[b]مبروك يا تانيه اعلام[/b]

من طرف elhour الأحد أبريل 04, 2010 2:30 pm

ألف ألف مبروك يا تانيه اعلام بجد قدرتوا تبوظوا المحاضره وبرافو عليكم قدرتوا تخلوا اكبر عدد من الدكاتره يكرهوااااااااااا الدفعه Question

انا بجد مش عارفه اعمل ايه انا مش قادره اوصفلكم الدكتوره امال كانت عامله ازاى بعد المحاضره مش قادره تسمع سيره تانيه اعلام ده احنا قلنا خلاص عرفتلنا وهتستحملنا بس هنقول لمين دول تانيه اعلام هما اى حد
الدفعه اللى ما فيش دكتور مش اشتكى منها ده حتى احسن الدكاتره دكتور خالد والدكتور عبد الفتاح والدكتور جيهان اللى اول تعامل معاها كرهتنا ده حتى دكتور ذيدان الدكتور المحترم اللى بجد بيبذل كل ما فى جهده فى المحاضره زعل مننا
هوه مش كفايه اللى حصل فالترم الاول والفكره اللى خدوها عننا مش المفروض نحسنها
واحسن حاجه بقه كل واحد يقول مش انا اللى بتكلم لكن لالالالالالالالالا
كل واحد بيشوف دخيل بيتتكلم ومش يقول للدكتور عليه يعتبر هوه اللى بيتكلم

ولاحول ولا قوه الا بالله العلى العظيم ربنا يسترها علينا السنه دى ونعدى على خير اصل اللى بياخد فكره عن دفعه بتفضل الاربع سنين
ونفسى يبقى فى شويه احترام للمحاضره وجرأه يقول للدكتور عاللى بيتكلم
يالالالالالالالالالا يا تانيه اعلام غيروا الفكره من المحاضره الجايه

واسفه يا جماعه للاطاله بس بجد انا متدايقه وزعلانه اوى ونفسى نعمل حاجه

من طرف conan الأحد أبريل 04, 2010 2:52 pm

اية يا جماعة
هو اية اللي حصل
هو انا اغيب يومين ف المنتدي وف الجامعة الاقي التطورات الرهيبة دي
ربنا يسترها علينا
ويا جماعة عايزيين ننجح
ثانكس اسراء ع التوبيك

من طرف elhour الأحد أبريل 04, 2010 7:21 pm

اللى حصل المعروف عن الدفعه فى كل مكان من شغب واستفزاز للكاتره

شكرا عالمرور

من طرف محبة مصر الأحد أبريل 04, 2010 8:10 pm

بصى يا اسراء انتى شوفتى ان النتيجه ف الترم الاول كان فيها عقاب جماعى والتقديرات كانت سيئه جدااااااااااا
مش عارفه والله الترم ده هتكون التقديرات عامله ايه
يا جماعه ياريت اللى مش هيقدر يحكم نفسه ويسكت ياريت ينورنا ويزيدنا بنوره وما يحضرش المحاضرة لان فعلا هينورنا اذا ما حضرش لاننا هنزيد معرفه والدكاترة هيرضوا علينا وهيكملوا المحاضرة وانتم تبقوا تصوروها
وده احسن طريقه لارضاء الدكاترة تانى ان اللى مش هيبطل ومش ناوى يبطل كلام ما يحضررررررررررررررش من فضلكم

من طرف elhour الأحد أبريل 04, 2010 8:18 pm

اكيد طبعااااا هتكون اسوا يا محبه مصر
ربنا يستره

من طرف **Omar Fathy** الأحد أبريل 04, 2010 9:49 pm

بطلوا بقى ،،،، ايه الظلم ده ،،، بصراحة أنا كنت ماسك نفسى بالعافية ،، كنت هنفجر فيها ،، حرام والله اللى بيعملوه فينا ده ،، ده ملوش غير اسم واحد ،، ده تلكيك ،، حرام بقى عليهم ،، يرحمونا شويه ،، عايز اعرف ايه اللى حصل النهارده ،، ما المحاضرة كانت تمام ،، وكمان دكتوره جيهان ايه اللى زعلها هيا كمان ،، مش ذنبنا ان الكهربة تقطع ،، ايه الأسلوب ده ،، ده حرام بقى ،، وكمان جايين تقولوا احنا اللى غلطانيين بردو ،،،،،،،

