لااااااااازم يا جمااعة...

لازم يا جماعة كلنا نبدأ ناخد كورسات انجلش وكمبيوتر

ناخد واحنا لسة في الكلية لاننا بعد ما نخلص لازم نستغل اننا بندور علي شغل ولما ندور علي شغل واحنا مش معانا حاجة والحاجة دي بقت خلاص حاجة اساسية في اي شخص متقدم لوظيفة

يعني زي زمان كدا لازم اللي عاوز يشتغل شغل كويس لازم يكون بيعرف يقرا ويكتب او معاه البكالريوس

احنا خلاص بقينا في عصر التكنولوجيا ولازم نكون معانا علي الاقل دا غير تخصصنا كورس انجلش وكمبيوتر .

دا غير تخصص الشغل بقي ودا اللي بعد كدا اللي ممكن نبتدي فيه لما نخلص كلية
اللي هو كورسات اخراج ومونتاج والحاات دي كلهاا

انا الحمدلله ابتديت كورسات انجلش من 3 والحمدله انا حاسة بفرق جامد وكمان حسيت اني بستفيد بجد وان كمان مبضيعش وقت خالص عشان لما اخلص باذن الله مش لسة هضيع وقت في اني اخد كورسات لسة

علي الاقل الوقت اللي يضيع دا يكون في كورسات التخصص بس.

اتمن ان يكون رايي موفق وتقبله شباب كلية اداب اعلام باذن الله

منتظرة مشاركتكوا ورايكوا

واللي فعلا ابتدي ياخد كورسات يقولنا هوه حس بفرق ولا لا ويحكيلنا هوه بقي

ازيك يا ملاك

اولا : شكرا علي مشاركتك

ثانيا : انتي مش بتضايقيني بالعكس احنا هنا اتفقنا اننا نكون اسرة واحدة واللي عارف يقول للي مش عارف.

بصي بقي ندخل في موضوعنا

انا لسة مخدتش كورسات في الاخراج او الانتاج خالص لسة لما اخلص ان شاء الله

وبالنسبة انك مش عارفة تاخدي في 3 او 4 خدي من اول ماتفكري وتقتنعي انك لازم تبدأي وكل ما كان بدري كل لما كان احسن.

كل لما تخلصي ويكون معاكي شهادات بالكورسات اللي انتي خديتها يكون افضل


انا اللي بدأته في الانجلش بس ولما اخلص المستويات كلها ان شاء الله هاخد كمبيوتر وبعدين بقي التخصص ان شاء الله.

انما بقي بالنسبة لمواد 3
مواد التخصص سهلة جدااا
وركزي اوووي مع الكتورة سناء لانها بتكون عاوزة الواحد فاهم مش حافظ حتي في امتحاناتها وبتسأل في المحاضرة علي طول والمادة بتاعتها تذاكريها كلها ومتسيبيش حاجة فيها وكمان تذاكري الحاجات اللي في اواخر الكتاب واللي في اوله دايما بتجيب من الاواخر .

دا طبعا بجانب الكتاب كله.

دا بالنسبة للدكتورة سناء.

الدكتور محمود توفيق مادة الجغرافية السياسية انا كتبت موضوع عشان نسهل علينا المادة باختصار يعني انك تهتمي بكلامه اووي وتركزي في المحاضرة وتكتبي وراه لانه بيجيب من المحاضرة في الامتحان.ومتفوتيش محاضرة ليه

متخافيش من مادة العلاقات العامة بالرغم انه هيقرر الكتاب كله بس متخافيش منها المادة سهلة اوووي لما تلميها كويس

مادة الراي العام الكتور عبد الفتاح بيحب يرسم نفسه شوية لازم بيجيب حاجة في الامتحان بتميز الطالب بس المادة كويسة يعني بس مشكلته في امتحاناته

مادة مناهج بحث السنة اللي فاتت الدكتور المسلمي اللي كان بيدينا السنة دي اللي عرفتوا ان دكتور خالد ودكتورة هويدا اللي هيدوكوا

بس المادة دي عاوزة تركيز شوية لان في حاجات فيها بتلغبط بس هو اسلوب الكتور المسلمي معقد شوية
مش عارفة بقي نظام الدكتور خالد او الدكتورة هويدا بس الدكتور خالد شرحه جميييل جدااا في المحاضرة

مادة اعلام دولي دي سهلة جدااااا جدااااا جداااااا جداااااا لحد بكرة بقي بس هي كبيرة شوية بس مفيش اسهل منها والله

وانتي هتعرفي كدا بعد ما تتذاكر وتتلم كلها بس اسمعي كلامي والله سهلة اوووي وكلامها سهل مفهوش صعوبة خالص

ونفس الكلام في مادة الدكتور غريب الي هي اذاعات محلية هي اصلا المادة نفسها شبيهة باعلام دولي

ولو في حاجة مش واضحة ياريت تقوليلي يا ملاك لو مش فاهمة حاجة او كدا يعني من كلامي او كنتي عاوزة تعرف حاجة اكتر

العفو يا ملاك وربنا يوفقك

نورتي يا ميكو وشكراا لمشاركتك....

