انتهى الحوار ....

من طرف السيد اسماعيل السبت أغسطس 28, 2010 9:12 pm

انتهى حوار الامس لنبدأ من جديد
لنسمع الرأى الاخر وامن الدولة اهو موجود
يبدأ صاحب الحوار بطرح الفكرة والموضوع
بصورة تشبه الاوامر للساده الضيوف
اسمع ياشاطر انت وهى وهو
دى اوامر وسياسة عليا
مش عايز مناقشة وكلام من داهو
الى لا بيودى ولاه بيجيب
بس بيعمل صداع لسعادة البيه الوزير
ونسمع بقى كلام حضراتكم (تبقوا مجانين )

انا عايز اقول
_تقول ايه ، فيه اعتراض ولاه ايه
بس انا عايز اعلق عن حاجة
_يعنى الكلام مش عاجب
لا بس انا عايز افهم ليه ؟
_ تفهم ، واحنا هنا لزمتنا ايه
_اسمع يا استاذ الكلام واضح مش عايز نقاش
_ انتهى الحوار
بس انا لسه عايز اتكلم
_ حاضر بس روح الاول كلم

تسمح تيجى معايا شوية
فيه ايه ؟
عايزين ندردش معاك شوية

انتهى الحوار

السيد اسماعيل