انا هبدأ.....هتبدأ معايا ...؟

مصــــــــــــــــــــــــــــــــــــــــــــــــــــــــــــــــــــــــــر

لها كل الحق فى دماء هؤلاء الشهداء ولكنها ايضا لها كل الحق فى دمائنا نحن ، اننى لا اتحامل على الاشاص الذين لم يشاركوا فى الثورة ، انما انا هنا اليوم لاطرح افكار تساعد تلك البلد فى النهوض واهم تلك الافكار .......

ممارسة التغيير ........... .

نعم هذا هو السؤال الذى يدور فى ذهنك الان ..كيف ...........؟


اقترح عليكم جميعا
انشاء اسرة للتغيير ستمارس عملها داخل الجامعة ، ونتقبل كل الافكار المطروحة ، وسيتم ترتيب لاولويات العمل بهذه الافكار .....

ولكن قبل هذا كله.....
هل انت معانا

للمشاركة فى تلك الاسرة كتابة تعليق يحمل تلك الكلمات

نعم انا معاكم

اها فكرة كوسة بس يا خساااااارة
لو هتتنذ انا معاك لو هتتكلم وخلاص انا مش معاك

انا معاكم ان شاء الله وربنا يوفقنا

بسم الله الرحمن الرحيم
انا هبدأ اكيد بس لازم اتغير اتغير بمعنى ايه اتغير اني اعرف انا عايز ايه
يعني انا هروح الجامعة عشان ايه عشان اتعلم واستفيد ولا عشان ايه
لو هتعلم واستفيد يبقى لازم احافظ على كياني الجامعي طب ازاي
اني احافظ على المحاضرة ووقتها
اني مش اخلي اي حد سخيف يضيع مني المحاضرة اني اقطع على اي حد فرصة انه يضيع حقي
لازم اقوله لا ولو بالقوة لو حاول يضيع عليا حقي والدكتور كمان لازم يحافظ على المحاضرة ومواعدها ولو مش حضر او حتى اتأخر لازم نسأل عنه ونعرف هو فين لانه كدا بيضيع وقت كتير جدا حياتنا اولى بيها
لازم لو مش حضر المحاضرة يعطينا بديل للمحاضرة دي انه يدينا المحاضرة في يوم تاني عشان ما فيش حاجة تضيع منا ونيجي في الاخر نكروت المنهج او نحذف وكلنا عارفين

ثانيا
تفعيل الدور الايجابي للطالب وده هيكون من خلال
اتحاد الطلبة ودوره الي مفروض يتغير من حجرة للحبيبة الى مكان للتفاعل بمعنى ان تنتهي رئاسة الكوسة والوسطة ويرجع اتحاد الطلبة بمفهومه القديم الي هو نبض الطالب والي بيوصل صوته لهيئة التدريس والادارة
على رئيس اتحاد الطلبة انه يحضر اجتماعات هيئة التدريس باستمرار ويوصل مشاكل الطلبة مش مجرد شكل وهيئة ومضمون ما فيش
اعضاء اتحاد الطلبة انتوا فين شاطرين بس في اقامة الرحلات الترفيهية والايام الجامدة الطحن والى غيرها من المصطلحات الغريبة في منشوراتكم التي تجمعون بها ما تريدون من اموال من شباب ينجرف ورا تيار شعاراتكم
الاسر الجامعية والله انا لا ارى سوى مجموعة من الاسر الطلابية التي لا مضمون لها فكل ما تقوم بها من انشطة ان يقوم رائد السرة بالاعلان عن رحلة جامدة للقاهرة او حتى مدينة ساحلية عشان ايه سوري ده مش عشان عايز يرفه عن الكلبة لا ده عشان يفك ذنقته المالية عشان يقلب رزقه !!!!! ما علينا
لازم السر يكون ليها دور واضح وصريح لازم يكون ليها هدف لازم امين الاسرة
اولا يكون عضو في اتحاد الطلبة ولازم يكون ليه دور ايجابي ويقدر يوصل الصوت بجد مش مجرد شعارات
ثانيا على رئيس اتحاد الطلبة ان يجتمع اسبوعيا او حتى شهريا برؤساء السر الطلابية لوضع الحلول المناسبة لاي مشاكل يقابلها الطلاب
ثالثا الدكاترة المشرفين على الاسر لازم هما كمان يجتمعوا باستمرار باعضاء الاسرة المشرف عليها ويبحث في المشكلات باختلاف انواعها ويساعد في اقتراح الحلول
بمعنى ان لو كل دكتور قام بالشراف على اسرة فهو يمثل هذه السرة في اجتماع هيئة التدريس وبالتالي يكون عنده خلفية عن مشاكل الطلبة ويستطيع ان يتحدث باسمهم بكل صدق الى جانب التأكيد الذي يأتي من خلال رئيس اتحاد الطلبة والذي لابد ان يكون دائما في اجتماع هيئة التدريس والادراة
رابعا
لازم يكون في اهتمام واضح وصريح بالجانب العملي خصوصا في قسم الاعلام والجغرافيا فالجانب العملي يكاد يكون معدم داخل الكلية
دورات الكمبيوتر لابد ان تكون اكثر توسعا بدل من دورات اولويات الكمبيوتر ويجب ان تكون مدعمة بمقابل بسيط
خامسا الحافز المعنوي للطالب المتفوق
يا فرحة ما تمت تقدير المتياز يا سلام بياخد مكافاة مالية قدرها 180 جنيه
الله اكبر ايه الجمال ده تصدق مكافاة مغرية تخلي الطالب الخايب يغير
لابد من اعادة النظر الى تحفيز الطالب المتفوق باعطائه تميز عن الاخرين باعطائه منح مختلفة تؤهله في مجاله بدل من اعطائه 180 جنيه يعني لان هذا الطالب من المفترض ان يكون معيدا بعد التخرج (مفترض يعني )
لازم يكون في بعثات تعليمية خارجية ولا تكون بالوسطة لان زمن الوسطة خلاص انتهى ولى ذهب مع التغير