شكرا اوى ليكى ياهبة واكيد هحتجلك اوى عشان افهم شوية عن اذاعه وايه نظامها عشان بردو الواحد عاوز يشتغل صح مالاول

وانا في اي وقت هكون مستنياكي

بس يا جماعة انا زعلانة منكوا

يعني مفيش حد بيتكلم في الموضوع اللي انا كاتباه اصلا وهو اننا ناخد كورسات وكله عن الاعلام والاذاعة

انا عاوزة حد يقولي هاا فكر في الموضوع ولا لا وناوي يبدأ ولا ايه

موضوعك جامد يا هبة والله
انا لسه في اولي بس انا معايا كورس حاسب واحد بس
وان شاء الله ناوي ابدأ لغة حتي وانا في الدراسة
وان شاء الله برضو ناوي ادخل شويه في مجال الحاسب لانه حاليا مجال شغلي ومشروعي
بس يا ريت تدينا فكرة اكتر عن كورسات التخصص دي
هي لسه بدري عليا بس احب اعرف لو مفيهاش ازعاج
وربنا يوفقك يا هبة


ده رابط نحميل قاموس عربي انجليزي ... انجليزي عربي
http://www.megaupload.com/?d=CZN30HWB
يا رب يعجبك ولو مش قد كده قوليلي وانا هشوفلك واحد غيره
انا عندي واحد علي الجهاز كويس بس مش فاكر منزله منين


وده رابط تاني لقاموس اسمة المورد القريب وده جامد جدااا

http://rapidshare.com/files/107236841/mawred_qareeb.zip
يا رب يكون تمام

اولا انا متشكرة جدا يا استاذ هشام علي القاموس وهو فعلا كويس جداااا

معلش تعبتك معايا

بس هو فعلا افادني وقدرت اخد منه اللي كنت عاوزة احصل عليه


بصي يا ملاك سيبك من الدكاترة وسيبك من كل حاجة .

دكتور زيدان انا معرفش هو بيقول كدا ليه المفروض الدكاترة يشجعوا الواحد مش يحبطوا

بس هقولك عيل حاجة الدكتور زيدان تخصصه اصلا علاقات وطبعا انا اعترف ان كلامه صح بس انتي لو جايبة تقديرات كويسة في الكلية ومعاكي كورسات انجليزي وكمبيوتر وكورسات تخصص كمان دي هتساويك شوية باللي في الاكاديمية
اصل كورسات التخصص دي عبارة عن ايه
عبارة عن ممارسة وتدريب في عن الاذاعة والتليفزيون
صح

يعني احنا مقدرناش اننا ندخل كلية اعلام او اكاديمية اعلام يبقي خلاص نروح نموت بقي
لا طبعا دا موقف احنا بنقف قدامه في حياتنا ولازم نبقي قده لازم نكبر اوي واوي عشان يكون مستوانا كويس وفعلا يتمنانا اي حد اننا نشتغل معاه

اصل احنا مش هنشتغل باسم اننا في اكاديمية وبس
الشغل الايام دي عارفة انه اسم ومركز

بس احنا بقي خلي اللي احسن منه اللي بجد لو اتوضعنا في اختبار نظهر بصورة كويسة

وهو الخبرة الجيدة
والخبرة دي هتيجي عن المذاكرة والتقديرات والكورسات

بس واتمني انك تعرفي حاجة واحدة بس
ان كل طريق كويس او خير لازم يجي حاجة توقفه او تقف قدامه عشان نشوف بجد احنا هنقدر نعدي الحاجة دي ونكمل ولا هنقع من اول مرة

ومش عارفة بردوا انا مستغربة جدا من الدكتور زيدان

هي دي الحقيقة بس مش كدا
هو لو يعرف انه كدا بيحبط الطلاب وممكن ميخلوهومش يذاكروا مكنش قال كدا خالص

اتمني انك تكوني فهمتي كلامي كويس يا ملاك وربنا يوفقك ويوفقنا

بالنسبة لكورسات التخصص يا استاذ هشام

هي بتكون عبارة عن كورسات اخراج او مونتاج او اي حاجة عن تخصص الاذاعة
ودا انا لسة معرفش المكان الكويس دلوقتي وكدا بس انا ان شاء الله اول لما اعرف اي حاجة كويسة اكيد هقولكوا

بس انت بيتهيألي متاخدهاش من دلوقتي خليك علي الاقل في 4
والافضل بعد لما تخلص
عشان تعرف انت حابب مجال ايه اخراج او تاليف ومونتاج او ايه بالظبط وتبدأ انك تتخصص فيه وتاخد كورسات فيه

والكورسات دي طبعا احنا محتاجنها اوي علي اساس الكلام اللي الملاك البرئ لسة قايلاه اننا لازم نعمل اي حاجة نكون بمستوي الجامعات اللي بتاخد عملي مش زينا جامعة فيها استوديو ومقفول عليها.
يالا حسبي الله ونعم الوكيل

انا بجد عاجبني الحماس اللي انتوا فيه دا اووي

او يمكن عشان صحابي مش كدا فحاسة بفرق شوية
ربنا يوفقكوا يارب...

