اقرأ القرآن
مطلوب مشرفين
=
المواضيع الأخيرة
الساعة الآن
>صفحتنا على facebook
أفضل 10 أعضاء في هذا الأسبوع
| لا يوجد مستخدم |
أفضل 10 أعضاء في هذا الشهر
| لا يوجد مستخدم |
أفضل 10 فاتحي مواضيع
| Genol |
| |||
| الملاك البرىء |
| |||
| ◄♥♥ سحر العيون ♥♥► |
| |||
| ehab.pop |
| |||
| asmaa |
| |||
| شهيدة الحب الإلهى |
| |||
| Omar Fathy |
| |||
| elhour |
| |||
| No Name |
| |||
| هداية الرحمن |
|
زوارنا من أين؟
دراسة بقسم الإعلام : برامج (التوك شو) ترفع الضغط وتصيب بالاكتئاب!
+7
شهرزاد
زهرة 12
اروى الجوهرى
Genol
الملاك البرىء
No Name
Omar Fathy
11 مشترك
صفحة 1 من اصل 1
دراسة بقسم الإعلام : برامج (التوك شو) ترفع الضغط وتصيب بالاكتئاب!
من طرف Omar Fathy الأحد مايو 03, 2009 1:09 pm
برامج (التوك شو) ترفع الضغط وتصيب بالاكتئاب!
2009/03/05
أكدت دراسة بقسم الإعلام في كلية الآداب بجامعة الزقازيق أن برامج "التوك شو" التي انتشرت في السنوات الأخيرة على جميع القنوات الفضائية وبعض الأرضية تصيب بالاكتئاب.
أكدت الدراسة أن برامج "التوك شو" وخاصة "القاهرة اليوم" ويقدمه المذيع عمرو أديب على قناة الاوربيت، و"العاشرة مساء" لمنى الشاذلي على "دريم" و"90 دقيقة" لمعتز الدمرداش على المحور، ترفع الضغط لدى بعض المشاهدين، وتصيب البعض الأخر بالإحباط والاكتئاب مع مرور الوقت، بسبب مناقشتها لكثير من أوجه الفساد التي تشوب أوجه وقطاعات كبيرة في المجتمع، دون حل هذه المشكلات، أو عقاب المسئولين عن الفساد وأوجه القصور.
وهو ما قد يؤدي أحياناً إلى تفريغ شحنات الغضب لدى بعض الناس، من خلال ما يعرف بنظرية التنفيس، في حين تؤدي إلى إصابة آخرين بالإحباط والاكتئاب وترفع الضغط عند بعض المرضى.
ومع ذلك، فقد أوصت الدراسة بضرورة زيادة الاهتمام ببرامج (التوك شو) لأنها مادة إعلامية دسمة تحقق احتياجات فئات كثيرة في المجتمع، وخصوصاً الشباب.
وذكرت الدراسة أن القنوات الفضائية الغنائية لا تمثل أي اهتمام للشباب الجامعي ولا سيما ذوي المستوى الاقتصادي المتوسط والمنخفض.
كما أكدت على أن أكثر من نصف الشباب الجامعي راضون عن أداء القنوات الفضائية الخاصة وأن دافع الترفيه والتسلية من أهم دوافع الشباب لمشاهدة هذه القنوات.
Omar Fathy- مدير المنتدى
عدد الرسائل : 729 العمر : 53 الموقع : منيا القمح - شرقية العمل/الترفيه : Graphic & Ads Designer و الحمد لله تاريخ التسجيل : 04/03/2009-
رد: دراسة بقسم الإعلام : برامج (التوك شو) ترفع الضغط وتصيب بالاكتئاب!
من طرف No Name الأحد مايو 03, 2009 2:26 pm
عندك حق والله يا عمر
انا واحده من الناس اللى بيترفع ضغطهم
شــــــــــكرا ع الموضوع
No Name- عضو فعال
- عدد الرسائل : 674 العمر : 33 العمل/الترفيه : student تاريخ التسجيل : 06/03/2009
رد: دراسة بقسم الإعلام : برامج (التوك شو) ترفع الضغط وتصيب بالاكتئاب!
من طرف الملاك البرىء الأحد مايو 03, 2009 10:12 pm
شكراااااااااااااا جدا على الموضوع
هى فعلا بتصيبنى بالاحباط
هى فعلا بتصيبنى بالاحباط
الملاك البرىء- مشرف
- عدد الرسائل : 1718 العمر : 34 الموقع : الزقازيق العمل/الترفيه : خريجة للأسف تاريخ التسجيل : 15/03/2009
-
رد: دراسة بقسم الإعلام : برامج (التوك شو) ترفع الضغط وتصيب بالاكتئاب!
