----هو اليوم الذى ولد فيه نبى الله موسى----فمن صامه امنه الله عذاب القبر(المحطه التانيه اللى هتكون انت وعملك وبس)

اليوم السادس----هو اليوم الذى فتح الله فيه على نبيه محمد صلى الله عليه وسلم----فمن صامه نظر الله اليه برحمته ومن نظر الله اليه لا يعذبه ابدا(لو اكتر واحد بتحترمه وبتحبه بص لك بابتسامه*لله المثل الاعلى)

اليوم السابع----هو اليوم الذى تغلق فيه النار ولا تفتح الا بعد اليوم العاشر من ذى الحجه----فمن صامه اغلق الله له ثلاثين بابا من العسر وفتح له ثلاثين بابا من اليسر(تفتكر مشاكلك مهما كترت هيكون عددها تلاتين)

اليوم الثامن----هو يوم الترويه ----فمن صامه كان له أجر مالا يعلمه الا الله(لا تعليق*بس نصيحه متحاولش تحسب الاجر ده لسببين لان عقل الانسان اقل من انه يدرك ده وكمان عشان مش نتصور قدر معين ونكون اسأنا الظن بالله)

اليوم التاسع----هو يوم عرفه----فمن صامه لغير الحاج غفر الله له سنه ماضيه وسنه مقبله(رضيت بالله ربا وبالاسلام دينا وبمحمد نبيا ورسولا)

اليوم العاشر----هو يوم النحر----فمن قدم قربانا(اضحيه)فان له بأول قطرة تقطر من دمها ان يغفر الله له ذنبه وذنب عياله ويقف يوم القيامه وميزانه اثقل من جبل احد


والله يا جماعه مفيش احن ولا اكرم من كده
.
.
.
طب احنا دلوقتى عرفنا الفضل والثواب ومش عندنا استعداد نضيع الفرص الكتيرة دى والا هنبقى.......
هنعمل ايه؟؟؟؟؟؟؟؟؟؟
الكلام دلوقتى للبنوتات حبايب قلبى اما الشباب لو حبوا يطبقوا الفكرة مع بعض فده شئ عظيم ويدل ان اسلامنا لسه بخير
يا بنات
ايه رايكوا نعمل فريق مع بعض
يعنى
نعين بعض ونفكر بعض فى الايام دى
مثلا
نعرف ارقام بعض ونصحى بعض للفجر او واحده تصحينا بس اكتر من واحده احسن عشان لو واحده راحت عليها نومه
وكمان
ندعى لبعض عند الفطار وبرضه احنا مستفادين لان الملايكه بتقول (ولكى المثل)وطبعا دعوة الملك اللى عمرة ما عصى ربنا غير دعوتنا احنا
وكمان نعمل جدول محاسبه ونمشى عليه وواحده تعمله وتفرقه علينا فى الكليه او تعمله على المنتدى

ياااااااااااااااارب يكون كلامى مش تقيل على قلوبكم وتبعتولى اقتراحاتكم ازاى نخلى العشر ايام دول من اجمل الايام فى عمرنا
ايه رايكوا يكون هدفنا فى الفترة دى
**********وعجلت اليك ربى لترضى********
معلش طولت عليكوا وكمان الالوان مش بتشتغل عندى فكله بلون واحد

احبكم فى الله(من قلبى والله)