النهاية المحتومة؟!

من طرف ???? الأربعاء ديسمبر 22, 2010 11:42 pm

انها النهاية المحتومة التى لاتخفى على الجميع ولكن للاسف لم نستعد لهذه النهاية المحتومة وهى الموت وياليت الامر يقتصر على ذلك فحسب ولكن هناك بعث ونشور وميزان وصراط الصراط الذى يقام على ظهرانى جهنم ادق من الشعر واحد من السيف يا الله وكلنا سنمر من عليه اين نحن من هذا كله وتاملوا معى طفل رضيع لم يقترف اى ذنب تشيب راسه من هول القيامة تشيب راسه من هول هذه الاشياء فما بالنا ونحن نبارز الله بالمعاصى فى الليل والنهار يقول الله تعالى فى كتابه العزيز {فَكَيْفَ تَتَّقُونَ إِن كَفَرْتُمْ يَوْمًا يَجْعَلُ الْوِلْدَانَ شِيبًا} وقال ايضا فى مطلع سورة الحج

(يَا أَيُّهَا النَّاسُ اتَّقُوا رَبَّكُمْ إِنَّ زَلْزَلَةَ السَّاعَةِ شَيْءٌ عَظِيمٌ
يَوْمَ تَرَوْنَهَا تَذْهَلُ كُلُّ مُرْضِعَةٍ عَمَّا أَرْضَعَتْ وَتَضَعُ كُلُّ ذَاتِ حَمْلٍ حَمْلَهَا وَتَرَى النَّاسَ سُكَارَى وَمَا هُم بِسُكَارَى وَلَكِنَّ عَذَابَ اللَّهِ شَدِيدٌ)
وما اكثر الايات التى تذكرنا وتخوفنا من اهوال يوم القيامة ولكن اين القلوب التى تتاثر بكلام الله تعالى ونكمل مع بعض قصتنا ونشوف ايه اللى حصل لعبد الرحمن

[ الأخيـــره ]

:: هنقوله ايه؟؟ ::

وقف الجميع حول عبد الرحمن يبكون ويتضرعون الى الله ان ينقذ عبد الرحمن..

كانت نظراتهم وقلوبهم ترقب بحذر ذلك الجهاز الذى يصور ضربات القلب ..

كانت ضربات قلب عبد الرحمن تنتظم احيانا وتضطرب احيانا اخرى..

وفجاه دوّى صوت الجهاز ..

تيييييييييييييييييييييييييييييييييت

لقد مات عبد الرحمن..!

لأآآآآآآآآآآآآآآآآآآآآآآآآآآآآآآآآآآآآآآآآآآه..

(وجاءت سكرة الموت بالحق ذلك ما كنت منه تحيد)

تعالت الصيحات والبكاء والنحيب وسقط البعض مغشيا عليه..

اصيب الجميع بحالة هيستيريه من البكاء..

اجتمع كل من فى المستشفى لتهدأتهم ولكن دون جدوى..

فالفاجعه كبيره ..والمصيبه كالصاعقه..

اما معاذ وعبد الله فقد وقفوا عند رأس عبد الرحمن وقد ابتلت الارض من غزارة دموعهم..

واخذوا يدعون الله لاخ لطالما جلس معهم وخرج معهم ..كان بينهم بالامس..واليوم رحل دون ادنى وداع..

تجمع الجميع واخذوا يلقون النظرات الاخيره..
نظرات الوداع لعبد الرحمن..

هل حقا هى النظرات الاخيره ..؟؟

لا يزالون غير مصدقين..!

وكأنهم فى أبشع كابوس..!

أصر معاذ وعبد الله على ان يقوموا هم بتغسيل عبد الرحمن..

كانت المهمه شاقه للغاية..ليس فقط لانه اخ وحبيب يصعب فراقه..

ولكن لعلامات سوء الخاتمه التى ظهرت تباعا عند تغسيله..
وما ادراك ما سوء الخاتمه؟؟!!
نسأل الله العفو والعافيه..

وبعد الانتهاء ..لم يتمالك معاذ نفسه مما رأى ..

كانت الساعه تقترب من الحادية عشر ظهرا..

ذهب معاذ الى الكليه وقف على احد السلالم وأخذ ينادى باعلى صوته.. يا شباب ..يا بنات..

ظن الجميع انه مجنون ..تجمع العديد من الطلاب ليروا ماذا سيقول ..

أخذ معاذ يصرخ وقلبه يتفطر ..

ياشباب ..يا بنات..

عبد الرحمن مااااااااااااااات..

زميلنا عبد الرحمن مات..

اخونا عبد الرحمن مااااااااااااااات..

فوقوا بقى ..فووووووقوووووووووووا..

مستنيين ايه؟؟!!

الموت مش بعيد عنى وعنك وعنِك!

شباب المسلمين بيموتوا على ايه دلوقتى؟؟!

على الاغانى والافلام والاباحيات والمخدرات وقصص الحب..!

اللى عايز يموت على طاعه يعيش على طاعه يا شباب..

