ادلع يا عريس يابو جزمه نايلو

.: ادلع. يا عريس
بالبدلة النايلو
وادلع. يا عريس
دي. جنايتك نايلو
عند بيت أم. ( جمال. )
آي. آي
والشجرة طرحت أموال
آي. آي
وعصابة ورجال أعمال
وجيوبهم زي. النايلو
.**********
عند بيت أم. ( علاء. )
آي. آي
الشجرة طرحت أخلاق
آي. آي
من أول. ( شيري.) لوفاء

.**********
عند بيت. (عزمي.)
آي آي
الشجرة في. زي. رسمي
آي آي
أملاكي. مش بس باسمي
دي. باسم الناس النايلو
. **********
عند بيت أم. (عبيد.)
آي آي
الشجرة طرحت تبديد
آي آي
باع العام وبقينا عبيد
للناس الناس النايلو
.**********
عند بيت أم. ( نظيف. )
آي آي
والشجرة طرحت تخطيف
آي آي
علمنا نحلم برغيف
أبو لاسة لاسة نايلو
.**********
عند بيت. (يوسف والي.)
آي. آي
الشجرة دي. شغلت بالي
آي آي
سرطني. أنا وعيالي
بأوأمر الناس النايلو
.**********
عند بيت أم. (سرور.)
آي آي
الشجرة طرحت دستور
آي آي
وقانونا أصبح مكسور
علي كيف الناس النايلو
.**********
عند بيت أم. (حبيب.)
آي. آي
والشجرة طرحت تعذيب
آي. آي
واللي. يعانده شمسه تغيب
يتحط ف كيسه النايلو
.**********
عند بيت أم. (رشيد.)
آي. آي
الشجرة بتطرح في. حديد
آي. آي
و(العز.) أخد التوريد
وعمولته ف كيسه النايلو
.**********
عند بيت أم. ( سليمان. )
آي. آي
الشجرة طرحت اسكان
آي آي
وزعها بالكام فدان
للناس الناس النايلو
. **********
عند بيت أم. ( الغالي. )
آي. آي
الشجرة بكيت حالي
آي آي
وضرايبه نهبت مالي
من الغالي. وعمايلو
وادلع. يا عريس
دي. جنايتك نايلو
.**********
عند بيت أم. (جرانة.)
آي آي
الشجرة أهي. دايخة معانا
آي أي
والشرم باعها وسهانا
للناس الناس النايلو
. **********
عند بيت أم. (عيشة.)
آي آي
الشجرة طرحت خيشة
آي آي
ومعاشنا هيكفي. الشيشة
ونشحت من الناس النايلو
.**********
عند بيت أم الهباش
آي. آي
الشجرة طرحت خشخاش
آي. آي
واللوحة خدها ما سابهاش
دخلها ف كيسه النايلو
.**********
عند بيت أم. (الشهيد.)
آي. آي
الشجرة طرحت تنهيد
واللي. ظالمنا
اهو راح في. حديد
ع السجن راح لزمايله
... وادلع. يا عريس
دي. جنايتك نايلو

هم يبكى وهم يضحك بجد ههههههههه
مش عارفة اضحك ولا اعيط على حالنا

شكرا جدااااااااا على الموضوع الرائع

روووووووووووووووووووووووووووعه بجد تسلم يا حسام بجد احيك

ياريتنى كنت اتخانقت معاك من زمان علشان تجيب لنا المواضيع الجميلة دى

بجد تحفة تحفة تحفة ، تحس ان كل كلمة ما ينفعش غيرها ، كله ماشى مع بعضه .. بس بستسمحك تكتب تحت الموضوع منقول علشان ما ينطلناش واحد يقول ده شعرى زى اللى حصل قبل كده ، إلا بقى اذا كنت انت اللى كتبته وساعتها والله يابنى هعترف بيك (كشاعر ههههه) وهنعمل مظاهرة علشان الأمم المتحدة تعترف بيك و هنحطلك صورة فى أول المنتدى و ممكن نخليك العميد كمان ......... بدل حسام والصقر ، اوعى دماغك تروح لبعيد وتفكتر عميد الكلية .

موضوع جميل جدا
تسلم ايديك

تحفففففففففففففففففففففة بجد جاااااااامد اوى بجد مفيش تعليق يوصف روعة الاحساس اللى جوة اى حد يقرا الكلاام دة بجد جاااامد ووفعلا تحس ان كل كلمة مناسبة لصاحبها وماينفعش يتقال غيرها لوصفة بجد رااااااااااائع...تسلم ايديك

رائعة

موضوع حلو جدا

واللي. ظالمنا
اهو راح في. حديد
ع السجن راح لزمايله
... وادلع. يا عريس
دي. جنايتك نايلو

يستاهل طبعاً من اعمالهم سلط عليهم



تسلم ياحسام

هههه
ايه الفرح ده
بس بجد جميل جدا
هااااااااااااااااااايل