في النهاية بقى حاجة من ضمن الحاجات يعني
الكتب غالية يا جماعة لو احنا بس رفضنا نشتريه ونقول كلنا بصوت واحد انها غالية اعتقد ان ثمنها هينخفض وده شيء اكيد انا عارف ان في كتب هي ملكية فكرية بمعنى ان الدكتور هو صاحب الكتاب وليس ناقلا له
زي الدكتور المسلمي وكتبه المسجلة بدار الكتب من الممكن ان نتغاضى عن الكتب المسجلة لكن الكتب الاخرى وهي كتب جميعها منقولة لما لا يتم تخفيضها لاننا لو قمنا بتصوير الكتاب لم يكلفنا نصف ثمنها داخل الجامعة لذلك للدكاترة العزاء رفقا بالطلبة

وفي النهاية اتمنى ان يتم تنفيذ البداية من خلال عودة نشاط اسرة شباب اعلام الموجودة بالفعل

الكلام سهل والتنفيذ ليس مستحيل اسف لاطالتي
اكيد معاكم واكيد كنت من اول اثنان غيرك عرفوا بالفكرة ورحبوا بها

السلام عليكم
-----------------
لو تسمحولى أشارككم فى الرد
هيا فكرة جميلة طبعا يا سيد ،، مع انى شايف ان فى بعض الجوانب التغيير بيتأتى من الرأس و ليس من القاعدة ، كما فى حال التعليم ، و هذه مجرد وجهة نظر تحتمل الخطأ .
----------------
و لكن إذا أردتم إنشاء مثل هذه الأسرة فلا تجعل مسماها " التغيير " و إنما اختر لها اسماً يرتبط بالمستقبل كما يجب ان يكون ، لأسباب نفسية ممكن اشرحهالك .
----------------
و أتمنى أقوم بأى دور معاكم ، بس يكون دور محدود ، علشان ما اظلمش نفسى زى اللى حصل قبل كده و مشكلتى مع الوقت ،، و لو احتاجت أى استشارة بخصوص الجوانب الادارية لتكوين الاسرة انا تحت امرك .

انا معاكم طبعا
بس اتمنى نبدأ فى التنفيذ

[b]فى البداية اود اشيد بهذا الاقبال على المشروع الذى لم يكن متوقع ، واتمنى من الله ان نكمل بهذا الحماس والامل ، وهذه الرغبة فى التغيير ، وان نكمل مسيرة هؤلاء الشهداء الذين ضحوا بانفسهم من اجلنا .

نعم....انها ليست فكرة او مجرد كلام ، انها واقع سيتم تنفيذه باذن الله تعالى .

نعم ........ كل مشاكلكم ستاخذ فى وضع الاعتبار ، مع محاولة حلها بالسبل المتاحة لدينا جميعا.

سنعمل سويا فى ايجاد حلول لتلك المشكلات ، وعرضها على استاذة القسم الدكتورة جيهان وسنتابع معها حتى نقضى على تلك المشكلات .

العمل بهذه الاسرة سيتم مع بداية الدراسة ، ويبدا العمل بطرح كل المشكلات ومحاولة ترتيب اولوية لكل مشكلة فى الحل ،.

ياخذ كلا منا دورا فى تنفيذ الحل للمشكلة ..