هتقول لربنا ايه؟؟

هتقولى لربنا ايه؟؟

هنقول لربنا ايه؟؟

هنقوله ايه ياشباب؟؟

هنقوله يارب اصلك اخدتنا على غفله ..كان لازم تنبهنا الاول علشان نلحق نتوب..؟!
هتلاقى الجواب فى كتاب الله بيقولك (وَهُمْ يَصْطَرِخُونَ فِيهَا رَبَّنَا أَخْرِجْنَا نَعْمَلْ صَالِحًا غَيْرَ الَّذِي كُنَّا نَعْمَلُ أَوَلَمْ نُعَمِّرْكُمْ مَا يَتَذَكَّرُ فِيهِ مَنْ تَذَكَّرَ وَجَاءَكُمُ النَّذِيرُ فَذُوقُوا فَمَا لِلظَّالِمِينَ مِنْ نَصِيرٍ)

ربنا امهلك كتييييييييييييير ..
وسترك كتيييييييييييييير..
وبعتلك رسايل كتييييييييييييييييير..

بس انت اللى قلبك اتعمى ومبقاش يشوف..!!

كل واحد قريبك او زميلك مات رساله ليك من ربنا..!

كل حادثه شوفتها فى يوم على الطريق رساله ليك من ربنا!

كل مرض جالك او شوفته عند حد رساله ليك من ربنا!

كل شريط او اسطوانه وصلتلك سواء سمعتها ولا لأ رساله ليك من ربنا!

كل موضوع قريته على النت رساله ليك من ربنا!

بعد ده كله لو كملت فى الطريق اللى انت ماشى فيه يبقى انت اللى اخترت جهنم بايدك..!!

يا شباب كلنا عايزين السعاده فى الدنيا والاخره..

اى طريق هتمشى فيه غير طريق ربنا مش هتلاقى فيه غير الهم والغم فى الدنيا والعذاب فى الاخره!

اسمع اغانى براحتك..

حب بنات براحتك..

وانتى البسى كل اللى تحبيه..

وكلمى كل الشباب..

عيشوا الحياة زى ما تحبوا..

بس برده فى الاخر مش هتلاقوا غير الهم والغم والضنك زى ما ربنا قال (وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكًا وَنَحْشُرُهُ يَوْمَ الْقِيَامَةِ أَعْمَى)

وفى الاخره ..مفيش غير جهنم ..!

كل ده علشان ايه ..؟؟

مش عارفين نصبر اليومين اللى عايشنهم فى الدنيا..؟!

اسمعوا الحديث ده..
(ويؤتى بالرجل من أهل النار
فيقول الله: له يا ابن آدم كيف وجدت منزلك ؟
فيقول أي رب شر منزل
فيقول له: أتفتدي منه بطلاع الأرض ذهبا ؟
فيقول أي رب نعم !
فيقول الله له: كذبت ..قد سألتك أقل من ذلك وأيسر فلم تفعل!
فيرد إلى النار)

مش غضل ابصر كان اسهل ؟!

مش البعد عن الحب الحرام كان اسهل؟!

مش المحافظه على الصلاه كانت اسهل؟!

مش لبس الحجاب الشرعى كان اسهل؟!

مش ترك الاغانى والافلام كان اسهل؟!

ساعتها ..مش متخيل ندم الواحد هيبقى شكله ايه؟؟!!

(وَلَوْ أَنَّ لِلَّذِينَ ظَلَمُوا مَا فِي الْأَرْضِ جَمِيعًا وَمِثْلَهُ مَعَهُ لَافْتَدَوْا بِهِ مِنْ سُوءِ الْعَذَابِ يَوْمَ الْقِيَامَةِ وَبَدَا لَهُمْ مِنَ اللَّهِ مَا لَمْ يَكُونُوا يَحْتَسِبُونَ)

كنتوا فاكرينها لعبه؟؟!!

يلا يا شباب نفوق بقى..

كل واحد يقف وقفه مع نفسه دقيقه واحده ..

يقولها انتى موديانى على فين ..؟!!

انا مستحملش نظرة غضب واحده من ربنا؟؟!

كفايه بقى ..كفايه..

يلا نعيش حياتنا صح..نعيش احلى حياة ..

أحلى حياة فى طاعة الله..

------------

مرت الايام والشهور..
والاحزان لم تفارق بيت عبد الرحمن..!
اما نورهان فقد اصيبت بحالة نفسيه ودخلت مستشفى الامراض العقليه..!
وتزوج عبد الله من ساره اخت معاذ ..
اما معاذ فقد تزوج باحد الاخوات التى كانت خير معين له على الدعوه..واصبح بفضل الله من كبار العلماء الداعين الى الله عز وجل..والتزم على يديه الكثييييير والكثييييييييييير..

من طرف ???? الأربعاء ديسمبر 22, 2010 11:43 pm

كلمة اخيرة
-------------

يمكن تكون احداث قصتنا انتهت على ارض الخيال..

ولكن على ارض الواقع..

عندنا قصه مازالت مستمره ..قصه ..كل واحد فينا هو بطلها..

