حوار يومى /اسبوعى:هوه ايه اللى بيحصل فى مصر؟

بصراحه السؤال ده انا استمديته من برنامج 48 ساعه بس كنت بدور عليه من زمان هوه اه مش صعب بس اللى وراه صعب كتييييييييييييييير
وهوه ايه اللى بيحصل فى مصر؟
حاجات كتييييييير بدايه اول ما رمضان يقرب اول كلمه هنتابع كام مسلسل
احنا دلوقتى بقه عندنا حاجه انا هسميها ابتلاء او مرض اسمه المسلسلات احنا عندنا السنه دى حوالى من 78 الى 108 مسلسل لرمضان شوفتوا الشيطان شاطر ازاى .....
ودول بقه اتصرف عليهم 750 مليون جنيه خدوا بالكم انا قلت مليون مش الف يعنى تخيلوا المبلغ ده كان ممكن يتعمل بيه ايه سواء موائد رحمان او مساعده المحتاجين فى رمضان ودول كتيييير او التبرع لمستشفى اورام او مستشفى سرطان او..... او.........او..... وهفضل اقول لحد الصبح لكن بيتصرفوا على حاجات مش منها اى نفع نهائى
وطبعا ده غير اللى بيتعرض اصلا فالامراض دى اسؤأ شىء يعنى هتعملوا ومافيش مفر خلاص حاجه عدله فيها فيده لكن ده ايه حاجه تدعو للمخدرات والسجاير وحاجات كتييير لا داعى ذكرها وبيزودا منها وكتييييير ووما شاء الله من رمضان لرمضان فتقدم وزياده من الحاجات دى
ومحدش بيتحرك كله نايم او غفله او واخد باله وعامل نفسه مش شايف او فأيده يعمل بس ايده اتكسرت
بس فى واحد اتحرك وهو نقيب الاطباء رفع دعوى قضائيه ضد الفضائيات لعرضها المسسلسلات التى تروج للمخدرات وتناول الخمر والسجائر
وحلنى بقه لما نشوف القانون هيعمل ايه بس برده واحد من 85 مليون اتحرك بفعل
واكيد الشيطان اخد مكافاه كبيره لان ده الشهر اللى بياخد فيه المكافاه لجذب الناس تجاه هذه المعاصى
بس التليفزيون مش وراه غير انه يعيد ويزيد وكله بيتعاد مش احنا الشعب المصرى لا يؤجل عمل اليوم الى الغد
ده كله بدل ما يجيوا فى شهر كريم بيزرنا كل سنه مره وفى نيته يدينا كل خير نعمل كل حاجه نقدر عليها تجاه ربنا الللى طول السنه مش بيصلى فى المسجد يبدأ بالشهر ده طول السنه مش بيقرأ قرأن يبدأ بالشهر ده وغيره حاجات كتيييييير و بسيطه اكتر بس احنا اللى بنصعب كل شىء اهوه متخلفين سورى مصريين
بدل ما نجيب فالتليفزيون فى كله القرأن صح للى مش بيعرف يقرأ او زى كده كتييييير لا بنقول كفايه اوى الرحمه والناس ده لو جبناهم يعنى
بس ارجع واقول ايه مش عارفه
عارفيين ايه اللى بيميز الدول المتقدمه عنا فى كل شىء انهم الترفيه ده عندهم اخر حاجه يفكروا فيهم واللى بلدنا بقت اكبر سوق ليهم
دلوقتى اقل مثال الصين بقت ليها فرع تانى فى مصر ان صح التعبير يعنى كل حاجه بقت Made In China وده غير الصينيين اللى بقوا زى الرز فى بلدنا بيسوقوا برده مش كفايه استيراد لا ما شاء الله مش بيقعدوا (اللهم لا حسد) ربنا يزيد ويبارك ناس تستاهل بصراحه

خلاص بقه انا تعبت كتابه وكلام
بس اللى فى ايده حاجه(وانا عارفه ان ما باليد حيله) يعملها
وعلى فكره فى لسه كلام كتييييييييير والموضوع كبيييييييييير
وده كان عايز اكتر من موضوع بس زى مابيقولوا الكلام بيجيب بعضه
وعارفه دوشتكم معلشى بقه
وانا مش كنت عارفه اخليه يومى ولا اسبوعى بس بصراحه هوه عايز حوار شهرى سنوى وبعد ده كله مش هيجيب فايده
وياريت اللى عنده رأى يسمعنى اصلى زهقت
بس انا عارفه ومتأكده ان الغالب زى باقى الشعب بيشوف ويسمع ويروح يناااااااااااااااااام
مش غريبه

الواحد بصراحة مش عارف يقول اية لان الكلام كتر قوى فى الموضوع دة ومحدش بيسمع واللى بيسمع بيطنش
حسبى الله ونعم الوكيل فى كل مسؤل عن الحاجات دى

فعلا
حسبنا الله ونعم الوكيل

ولما نشوف بقه احنا داخلين عالعشره الاواخر عايزين نهزم كل ده
يا جماعه لازم نصحى ونفوق دى ايام مش بتيجى غير مره واحده فالسنه
عايزين تسابق فى ختمه القرأن والاعتكاف والصلاه وكل حاجه
مش تسابق فى حاجات تانيه
وربنا المعين
ويتقبل منا
ويغفرلنا



وشكرا لتفاعلكم