دكتور بيشرح بأسلوب يخلى اللى ما يملش يمل
والتانى بيتكلم فى كلام ملوش اى علاقة بالماده
والتالته بتقول كلام ملناش اى علاقة بيه
و ، و، و ،و قليل لما دكتور فيهم بيشرح بأسلوب علمى منظم
وفى الاخر تقولولى تركيز ،، ارحمونا بقى انتوا كمان
حرام عليكم وعليهم ، كفاية إحباط بقى ، كفاااااااااااااااااااااااااااااااااااااية

من طرف محبة مصر الأحد أبريل 04, 2010 10:03 pm

ايه الاحباط ده يا ساتر يا رب
معلش اكيد الدكاترة بيغلطوا بس لازم نشوف مين اللى ف اديهم مركز القوة حاليا
يعنى ف الاخر بتيجى على راسنا وراس اهالينا اللى بيبقوا مستنيين ثمرة تعبهم
المحاضرة فعلا كانت تمام لحد ما الدكتورة شافت بنت بتضحك كانها سامعه نكته
هى فعلا حاجه مستفزة بس بيتهيالى ان الدكتور خالد ما شاء الله عليه بيقول المحاضرة وبنستفيد جدا وما حدش بيتكلم
تفتكروا ده عيب دكتور ولا طالب
عموما طالما احنا ف الموضع الاقل وهما ف الموضع الاعلى ف الجامعه فاكيد احنا اللى دايما هنبقى غلطانين حتى لو ما غلطناش
اما الدكتورة جيهان زعلت لان كان فى كلام اثناء ما هى بتتكلم
م الاخر الدكاترة عايزينا ما نتكلمش نهاااااااااااااااااااااااااااائى اثناء كلامهم حتى وان كانوا بيتكلموا ف الموبايل
وصدقونى ف الاخر احنا اللى هنبقى غلطانين حتى لو ما عملناش اى حاجه
بصراحه كفايه اللى حصل ف نتيجة الترم الاول مش عارفه هيحصل لنا ايه اكتر من كده

من طرف ???? الأحد أبريل 04, 2010 10:09 pm

احنا على طول غلطانين في البلد
واتبرمجنا على جملة "السيئة تعم" ليه السيئة تعم ده حتى مش في شرع ربنا "إِنَّ اللّهَ لاَ يَظْلِمُ مِثْقَالَ ذَرَّةٍ".

بجد حرااااااااااااااااااام اكتئاب كل يوم , احباط كل يوم , ذل كل يوم

يرحمونا بقي كفاية اللى حصل في الترم الاول

من طرف حكايه روح الإثنين أبريل 05, 2010 2:18 am

انامع عمر ف كل كلمه قلها
اناهكلم من غيراندفاع او دفاع عن الناس الي بيكلموا

دلوقتي لو بصينا مثلا لمحاضره من محضرات الدكتور خالد مبيبقاش فيها نافس والكل بيحضرالمحاضره اكيد ده لان الدكتور بيقدر يجزب المدرج باكمله بطريقه شرحه الممتعه الشيقه الي تخلي الواحد بجديحب ويفهم الماده