الله اعلم هتنتهى امتى ..ممكن دلوقتى وانت بتقرأ كلامى ده..ممكن بكره..مكن بعد سنه..الله اعلم ..
بس اكيد هيجي يوم وتنتهى قصتى وقصتَك وقصتِك..
ياترى هتكون النهايه شكلها ايه؟؟

الشباب دلوقتى للاسف عايش مش عارف هو عايش ليه ..؟؟عمال يقتل فى وقته ويشتكى من الفراغ ..لانه مش عارف هو عايش ليه..!
وبيموت ..يلاقى نفسه قدام اهوال لو قعد طول حياته يتخيل فيها مش هيعرف يتخيلها..!
لازم نعرف يا شباب ان عمرنا رأس مالنا..اهم حاجه فى حياتنا..لو واحد من اهل القبور قالوله تشترى دقيقه واحده ..يقول اشتريها بكنوز الدنيا ..
يبقى لازم نستغل عمرنا صح ..لازم كل لحظه تبقى فى طاعة ..حتى لو كانت فى عمل دنيوى بنيتنا ممكن نحولها بسهوله لاجر عظيم..

لازم نعرف اخرتها ايه ياشباب؟!

بعد جرى الوحوش اللى عاملين نجريه فى الدنيا ..اخرتها ايه؟؟

اخرتها هنقف بين ايدين ربنا ونتسأل عن كل شئ..

لما ربنا يسألنى ويسألك ويسألِك ..

عن عمره فيما افناه؟؟؟

هنقوله ايه..؟؟

فى الجرى ورا الدنيا وشهواتها ..

عن شبابه فيما ابلاه؟؟

فى الجيمز والبلاى ستيشن 24 ساعه والدش والشات والقصص الحب..!!

ياترى لما ملك الموت هيجي يقبض ارواحنا هنقول (رب ارجعون) ولا هنقول زى ما النبي قال (بل الرفيق الاعلى ) ؟؟

يا ترى يا اخويا وحبيبي مزهقتش من حياة المعاصى ..؟؟
مش نفسك تحس بسعاده عمرك ما حسيتها قبل كده ..؟؟
اكيد نفسك..
يبقى ايدي في ايدك..نمشى فى الطريق الصح ..نبدأ صفحه جديده..ونعيش احلى حياة..

ياترى يا اختى ياللى الاسلام كرمك وخلاكى غاليه مش نفسك تمشى ملكه ..؟
مش نفسك تسترى نفسك بقى ..؟؟
مش ناوية تغيرى البدى والفيست والبنطلون لخمار وعبايه؟
او تتشبهى بامهاتنا ,امهات المؤمنين وتجربى حلاوة النقاب؟
مش كفاية ترخيص فى نفسك بقى ويلا نبطل نكلم الولاد سواء على النت او براه..؟؟

مش نفسك تعيشى سعيده..
يلا ابدأي صفحه جديده مع ربنا ..
يلا نعيش احلى حياة..

مش عايز اطول عليكم..

بس نفسى نبدأ نبطل تسويف وكلام..

نفسى ناخد خطوات جد نغير بيها حياتنا ..

ويارب كلامى يكون وصل من القلب للقلب..

يارب الطايع يزيد ويثبت..والعاصى يتوب ويرجع..

يارب نتقابل كلنا على حوض النبي صلى الله عليه وسلم ..ونقوله اتمسكنا بالدين والسنه فى زمن الفتن يا رسول الله ..علشان نشرب من ايديه ويكون شفيع لينا عند ربنا ..

والملتقى الجنه بإذن الله,,,

من طرف شهرزاد الخميس ديسمبر 23, 2010 12:26 am

انا بصراحة مش عارفة ايه اللى حصلى بعد ماقريت الموضوع ده وجدت الدموع تنهمر والقلب يهتز من عظمة الحديث عن يوم القيامة
اللهم اغفرلى ذنوبى وثبتنى واهدنى وكل المسلمين على الصراط المستقيم
وارحمنا فى الدنيا والاخرة

ربنا يكرمك ويبارك فى اعمالك ويجعله فى ميزان حسناتك امييييييييين يارب العالمين

من طرف زهرة الاسلام الخميس ديسمبر 23, 2010 6:30 pm

يااااااااااااااااااالله
كنت متخيلة ان النهاية هتكون غير كده خالص
يارب اغفر لكل عبد الرحمن وارحمهم

يارحمااااااااااااااااااااااااااااااااان ارحمناااااااااااااااا

ياااااااااااااااااارب
يارب اغفر لنا وارحمنا واهدنا واعفو عنا واسترنا فى الدنيا والاخرة
اللهم ارزقنا قبل الموت توبة صادقة وعند الموت شهادة
وبعد الموت جنة ونعيما ورضوانا
اللهم اسقنا من يد الرسول صلى الله عليه وسلم
شربة هنيئة لا نظمأ بعدها ابدا
اللهم ارزقنا مرافقته فى اعلى عليين

جزاك الله خيرا @ الراجى رحمة ربه@
وجعله فى ميزان حسناتك