نبأ عااجل

من طرف hisham88 الخميس سبتمبر 23, 2010 11:52 pm

انه وفي الفترة السابقة لاحظنا جميعا بعضا من الركود الذي اصاب منتدانا الموقر وذلك لاسباب معلومة ولكن التساؤل الذي يطرح نفسه .... هل يكون المنتدي صورة مصغرة من الدولة ؟؟

الخطأ يسكت عليه ؟؟
الركود لا نعطيه بالا ؟؟؟
الادارة .. لا وجود فعلي لها ؟؟
خطط مسبقه بدون اي افعال علي ارض الواقع ؟؟
كلام في كلام ؟

ليت الادارة تعطي جزأ من اهتمامها في انعاش المنتدي ليرجع لسابق عهده
والا فما قيمة الادارة التي لا تصلح ما يفسده المرئوسون او المدارون
واتمني ان اري ما كنت اراه من موضوعات قيمة وشيقة وافكار رائعة ومناوشات
بين الاعضاء مما كان يجعل للمنتدي نفس وروح ومنظر
اتمني الا اكون اسأت الي احد
ومن احس مني الاساءه ... فطلبي منه التسامح ...

وشكرا !!!

من طرف ehab.pop الجمعة سبتمبر 24, 2010 12:06 am

المشكلة ان ما فيش وقت لاي حد ان يقدر يشارك لان كل واحد في المجتمع ده بيدور على انو ازاي يقدر يعيش عشان كدا تلاقي كله بيفكر في بكرة وعارف انه في مجتمع اخبر لو ما عملش حسابه هينداس فكله بيجري على شغله مش فاضي ولو فضي بينام لانه محتاج النوم

من طرف **Omar Fathy** الجمعة سبتمبر 24, 2010 1:48 am

خليكوا كده لحد ما هتتعقدوا نفسيا
يا نهار ابيض الحكومة خلتكم تعملوا فى نفسكم كده ... ههههههه
======== ده هزار .. نيجى للجد ========
هشام بيقول ان المنتدى يشبه الدوله ... ممكن بس فى ايه مش عارف
اعملك مقارنة ظريفة بين المنتدى و دولتنا :

المنتدى : الإدارة هيا اللى عملته
مصر : هيا اللى عملت الحكومة و خلتهم ليهم لزمة

المنتدى: أعضاؤه سلبيين " مش كلهم علشان ما يتقلبوش عليا "
مصر : شعبها طيب زيادة عن اللزوم و " سلبى " بردو

المنتدى: مديره غصب واقتدار ههههه
مصر : مديرها بالاقتراع الحر المباشر حسب الماده 67 وابقى قابلنى ههههه

المنتدى : فيه حوالى 1000 عضو
مصر : فيها كتر من تمانين مليون عضو

أعضاء المنتدى: مالهمش كارنيه ولا اى حاجة
الشعب المصرى له بطاقة الرقم القومى و بطاقة تموين و شهادة ميلاد كمبيوتر جابها بطلوع الروح

اقولكم ايه بس

===============
أما عن موضوع الادارة فانسى يا عمرو .. مستحيل ادى باسورد ادارة المنتدى لحد .. ما ينفعش .... قلنا نعمل مشرف عام .. ما نفعش .. أعملكم ايه يعنى
===============
شوفوا اللى انتوا عايزينه وانا هعمله فوراً

من طرف شهرزاد الجمعة سبتمبر 24, 2010 2:44 pm

يا جماعة الموضوع ابسط من كده بكتير جدا وهو ان كل عضو يحاول يبدأ بنفسه اولا ويحاول انه يجدد فى مواضيع وطرح مواضيع للمناقشة ولا يبتظر تحرك احد ازاى احنا مممكن ننصح حد ونقوله انت ليه مابتعملش كده واحنا واقفين مابنتحركش

وياريت نحاول تقليل موضوع نقل الموضوعات فقط دون تعب فى كتابة موضوع بانفسنا امال المنتدى معمول ليه عشان نكتب مواضيع مكررة يمكن ان نراها فى اى موقع اخر

فياريت فعلا كل عضو يحاول يبدأ بنفسه دون القاء الخطأ على الاخرين وانا اولكم ان شاء الله هحاول اعمل كده

وبالتوفيق للجميع

من طرف elhour الجمعة سبتمبر 24, 2010 3:23 pm

تقريبا الكلام ده او الموضوع ده بيتفتح من وقت لاخر ويحصل مناقشات وتعليقات ودعوه للتجديد وعدم الركود و........................................؟ بس الفرق ان الشخص اللى بيطرح الموضوع هوه اللى بيختلف
يعنى لما حد يحس انه زهق ينزل الموضوع
بس النتيجه واحده
يبقى الوضع كما هو عليه

من طرف الملاك البرىء الجمعة سبتمبر 24, 2010 4:24 pm

فعلا المشكلة مش لازم تقع ع الادارة وحدها دا مفيش اصلا اعضاء شغالين فالاداره ستدير ايه يعنى تدير الفراغ

لازم الاعضاء يشتغلوا اكتر المنتدى ده للاعلم والاعلاميين وليس فقط لخدمة الاعضاء كل واحد بينضم مش للمشاركة بل لياخد معلومة عن شيت او بحث وبعد كدة مبنشوفش منه حاجة

ا

نبأ عااجل

نبأ عااجل

رد: نبأ عااجل

رد: نبأ عااجل

رد: نبأ عااجل

رد: نبأ عااجل

رد: نبأ عااجل