نيجي بقي نبص لمحاضره الدكتور زيدان طبعا اناعرفه ومبنكرش تعب ومجهودالدكتور زيدان بس متهيألي دي مش طريقه يعني علشان هو م شعاوز يحزف حاجه من كتابه يشرح ب ال20 صفحه مره واحده وانامن راي افضل لينا اننا ناخدفصل ويتشرح لينا ونفهمه احسن مناخدكتاب باكمله ومش فهمين منه حاجه خالص وكمان كان ف حاجات بيقرا فيها عناوين فقط دي مش طريقه خالص ولو اني كمان شايفه انه مش شرح يعني بصراحه حضور المحاضره زي قلته لاننا لو قرينها من الكتاب هيكون نفس تحصيل حضور المحاضره
وانابكلمكم بصراحه انا ف اخر محاضره بجد كنت هموت من الملل وفقدت التركيز وعلشان متكلمش ف المحاضره اناوصحابي ونشوشر ع الناس خدنا بعضنا وطلعنا بره

ده غيرماده التشريعات الي لغايت دلوقتي والله معرفله اول من اخر ومع زلك الدكتور يما غايب يابيجي متاخر

يجماعه بجد انااعصابي تعبت انااول مره اكره سنه دراسيه بالطريقه دي
نفسي الدكاتره يحسوا بينا شويه وقبل ميقولوا اننا غلطنا يقعدوا ويكلموا معانه ويشووفوا احنا بنغلط ليه
يحسسونا اننا ولادهم وخيفين عليناويكلموا معانه وينقشونا ويشوفنا بنحب ايه وبنكره ايه وايه سهل علينا وايه صعب علينا
ويعرفونا نزاكر ازاي ويوجهونا بدل محنا مشعرفين راسنا من رجلينا
وحيات ربنا لو كل الدكاتره قربوا من الطلبه ومشيوا ع الطريقه دي لهنتعلم ونفهم كويس جدا

احنالزام نشوف حل باي شكل لازم نوصل للدكاتره صوتنا ولازم احناكمان نسمعهم

من طرف elhour الإثنين أبريل 05, 2010 9:39 pm

اولا انا شايفه احباط جامد جداااااااااااا عند كلا من الاستاذ عمر والاستاذ رائف
وحكايه روح
يا جماعه ليه الاحباط ده ما فيش حاجه تستدعى ده كفايه ان محدش اخد حقه المناسب فالترم الاول ههه
بصوا يا جماعه طبعا الدكاتره اكيد مش زى بعضهم صح ماشى صح المفروض لما نلاقى دكتور بيبذل مجهود فعلا وبيراعى ضميره وبيحاول يفدنا حتى لو بره المنهج لازم نسمعه وبكل احترام والا مش نحضر لانه عيب اوى لما يبذل مجهود ويدخل واحنا نتكلم كفايه دخوله ومجهوده
والدكتور خالد على الرغم انه كان شرحه كويس ومممتاز بس برده كان فى ناس بتضايقه واكتر من مره بس الاغلب كان بيسمع وده يرجع لطبيعه شرحه الجذاب
نفترض ان الدكتور ده شرحه يبقى نبوظ الحاضره ونداايقه
وبعدين يا استاذ عمر هوه فعلا فى حاجات حصلت فى محاضره د/امال ود/جيهان تستفزهم جايز كنت مركز معاهم و مش خدت بالك بس حضرتك مش جربت لما تكون بتتكلم وبتبذل مجهود وحد يهزر ويضحك ويتكلم
ويا استاذ رائف على فكره انا مش بحبب خالص عباره الحسنه بتخص والسيئه بتعم لانى كل لما اروح اشتكى لدكتور اسمعها

وكلام كتير بس كفايه لانى طولت
وشكرااااااااااا لمروركم

من طرف سارة محمد الثلاثاء أبريل 06, 2010 10:46 pm

ايه ياجماعة شغل الاطفال ده مش عارفين تمسكوا نفسكوا عن الكلام ساعة ينهار ابيض ان بحمد ربنا انى ماكنتش حاضرة
والله دى حاجة مستفزة اوى احنا ليه نتاخد بزنب غيرنا
ياريت كل واحد يحاول يصلح من نفسوا بقى عشان كده ماينفعش
..................................انتوا اتكلموا ف المحاضرة واحنا نسقط عشان خاطركوا
وزعلانين ان التعليم كان بالبركة والله دى حاجة غريبة اوى
...........................................زتقبلى مرورى

