ارفع راسك وقول ........انا مصرى

السلام عليكم يا شباب اعلام...........بجد اول مره اقول انى مصريه وانا فرحانه جدا والحمد لله ....واتمنى ان احكى الى اولادى فى المستقبل انى كنت موجوده ايام هذه الثوره الشعبيه المذهله..........بجد حاسه انى قمت ونفضت كل التراب اللى كان عليه...........اول مره احد اقاربى الموجودين فى الجزائر ةابو ظبى يقولون له مبروك وعقبالنا ويفتخرو ان بينهم احد المصريين............................. اما بالنسبه للناس اللى لسه قاعده وبتقول لا متنزلوش اصل كده بنخرب البلد .................بجد انتو متستهلوش اللى بيعملوه الشباب عشانا كلنا فى الميدان ..................ولسه عايزين تعملو نفسكم مصدقين.................بجد حرام كفايه ذل ومهانه ...............وان شاء الله لما يحققوا الشباب المطالب وسيتنحى ان شاء الله الرئيس......لا تستحقو ان تنسبو هذا الفضل لكم وتذكروا هذا جيدا............وحسبن الله ونعم الوكيل ....وكفى بالله وكيلا............وارجو من كل حكيم عاقل الدعاء للشباب بالثبات.......وان يحكم مصر رجل عادل هو وحكومته....امين.................MOHAGABA....MASSSRRRIIIAAA

بسم الله الرحمن الرحيم
شكرا لك
لقد وجدت غيرى يريد تنحى الرئيس فى هذا المنتدى
أحب أن أقول أن هذا الطاغيه أستطاع أن يوصل رساله -- ولعمرى - سقط فى الشرك كثير من الناس
أن البلاد لا تنفع بدونه
مصر لن تقف على أحد
فكم مر من هنا حبيب كان أو غريب , لم يأخذ معه سوى ذكرى -مجرد ذكرها يميت القلب , و أظن أن هذا الرجل من مثل هؤلاء , لا من اولئك الذين ترحمهم الارض بذكر اهلها , فيرحمهم الله .

.بجد انتو متستهلوش اللى بيعملوه الشباب عشانا كلنا فى الميدان ..................ولسه عايزين تعملو نفسكم مصدقين.................بجد حرام كفايه ذل ومهانه

اولا ماذا يفعلون ............؟
ثانيا لما يرفضوا الحوار ...........؟
شباب 25 يناير هم من يستحقون الاحترام
ام هؤلاء لا نعلم عنهم شئ لانهم يرفضون حتى مجرد الحوار فكيف اسمع لاشخاص يرفضون ان يسمعوا كلام غير كلامهم


نريد ان يرحل الرئيس لما .................................................؟
لا تقولوا شعارات ولا اقاويل بغير دليل ، لعلى اجد سبب مقنع وانادى معكم


انا لا اريد ان يرحل الرئيس لما ...........؟
لانه ان رحل ضاع كل مافعله الشباب يوم 25 ، وضاعت مطالبهم وهذا ما لا اريده

اه نسيت اقول حاجة
انا مصرى وبحب بلدى
واتشرف ان جيلى من الشباب غير كتييييييييييييييييييييييييييييييييييييييير فى بلده
لك الله يامصر

لان الحوار والكذب بقاله 30 سنه.................واكيد انت ملكش حد اتعذب واتهان فى السجون وتعرفه شخصيا اكيد متوجعتش من حد اوى ....................وان كنت تتدعى ان شباب 25 هم غير الموجودين الان ...........فلماذا انت لا تنزل لميدا التحرير وترى من يوجد هناك ..................وتقابل اهالى الشهداء

لان الحوار والكذب بقاله 30 سنه.

هل هذا دليل قوى لعدم الحوار ........؟

اما باقى كلام حضرتك ، فهو مجرد اسلوب ضعيف فى الدفاع عن الافكار والاراء التى تومنين بها ، اسلوب يعتمد على الافتراض من غير دليل واضح ، بل يعتمد اكثر على استخدم كلمة اكيد فمن اين وجدت لهذه الكلمة دليل ......؟

الاغرب انك لم تجاوبى على باقى استفساراتى .....

لك الله يامصر

انا مع السيد فى رايه بالظبط
ياريت ياجماعه نفكر بعقولنا شويه ونشوف فين مصلحه مصر
مش معقول هنفضل علطول فى مظاهرات كده لخايد امتى ؟؟؟

هناك شخصيات تدخل فى جدال بدون اذن ولا تريد الاان تتكلم وتستمر فى هذا سنين وسنين حتى تتقن ذلك بحرفه ...........لان ليس فى ايديهم سوى ذلك والحمد لله انا لست من هذه الشخصيات................ولا اريد ان ادخل فى جدال يتسبب فى ان اخسر اى شاب او شابه من شباب اعلام .................وعلى العموم انا مقتنعه بوجه نظر 100 100 ولكل شخص حريه الراى والتعبير.