ده باختصار فكرة العمل فى هذه الاسرة


اتمنى منكم المواصلة ومن الله عز وجل التوفيق لنا جميعا

اذا ارت تغيير الواقع فلابد ان تكون واقع..........
ربنا يوفقكم ياااااااااارب وتوصلوا لحل لكل المشاكل اللى ممكن تواجه اى طالب بس لازم كلكم اى كل الطلبه يكونوا ايد واحده لان لما عدد صغير يعرض مشكله هيعتبر رأى فئوى علشان كده لابد اى حاجه الطلبه بيعانوا منها يكونوا صوت واحد
وربنا يعينكم عالتغيير للافضل والايجابيه ديما والحماس اللى انا شايفاه دلوقتى يارب يتحول لفعل فعل ايجابى صح
ورفض اى شكل من اشكال الفساد اللى سكتنا عليها كتير
ربنا يوفقكم ويعينكم لما يحبه ويرضاااااااااااااااه

ان شاء الله معاكم

لابد من التغير و لا مزايدة على كلامك الى فات الى اتكلمتوا عنه فى التعليقات

بس بجد ياااااريت يكون افعال لان خلاص عهد الكلام انتهى

وبالتوفيق ان شاء الله

احمد العمرى : ايه رايك لما تكونوا جروب عامل زى جواله كدا وتنزلوا تنظفوا مش هقوللك الجامعه بس الكلية

دى فكرة احمد زملنا بس لظروف خاصة لم يتمكن من وضع فكرته

انا قبل كل حاجة احب اشكرك جداااااااااااا على الفكرة العظيمة بس يارب تكمل على خير ومتقابلش حد يحبطك ويقلل من عزيمتك زى ما حصل معانا قبل كده فى اسرة شباب اعلام اللى كانت بجد حلمنا كلنا وللاسف مكملتش
بس اكيد شباب مصر النهاردة اتغير بشكل كبير جدا عن شباب قبل 25 يناير وقبل تغييرنا من الظاهر لازم كل واحد ينظر لنفسه نظرة طويلة يعيد فيها ذكرياته من الداخل ويحاول بجد انه يتغير من جوه اهم لان بلدنا محتاجانا قووووووى ومحتاجة اللى يحبها ويحافظ عليها

@احب انصحك نصيحة وهى انك تفضل على موقفك ده وحماسك لاخر لحظة ولا تستمع لاقوال المحبطين اليائسين وربنا يوفقك ويكرمك باذن الله

اما اقتراحاتى بقى اننا نكون جماعة وليس اسرة لانى اتشائمت قوى من موضوع الاسرة ده تكون معبره عنا ممكن يكون اسمها مثلا شباب الحرية او شباب مصر

ثانيا: اول ما ندخل الجامعة نقومم بحملة نسميها "فى حب مصر" ننظف الجامعة ونضع العلم فى كل مكان وممكن نجيب صورة شهداء الحرية ونحطها على باب الجامعة اكيد ده هيفرق معانا كتير قوى لما نعمل كده
وكلنا نشارك فى ده

بس ياااااااااااااااااااااريت بالله عليكم حماسكوا ده يكون بفعل مش مجرد كلام زى كل مرة ويارب نكون اتغيرنا فعلا بعد الثورة
واى حد هيتكلم وخلاص مش عايزينه معانا

عايزة اعرف رايك فى اقتراحى ده وربنا يوفقنا كلنا ونقدر نعمل حاجة لبلدنا ولو جزء بسيط مما فعله الابطال

جميل اوى كل اللى قولتوه واتمنى ان الحماس ده يتحول لفعل وتغيير حقيقى
بس يا ريت كلكم تاخدوا بالكم من حاجه وهى التوقيت المناسب "ده بالنسبه للتظاهر و المطالبه بحقوقنا" لازم يا جماعه نستنى شويه البلد تستقر او على الاقل الحاجات المهمه فى البلد ترجع مظبوطه ومسقره
وبعدها ندور على مصلحه الجامعه والطلبه وكل حاجه لان القوات المسلحه مش هتلاحق اعتصامات هنا ومظاهرات هناك وتتوقعوا منها تتحقق كل حاجه بالسرعه دى
وخلال فتره انتظارنا لازم نغير من نفسنا ومن سلوكياتنا تجاه الجامعه زى ما قولتو بالظبط
وكمان نجمع مطالبنا ونتناقش فيها بجديه نحدد المطالب دى فى صوره بيان
ونعرضه على المسؤلين ونطالب بتحقيقه
لكن ارجووووكم اختارو الوقت الصح........بلدنا مش ناقصه ضغط عليها.....لازم نساعدها

ياريت بجد نتفق على حاجة كلنا نعملها اول ما الدراسة تبدأ على طول
واقروا اقتراحى وياريت بجد ننفذه اول الدراسة على طول وهو تنظيف الجامعة ووضع صور الشهداء والاعلام فى كل مكان فى الجامعة

ايه رايكوا؟؟؟؟؟