من طرف بنت الشاطئ الثلاثاء أبريل 06, 2010 11:01 pm

يا جماعة انتو لما تلاقوا فوضة فى المدرج اعملو زي بدل ما تصدعوا ,انا لابتكلم ولا بعمل اى حاجة ,انا غلبانة
انا بنااااااااااااااااااااام
والله حتى النوم من الدوشة مبعرفش اركز فيه

يلا.. حسبي الله ونعم الوكيل فى الكل ,الظالم والمظلوم لأنه بيسكت على الظلم

من طرف elhour الثلاثاء أبريل 06, 2010 11:14 pm

ساره
شكرا لمرورك يا اجمل ساره
وطبعا كلامك كله صح
وكويس انك كنتى غايبه

لؤلؤه
هههههههههههههههه
طيب ما انتى قلتى حتى النوم مش عارفين
ربنا يسامحهم ويعينا عليهم هؤلاء الدخلاء
ومرسى لمرورك يا احلى لؤلؤه

من طرف منه الثلاثاء مايو 04, 2010 1:49 am

واللهى انا مش عارفه ايه اللى بيحصل الترم الاول العقاب كان ف التفديرات ع الكل رغم انى مش كنت موجوده ومعرفش ايه اللى حصل والترم ده برضو مش نزلت كتير وبرضو ف مشاكل والدفعه بصراحه بقى مافيش حد طايق يسمع سيرتها طب ده ظلم من الدكاتره ولا تهريج من الدفعه فعلا

من طرف ريحانة الثلاثاء مايو 04, 2010 2:46 pm

اناشايفة ان احيانا الدفعة بتكون غلطانة واحيانا الدكتور بيزودها وصراحة انا عندى اعتراض على بعض الدكاتره و اسلوبهم فى الشرح وكمان الدكاتره الى بتتكلم فى الدين عمال على بطال بدون ادنى علم حاجه تحرق الدم

من طرف elhour الثلاثاء مايو 04, 2010 5:22 pm

اولا شكرا لمنه وريحانه
يا جماعه انا بقول لدكتوره جيهان مش تزعلى مننا قالتلى انتو اللى مش تزعلوا منى انا بتعامل معاكم بالامتحان ومش عايزاكم تزعلوا منى فى الامتحان وقالت انها معانا فى 3 و4
يعنى من الاخر خدت عننا فكره وحشه خالص وناويه تخلصوا مننا فالامتحان
وعلى فكره ده لا ظلم ولا تزويد من الدكاتره
لان فعلا الدفعه مستفزه جامد اوى
وربنا يسترها السنه دى

[b]مبروك يا تانيه اعلام[/b]

[b]مبروك يا تانيه اعلام[/b]

رد: [b]مبروك يا تانيه اعلام[/b]

رد: [b]مبروك يا تانيه اعلام[/b]

رد: [b]مبروك يا تانيه اعلام[/b]

رد: [b]مبروك يا تانيه اعلام[/b]

رد: [b]مبروك يا تانيه اعلام[/b]

رد: [b]مبروك يا تانيه اعلام[/b]

رد: [b]مبروك يا تانيه اعلام[/b]

رد: [b]مبروك يا تانيه اعلام[/b]

رد: [b]مبروك يا تانيه اعلام[/b]

رد: [b]مبروك يا تانيه اعلام[/b]

رد: [b]مبروك يا تانيه اعلام[/b]

رد: [b]مبروك يا تانيه اعلام[/b]

رد: [b]مبروك يا تانيه اعلام[/b]

رد: [b]مبروك يا تانيه اعلام[/b]

رد: [b]مبروك يا تانيه اعلام[/b]