الأستاذ عمرو خالد

شكرا على آراءكم جميعا
ولكن ليه وقفه مع الاستاذ محمد والذى يسير وراء علماء الدين المتشددين
مع العلم ان ديننا هو دين الوسطيه لا التعقيد
أنا نفسى تشوفو ايجابيات هذا الرجل وعلى يده تحجبت بنات كثير فنفسى اعرف ليه كل الهجوم ده عليه
علشان شوفتم مدى النجاح الذى حققه ومدى انجذاب الشباب اليه
واتباعهم لما يقول لهم تبدؤم تعيبه فيه
ومسألة الاختلاط اللى انت بتتكلم عليها دى أقولك أنت خاطىء
ومش تحكم قبل ماتتفرج على البرنامج
فهناك فريقين واحد بنات والاخر اولاد ومش معنه كده أنه اختلاط فكل فريق له دوره الخاص به ومشغول بمهامه لكى يؤديها على اكمل وجه ويفوز فمفيش لسان بنت كلمت ولد والعكس صحيح
كما ان البرنامج بيناقش قضايا العصر والتى منها ما يواجهها الشباب من البطاله والاستخدام السيىء للتكنولوجيا الحديثه وغيرها من القضايا ولكن الجديد هو مش الكلام ولكن الفعل والتطبيق وجها لوجه من خلال شباب مثلنا بنات وأولاد يقومون بتطبيق هذه الدروس
فأرجو الاستفاده من هذا البرنامج وغيرها من البرامج التى يقدمها الاستاذ عمرو خالد
مش النظر الى اتفه الامور وتقولى الاختلاط
يااستاذ يابتاع الاختلاط انت مش فى الجامعه وبتلاقى أولاد وبنات وكل واحد مسؤل عن تصرفاته حسب تربيته ونشأته فهناك بنات تحب الكلام مع الاولاد والعكس وهذا يرجع للشخص نفسه
ومش بس فى الجامعه فى كل مكان يوجد الجنسين
معنه كده حضرتك هتعتزل الدنيا وتنفصل عنها
يبقى العيب فى كل من لايستطيع أن يتحكم فى نفسه وفى غرائزه
كمان المرأه هى نصف المجتمع يعنى لابد من مشاركتها فى جميع المجالات حتى تستطيع ان تكون أمرأه ناجحه فى أن تربى وتنشء جيل قادر على متطلبات الحياه وطبعا فى اطار دينى
فأنا بشكر شكر خاص لأستاذ عمرو خالد الذى اتاح فرصه للبنات فى ان تشارك فى مثل هذا البرنامج الرائع لإظهار مواهبهم وانجازتهم وتشجيع باقى البنات فى الوطن العربى على تحقيق انجازاتهم وتنمية مهاراتهم
لأنهم فى النهايه هم الذين يساهمون بدور كبير فى تشكيل الرجال
وارجوك ان تشاهد ولو حلقه واحده من هذا البرنامج
ثم اعطينى حكمك
وشكرا




[b]

يا اختى الفاضلة العلماء المتشددين الذين تتحدثين عنهم كل كلمة يتحدثون بها تستند الى كلام الله تعالى والى الاحاديث النبوية الشريفة فهل من يسير وفق منهج الرسول صلى الله عليه وسلم اصبح متشدد من وجهة نظركم

بالنسبة للاختلاط والبرنامج ف انا لم اشاهد البرنامج ولكن شاهدت برامج اخرى وندوات كان يوجد فيها اختلاط وثانيا لاانكر انه نجح فى انه يخطف قلوب كثير من الشباب لانه يقوم بتمييع الدين فمثلا فى احد المقاطع التى يدعو فيها للحجاب لم يامر بالحجاب الشرعى ولكن قال لازم مش يبقى لبسك وحش اوى هل هذا كلام

بالنسبة للمراة لم اقل ولم افتى بعدم مشاركة المراة فى بناء المجتمع وكما قلتى المراة نصف المجتمع وهى التى تنشىء وتربى الاجيال



اللهم لاتجعل مصيبتنا فى ديننا ولاتجعل الدنيا اكبر همنا

اللهم ارنا الحق حقا وارزقنا اتباعه وارنا الباطل باطلا وارزقنا اجتنابه

متزعليش يا اسماء على من يقول اى شىء على الدكتور "عمرو خالد".....................وافعلى مثله ولا تلتفتى الى اى احد ..........وخدى من كل داعيه او شيخ ما يتفق مع مبادئك واتركى الباقى...............واذا نظر كل منا الى مراته لراى الاف بل ملايين العيوب.....................فهيا بنا ننشغل بانفسنا لنعمر الارض سويا ولا نفترق ................ومهما تضايقت من هؤلاء الشيوخ ومن تشددهم فادعى لهم فهم من امه الحبيب صلى الله عليه وسلم ....................وكلنا بشر وكل البشر خطائون....................وربنا يعنا على ان نتبع منهج الوسط كما قلتى وان ننشا جيا قادر على حمل هذه الامه.

