مجرد كلام ....

أنا مصرى أبن مصرى وليا الشرف
...............................................................

شعبيات عم أحمد فواد نجم

أنا مصرى

أنا مصرى أبن مصرى وليا الشرف
برغم المهانة برغـــــــــــــــم القرف
برغم الزبالة اللى مالية الشــــــوارع
برغم الفســـــــــــاد اللى بيه أعترف
سمو معـــــــــــــــالى رئيس الوزارة
نتيجة موظف بسيـــــــــــــط أنحرف
برغم المجاعة اللى داخلين عليهــــــا
وفينا اللى عـــــــايش حياته فى ترف
برغم البطــــــــالة فى أوضة وصالة
برغم أن أخر جنيـــــــــــــه اتصرف
برغم طـــــــــــابور الصباح السخيف
وكل منايا يادوب كــــــــــــــام رغيف
برغم أسايـــــــــا لمنظر عشايـــــــــــا
وأقول مش مهم يــــــــــا واد نام خفيف
برغم إنى شايف بــــــــــلاوى وساكت
وعايش مطنش كـــــــــــــــــأنى كفيف
برغم وزارة رئيسهـــــــــــــــا حرامي
وشوفوا البجاحـــــــــــــة يقولوا نظيف
برغم الســـــــــــلام اللى غرقت بناسها
برغم العيـــــــال اللى ساكنة الرصيف
برغم حكومة شعـــــــــــــارها الكلام
ورغم رئيسنــــــــــــــــا عليه السلام
ورغم أن كله يــــــــــــــا عالم بيغلى
إلا كرامتى بترخص قــــــــــــــــوام
برغــــــم إنى عايش في بلدى فريسة
ووجبة شهية لبعض اللئـــــــــــــــــام
برغم أن كـــــــــــــل تاريخك يا بلدى
فعهد جنابه كـــــــــــــلام فوق رخام
برغم ده كله يــــــــــــا مصر بحبك



عايز اعرف رائيك
ينفع نقول كده
خليك جرئ

بر افو ياسيد اختيار رائع
احمد فؤاد نجم من اعظم شعرائنا
بس خلى بالك انت عارف شعره بيودى لفين
ان شاء الله ليك مستقبل هايل بالتوفيق دايما
هانى ابراهيم

ابوس ايدك يا سيد اهدى وبلاش اجى الاقيك محبوس بكره
ورانا امتحانات

أجمل ما فى القصيدة دى البساطة فى الألفاظ
لكن انى اقول
أنا مصرى أبن مصرى وليا الشرف
برغم المهانة برغـــــــــــــــم القرف ......... الى نهاية القصيدة

لا طبعا
لأن زى ما لينا حقوق على مصر هيا كمان ليها حقوق علينا
وأهمها اننا مهما حصل لازم نفضل نقدسها ونحترمها
وانى مذكرش عيوبها بالطريقة دى فى قصيدة العرب كلهم او بعضهم بدون مبالغة يقروها
يبقي احنا كدا بنهين وطنا يبقي فين بقي الشرف دا

اما عن المهانة والقرف ف دا احنا اللى عملناه احنا اللى اختارنا الحياة دى
ولازم نتحملها ينغيرها
وبالنسبة للشعب فهوا مش مستعد انه يغيرها
ودا طبعا اللى الشعب كله بيقوله ( ياعم اهى عيشة والسلام, خلينا فى حالنا , مالناش دعوة)
وبكدا يبقي احنا اللى اختارنا المهانة والقرف دا ولازم نتحمل
-----------------
نصيحة منى سيبك انت من النوع دا من القصائد وركز مع نزار
نزار حلو و طريقه وردى مفهوش امن دولة

جااااامد يا باشا
انا اموت في الجوأة
خاااصة في السياسة
اسلوبك عااالي اوي
استمر

شكرا لردود حضرتكم


بدون تعليق على الردود