علي فكرة انا لما بشوف ردي وردكوا بحس اني رغاية اوووووي هههههههههههه

بحس اني بكتب نص صفحة لوحدي

هو انا رغاية بجد ولا بيتهيألي

حد يقولي
هههههههههههه

ههههههههههه هو انتي صراحة بتكتبي كتير بس طالما في فايدة للكل يبقي ده مش رغي ده ان شاء الله في ميزان حسناتك انك علي الاقل مش بتبخلي باللي عندك وبجد احنا بنستفاد وهنستفاد منك جامد
وكفاية علينا والله علي الاقل الدفعة المعنوية اللي الواحد بيحسها في كلامك
وبعدين زعلتيني لما قلتي تعبتي المفروض اننا اخوات وانتي والله تؤمري
ويا رب يوفق الجميع ان شاء الله

اهااا اكيد طبعا احنا اخوات وكويس انك قلتلي اني مش رغاية

طب كويس شفتي بقي ان فيه امل واننا منسلمش من اول مرة نقع فيها

كان الدكتور زيدان بدل ما يقول كدا يقول وممكن بعد ماتخلصوا تدخلو اكاديمة الاعلام وكدا يعني

دا انا مضايقة منه اووووووي
يالا ربنا يسامحه

وكويس والله يعني دا يعتبر كورس مش كدة بردوا يا لقاء
؟؟؟؟

اه هو كورس ومتتضايقيش للدرجة دى بس الدكاترة كلهم ضاغطين علينا الترم دة قوى ولا هو اللى صعب كدة

لا هما مش ضاغطين ولا حاجة بس هما لازم يحسسوكوا انكوا خلاص لازم شغل جدا بقي عشان انتوا اتخصصتوا ..

ومتخافيش الترم دا سهل ان شاء الله بس لو ركزتي فيه

بس اصل خالد وهويدا مع حفظ الالقاب مسكين البحث الاعلامى ويبقولوا على حاجات عجيبة المفروض نعملها وانا مش فاهمة من هويدا حاجة وجيهان عايزانا نوصف لها جريدة وتوفيق طالب حاجات برضوا ودا كله من اول محاضرة امال الباقى هيبقى ايييييييييييييييييه

لقاء هوه انتى حضرتى لهويدا وجيهان وطلبوا حاجات؟ اصل انا محضرتش لهم بس البنات قالوا مقالوش حاجة جديدة كلها تعارف

هبه موضوعك جاااااااااااااااااااامد اخر حاجة وبجد انا قبل ما ادخل المنتدى دلوقتى كنت لسه بفكر فى الموضوع ومش عارفة ابد منين واللى خلانى افكر هوة ان واحدة صاحبتى قالتلى انها اخدت دورة تدريبية فى مركز اعلامى بس هوة فى ميت غمر المركز ده
واخدت شهادة وبالتالى طلبوا منها تعمل اسكريبت لبرنامج وعشان اللى ميعرفش معنى اسكريبت
هوة تقريبا اعداد شامل للبرنامج وبتحطوا على اسطوانة وبتنظم حركات الكاميرا والديكور والفواصل الاعلانية و التقارير وكده يعنى
وقالتلى انها بتدرب دلوقتى فى القناة الخامسة او السادسة تقريبا فى طنطا وقالتلى انها الخطوة اللى بعد كده هتاخد كورسات كمبيوتر ولغة وانا من ساعتها وعمالة افكر ومش عارفة اوصل لحاجة وعلى فكرة الدورة دى ب 300 جنيه وشوية
بس كلامك طمنى كتيررررررررررررررررررر وياريت اعرف رايك فى اللى صاحبتى قالتو وسورى انا طولت عليكم

منورة يا نوناا

طبعا كلام صاحبتك كويس جدا جدا وياريت تعرفيني مكان المركز دا بالظبط او رقم تليفونه.
وصاحبتك دي بجد بتفكر صح جداااا وشوفي بقي لما تاخد كورسات لغة كمان وكمبيوتر ولما تتقدم لاي وظيفة شوفي بقي

بس عرفيني بس معلومات اكتر عن المركز دا ومدة الدورة ايه وكدا ولو كان ليه فرع في الزقازيق او حتي رقم التليفون وانا ممكن استفتسر عن اي حاجة.

ولتاني مرة منورة الموضوع يا قمر .

مستنية ردك