ابدأ كلامى بتحية الاسلام

السلام عليكم ورحمة الله وبركاته

اختى محجبة حقيقى وحشتينى جدااااااا

بالنسبه لموضوع نقاشنا هذا

انا ممكن كنت مع المظاهرات فى اول ايامها ....... لكن بعد خطاب الرئيس الاخير ..... ادركت الموقف جيدا وازلت الغمامة من على عينى .... وبل ادمعت عينى لاحساسى بكسرة مبارك فى خطابه لنا



أعلن مبارك إقالة الوزارة
أعلن عن انه لن يترشح لفترة رئاسة سادسة
أعلن عن تعيينه نائب رئيس الجمهورية
اعلن أنه لن يهرب
أعلن عن تطبيق احكام القانون في طعون مجلس الشعب
...أعلن عن تعديل المادتين 76 و 77 من الدستور
أعلن نائب رئيس عن أن جميع مواد الدستور قابلة للتعديل
أعلن منع سفر عز و جرانة و المغربي و العدلي و تجميد أرصدتهم
9- استقالة جمال مبارك من الحزب الوطني و انه لن يترشح لرئاسة الجمهورية
عاوزين ايه تانى


فان كنتم تريدون رحيله ..... فانه بالفعل اعلن تنحيه فى سبتمر القادم
فان اصررتم على تلك المظاهرات فربما ستغرق مصر بدخول عناصر خارجيه بها كما تم بالعراق

ولأن كل شىء ان زاد عن حده انقلب ضده


وبعدين احنا عمرنا ما كنا نحلم ان الطلبات دى تتحقق بجد كفايا كده

وبجد عيب اوى التجاوز فى الاساءة لمبارك ده بلغ من العمر الان 83 عام

وغير كده لو كان فعلا اخطأ فالنعطيه الفرصة للاصلاح والتغيير مش معقول حال البلد هيتعدل فى يوم وليله

فالله عز وجل خلق الدنيا فى سته ايام

فان الله له حكمة فى كل شىء العقل البشرى لا يقوى على حصرها كامله لاننا من صنع الله

واخيرا وليس اخرا

اللهم احفظ مصر بحفظك يا الله


https://www.youtube.com/watch?v=kBsv1bRIlME

واتمنى تشوفه الرابط ده وتشوفه رأى السادات في سيادته

ف الاول احب اوضح ان انا ويا رأي السيد و رغد مش الاخت المحجبة و ع فكرة انا من مؤيدييييييييين الريس بشددددددددددة
نصيحة للاخت المحجبة شوفي اية الايجابيات و المميزات اللي رجعت عليكي شخصيا و احكمي بالعدل ماشي ف سلبيات و عيوب بس دي حاجات قللللللييييلة جدا لا تذكر و بعدين ان كان ليكي شخص قريب او تعرفيه و يارب مطول عليه شدة بس معلش يعني لا الريس قاله يعمل كدة و لا هو اللي حكم عليه بالسجن هو اللي ظلم نفسه و ارجع الاسباب لحد تاني غيره
ان شاء اللة باقي الريس رغم انف اي حد
ف الاخر بتمنى انك متزعليش من الحوار ف الاول و الاخر دي اراء

على فكره انا بحبكم كلكم بصدق مبزعلش من اى حد منكم..............................وان كنت مقتنعه براى معين ................................فهذا يرجع لى وحدى ولا يحاسنى الا الله .........................وادعو الله ان ينور لنا ابصارنا .................ويجمعنا على كلمه واحده فى اقرب وقت وان يعم الخير علينا جميعا ..................................وبجد انا بحب مصر والمصريين كلهم واتمنى ان ارى مصر فى اعلى مكانه ............ونحن معا مجتمعين

في الاول احب اسلم علي كل المنتدي وادعي لمصر بالثبات والعزة طوال الحياة
وثانيا :انا مقيمة في السعودية وتعلمت في السعودية ولم اتكلم يوم بغير اللهجة المصرية وطوال حياتي افتخر بجنسيتي ولكن زاد فخري فخرا بما فعلة اعظم شباب في الدنيا باكملها وهقول كلمة فعلا من قلبي وهي كلمة مقتبسة(لو لم اكن مصريا لوددت ان اكون مصرا) والان اضيف عليها (لو لم اكن مصريا لما وجدت في الدنيا)