مسابقة أفضل موضوع تفاعلى

أعضاء منتدى شباب إعلام الأعزاء
-----------------------------------

تهل علينا أجازة آخر العام ، ويهل معها بعض من الملل لدى البعض و الإرهاق لدى البعض الآخر والراحة لدى بعض غير الأول والثانى .

لذا قررنا أن نبدأ مسابقة لأفضل موضوع تفاعلى فى المنتدى
==================================
تقصد ايه يا عم انت ؟!
اقولكم اقصد ايه ... موضوع تفاعلى يعنى فكرة الأعضاء تتجاوب معاها ،، أو حتى قسم جديد ، يتناسب مع الفترة الجاية ،، وياريت لو يكون موضوع مفيد .
==================================
هستفيد ايه يعنى؟!
اقولك هتستفيد ايه.... هتستفيد :
أولا: لو موضوعك مفيد ، عد يا معلم حسنات
ثانيا: لو الفكرة فكرة قسم هتبقى انت المشرف عليه
ثالثا: لو موضوع أو حتى قسم ، كده كده أصحاب أفضل موضوعات سيتم طرح أسماؤهم فى استفتاء لأعضاء المنتدى لتولى مهمة الإشراف العام على المنتدى مع ايهاب ولو الموضوع جامد يعنى هيطرح اسم واحد فقط للتصويت .
رابعاً: قول يارب يمكن يكون فى هدية لصاحب أفضل موضوع
--------------------------------------------------------------------
طيب هشارك ازاى ؟!

قول فكرتك ، اكتب موضوعك ، اطرح رأيك بس تكون عامله دراسة ، مش دراسة دراسة يعنى بس يعنى تكون مفكر فيه كويس .

لو موضوعك جذب الناس و المشاركات ، بتبعت رابط الموضوع فى رسالة خاصة ليا وتكتب عليه مسابقة أفضل موضوع تفاعلى .

---------------------------------------------------------------------
وفى الاخر أحب أقول ان كل أعضاء المنتدى مشاركين فى نجاحه ، و المنتدى منتدانا كلنا ، فلازم نتعامل دايما على هذا الأساس .
وياريت اللى مش هيشارك حتى يشاركنا بالرأى

اللة عليك يامدير و ع افكارك

تمام يا عمر فكرة حلوة بس ياريت الكل يشارك ويقول رايه عايز يعمل ايه حابب يكون فيس المنتدى ايه جديد
عاوز ينشط الجو العام يقدم افكاره فعلا
يلا مستنين المشاركات وياريت الكل يشارك
________________________
او فكرة
مسابقة لاختيار افضل قلم (في اي مجال سواء موهبة الكتابة او الشعر او ما شابه _______ والي شايف في نفسه القدرة على انه عنده الموهبة يعرض موهبته بعنوان المسابقة مثلا والاعضاء هي الي تدخل تقيم العمل ده ونشوف في النهاية هو حصل على كام صوت لموهبته وكتابته
وهكذا وفي نهاية الاسبوع ينزل التقيم الخاص
_________
تقريبا دي حاجة ممكن تشجع الاعضاء شوية على الكتابه في اطار وجو من الحماس والتنافس
__________
تقبل مروري ودايما جامد يا عمر

تمام موضوع جميل ياريت بقى تخليه موضوع مستقل علشان ناس اكتر تستفيد ،، و مش محتاج طبعا أشكر فى مجهودك فى المنتدى لأنه واضح للجميع ،، فمن الطبيعى تكونى اول المشاركين

وكمان يا جماعة احتمال يكون فى تطوير فى الفكرة علشان احتمال يكون فى جوائز مادية بس ادعولى اللى فى دماغى يحصل ان شاء الله ، وكمان باركولى قبلت فى منحة وزارة الاتصالات لدبلومة Multimedia & Graphic

هايل الحقيقة انا بقالى شهر طول فترة الامتحانات مدخلتش بسى المجهود دة رائع

وفكرة elhour حلوة اوى

ومبارك لحضرتك ودايما من نجاح لاخر



الحقيقة انا كان عندى موضوع وكنت هعمله قبل الامتحانات وبعدين قلت ااجله لبعدها هى فكرة بسيطة جدا
مسابقة اسبوعية
كنت ناوية انزل مجموعة اسئلة واول رد يحمل الاجابات الصحيحة يبقى الفايز والاسئلة دى فى اى مجال ولو حد حب يقدم المسابقة دى بدلا منى فى اى وقت مفيش مشكلة وطبعا كلها استفادة

اما عن الفائز، فهنا يجى دور حضرتك بئة تعمل تصميم او جزء على يمين الصفحة ويتكتب اسمه عليه لحين اعلان اسم الفائز اللى بعده

يعنى مسابقة داخل مسابقة
بس

تمام بس ياريت الناس تتفاعل علشان نستفاد كلنا
ومافيش داعى للشكر لانى طالما اشتركت فالمنتدى واسمى بئه من الاعضاء يبقى لازم اعمل بده وان كان مافيش مجهود اوى يعنى
والف مبرووووووووووك لكل مجتهد نصيب