شكرا لكى يامحجبه
ولا تعقيب على كلام الاستاذ محمد

شكرا لكى يامحبة مصر على رأيك
ولكن لا أسمح لكى انك تحكمين عليه بأنى لم أشاهد هؤلاء العلماء الافاضل
انى احترمهم واقدرهم فوصفى لهم على انهم متشددين يأتى من خلال سماعهم ومقارنتهم بعلماء اخرين ممكن لهم ان ينشرو مبادىء الدين الاسلامى وتعاليمه بطريقه مبسطه شويه
فالمتشددين لهم جمهورهم التايع لهم ومنهم شباب ولكن اقليه
فباقى شباب المجتمع يروح فين؟ وسط هذه الدنيا المليئه بالشهوات والاغراءات وغيرها من الامور التى تبعد الشاب منهم عن امور دينه بالإضافه الى رتم الحياه السريعه
فأنا اقول ان هؤلاء العلماء الشباب ومنهم الاستاذ عمرو خالد ومعز مسعود ومصطفى حسنى وغيرهم
هم ان شاء الله ونحسبهم كذلك سبب فى هداية كثير من هؤلاء الشباب مش هقدر اقول انه شباب ضايع ولكن اقول عنده قلب ابيض ونيه صافيه ولكن عايز حد يدله على الطريق الصح الذى يسلكه فى حياته والحد ده طبعا لازم ان يتكلم بنفس طريقتهم ويكون قريب منهم ومن مشاكلهم وحاسس بيهم
يعنى يكون شاب مثلهم
فأنا أرى أن هؤلاء الدعاه الشباب لهم دور كبير جدا فى اصلاح كثير من الشباب وتوجيههم
وده مش معناه انكار دور العلماء الافاضل الكبار امثال الشيخ محمد حسان وغيرهم كما قلتى ولكنى ارى ان هؤلاء الدعاه الشباب هم فى الاساس تعلمو من هؤلاء الشيوخ وفهمو دينهم صح ثم وصلووه بطريقه يتقبلها الشباب ويتناسب معهم لكى يستجيبو لهم
فليس كل الشباب مثلك ولو ظنيتى هكذا تكونين خاطئه
فلابد ان نعطى فرصه لمثل هذا الشباب لكى يتعلم دينه ولو فضلنا نقول دى مش محجبه مثلا ازاى دى بتحضر درس دين أو قلنا دى لبسه يادوبك طرحه على رأسها ازاى بتشارك فى اعمال خير وغيرها من القيل والقال
مش معنى كلامى هذا انهم عجبنى ولكنهم المفروض عليهم ان يلبسو الزى الشرعى الاسلامى
ولكن ايضا يجب علينا نحن ألا ننفرهم فى الدين ونعطيهم مساحه وفرصه لمعرفة دينهم ثم بعد ذلك سنلاحظ الفرق اكيد فى سلوكهم وفى حجابهم
أسأل الله تعالى ان يهدينى ويهدى جميع المسلمين
اللهم امييين

يا جماعة انا مش فاهمة ليه كل الزعل ده
كل الشيوخ والعلماء افاضل لانهم يوجهوننا الى الطريق الصحيح وتعاليم ديننا وكل واحد بيشاهد شيخ او داعية معين هوبيثق فيه وفى ارائه المهم انه توصله المعلومة صح
واختلاف الراى لا يفسد للود قضية

ربنا يهدينا الى الصراط المستقيم
واتمنى ان المناقشة والخلاف يزول باذن الله

على فكرة الموضوع لازم ما يتجاوزش نقاش عادى
ولازم مايفسدش اى شئ بينا
والا نكون ما نستحقش قسم الاعلام
وعلى كل فكل منا له رغبته وهو مسئول عنها
وف النهايه الحق احق ان يتبع
والمهم ان يتفق ما نسمعه مع كتاب الله وشرع الحبيب محمد صلى الله عليه وسلم
اسماء انى احبك فى الله

ربنا يوفقنا الى مايحبه ويرضاه
ويهدينا ويرحمنا ويغفر لنا
اللهم امين
أنا شايفه أن كل واحد عبر عن وجهة نظره
ودافع عنها فقط
إنى احبك فى الله ايضا

ياريت ياجماعة يكون لكل واحد تخصصه وبس يعنى محدش يتكلم فى حاجة ماتخصوش وبعدين اللى بتتكلم عنهم دول يا استاذ محمد شيوخنا الافاضل اللى احنا لازم نتبعهم فى كل حاجة وعيب لما انت تنقض حاجة مش فى تخصصك ولو هو مش عاجبك بلاش تتكلم عنه احسن