جميل جدا و الله أفكار جميلة ، يلا بقى مين ينفذ

يعنى بالنسبة للمسابقة لو حضرتك موافق انا ممكن ابدا فى موضوع منفصل بسى ارتب هبدا ازاى واحدد ميعاد لها وان شاء الله ابدا وكله يبقى تمام

مبروك يا عمور تستحقها طبعا يلا يا جماعة شوفوا افكاركم حلو جدا وتمام قوي الي بتقدموه
عمر
مبروووووووووووووووووووووووووووووووووووووووووووووووووووووووووووووووووووووووووووك
من نجاح لنجاح يا عمر

فكره جميله جدا
بس هشترك وابدا ازاى معاكوا
والف مبروووك ياعمر
وربنا يوفقك

المشاركة يا جماعة هتبقى من أول موضوعات يوم السبت الجاى ، يعنى الموضوعات اللى قبل كده مش هتبقى تبع المسابقة .... يعنى مثلا فكرة المسابقة الاسبوعية دى ، اللى هينفذ الفكرة هيكتبها فى موضوع وينظمها بحيث ان الاعضاء يشاركوا فيها وانا هعمل للمسابقة إعلان فى الصفحة الرئيسية اوك
------------------------------------
أما لو الفكرة تختلف عن الفكرة دى ، عادى جدا ، كل ما عليكم انكم تدرسوا الفكرة وأنا معاكم فى أى مساعدة ان شاء الله .
وأنا سعيد جدا لتفاعلكم، وده مش جديد

اللللللللللللللللفففففففففففففف مبرررررررووووووووووكككككك ياعمر يارب كدة ع طول ناجح
انابدأت فعلاً انفذ فكرتك ياحور ع الاقل استفاد حاجة ف الصيف
اما عن فكرتك ياصفا فأنامستني الاسئلة ع احر من الجمر زي مبيقولو ويارب اعرف اجاوب عليه ا

يعنى البدايه من بكره ان شاء الله
طيب انا مش هينفع انزله بكره لانى مسافره من بكره فممكن انزله انهارده على الاقل نشوف مين اللى هيبدأ معانا من بكره وحد يبقى يتابع معاهم او لو مش كده يبقى حد ينزله بكره بدل منى ويتابع مع الناس الاسبوع ده

اوك تمام كدة ان شاء الله هبدا فى موضوع منفصل يوم السبت
موكا اتمنى لك التوفيق فى اجاباتك وعموما هنبداها سهله عشان التفاعل بس
وشكرا ياعمر على موافقتك وتفاعلك مع الفكرة
وربنا يوفقنا ان شاء الله لما يحب ويرضى

انا عندى موهبة الرسم بعشق الرسم جداااااااااااااااااااا وبعشق الكتااااابه جدااااا جداااا وبحلم كل محافظه تسابق محافظه اخرى بكده مصر فعلا اتغيرت بجد موش مجرد رئيس يروح والتانى يجى واحنا واقفين محللك سر " نفكر ازاى نجعل كل حى كل شارع كل قريه كل عذبه كل ارض متقدمه واهم حاجه النظافه احترام عمال النظافه مساعدتهم مشاركه الشرطه وليس نبذهم , فكروا كده معايا لو معايا فى اخر العام فى مسابقه بين محافظات مصر على اجمل محافظه شارعا ونظافه وثقافه وادراك وقتها روح المنافسه للوصول للافضل هتزيد والعقل هيبدا يفكر صح ازاى نفيد مصر ازاى نجعل كل محافظه فى مصر تنادى وتقول باعلى صوتها انا نلت الجائزه الاحسن هذا العام والعام الى بعده ستتسابق محافظه اخرى وكذللك " فما اجملل المنافسه الصادقه عندما تنير العقل " ازاى نطور النوادى ونستغلها صح ازاى نطور الرياضه ممكن نستخدم الاجازه اخر العام لمسابقات فنيه ومعارض فنيه ع مستوى جامعة الزقازيق مابين الكليات وممكن كمان عندنا فى محافظتنا قصر جميييييييييييييييييييل اسمه قصر الثقافه نشارك فيه ننمى القدرات والميول جوانا و ااى انسان يقدر يقدم افكار جديده ,مشروع جديد , موهبه فنيه , تفيد نوصل افكارنا ومواهبنا نتعاون ننشط مخنا صح نفكر ازاى نطور جامعت الزقازيق ونجعل الجامعات التانيه تغير مننا لو كل جامعه سابقه جامعه اخرى فى جمهورية مصر العربيه فى النشاطات فنيه ثقافيه اجتماعيه تنمويه "المنافسه تخلق التحدى والتحدى ينتج افكار عقلانيه ناجحه وابداع قد يصل لناطحات السحاب واعلى واعلى نعامل الدكاتره كويس نجبرهم يشاركونا ارئنا وافكارنا بس بالحوار السليم ونعمل معارض فنيه تفيد محافظة الشرقيه عموما

انا تالته اعلام عندى افكاااااااااااااااار كتييييييييير جدا بس محتاجه اخراج صح , تنميه صح , روح منافسه تحدى عزيمه امانه