من طرف ???? الأحد مايو 03, 2009 10:52 pm
لو كل واحد بص حواليه هيحبط من غير اى حاجة
ان لله وان اليه راجعون
ان لله وان اليه راجعون
????- زائر
رد: دراسة بقسم الإعلام : برامج (التوك شو) ترفع الضغط وتصيب بالاكتئاب!
من طرف Genol الأحد مايو 03, 2009 11:37 pm
والله يا عمر موش احباط ولا حاجه الواحد بيعرف أحوال الدنيا
وأخبار المجتمع ويحس بهمومو غيره ومشاكله ودى بتبقي حاله مؤقته
بس أنا بحب معتز الدمرداش جدا جدا
ويارب أكون زيه
وأخبار المجتمع ويحس بهمومو غيره ومشاكله ودى بتبقي حاله مؤقته
بس أنا بحب معتز الدمرداش جدا جدا
ويارب أكون زيه
Genol- عضو فعال
- عدد الرسائل : 2442 العمر : 33 الموقع : https://shabab-e3lam.alafdal.net تاريخ التسجيل : 08/03/2009
-
رد: دراسة بقسم الإعلام : برامج (التوك شو) ترفع الضغط وتصيب بالاكتئاب!
من طرف Omar Fathy الأحد مايو 03, 2009 11:55 pm
والله يا جماعه مش أنا اللى بقول .. الدراسة هيا اللى بتقول
وكمان أنا أكتر اتنين تلاته بكرههم :
1- عمرو أديب
2- خالد الغندور .. والله مش علشان هوه زملكاوى .. بس علشان هوه ما يعرفش حاجه عن الإعلام.
3- معتز الدمرداش
وكمان أنا أكتر اتنين تلاته بكرههم :
1- عمرو أديب
2- خالد الغندور .. والله مش علشان هوه زملكاوى .. بس علشان هوه ما يعرفش حاجه عن الإعلام.
3- معتز الدمرداش
عدل سابقا من قبل Omar Fat'hy في الخميس سبتمبر 10, 2009 11:09 pm عدل 1 مرات
Omar Fathy- مدير المنتدى
- عدد الرسائل : 729 العمر : 53 الموقع : منيا القمح - شرقية العمل/الترفيه : Graphic & Ads Designer و الحمد لله تاريخ التسجيل : 04/03/2009
-
رد: دراسة بقسم الإعلام : برامج (التوك شو) ترفع الضغط وتصيب بالاكتئاب!
من طرف اروى الجوهرى الخميس مايو 14, 2009 1:06 pm
والله يجماعه انا شايفه ان الدراسه دى خاظئه
دى بالعكس بتدينى خلفيه عن الحياه حولينا
وعن مدى سوء الاحوال الى احنا عيشنها
والى المجتمع المصرى وصل اليها
وانا مغرمه جدا بمنى الشاذلى ومعتز الدمرداشى
ودلوقتى الممثلين بقى مزعيين موش خالد الغندور بس
سمير غانم بقى ليه برنامج
وحسين فهمى
والله الدنيا باظت خلاص
تقبل مرورى
دى بالعكس بتدينى خلفيه عن الحياه حولينا
وعن مدى سوء الاحوال الى احنا عيشنها
والى المجتمع المصرى وصل اليها
وانا مغرمه جدا بمنى الشاذلى ومعتز الدمرداشى
ودلوقتى الممثلين بقى مزعيين موش خالد الغندور بس
سمير غانم بقى ليه برنامج
وحسين فهمى
والله الدنيا باظت خلاص
تقبل مرورى
اروى الجوهرى- عدد الرسائل : 8 العمر : 33 العمل/الترفيه : الكتابه والتأمل تاريخ التسجيل : 13/05/2009
رد: دراسة بقسم الإعلام : برامج (التوك شو) ترفع الضغط وتصيب بالاكتئاب!
من طرف زهرة 12 الخميس سبتمبر 10, 2009 3:33 am
نعيب زماننا والعيب فينا
وما لزماننا عيب سوانا
(اظن انها مش جيدة بالشكل المطلوب لكن احسن من اى كلام فارغ على الفضائيات لكن اسلوب الحوار فيها متدنى احب اسمية (خدوهم بالصوت ليغلبوكم )
وما لزماننا عيب سوانا
(اظن انها مش جيدة بالشكل المطلوب لكن احسن من اى كلام فارغ على الفضائيات لكن اسلوب الحوار فيها متدنى احب اسمية (خدوهم بالصوت ليغلبوكم )
زهرة 12- عدد الرسائل : 5 العمر : 32 تاريخ التسجيل : 10/09/2009
رد: دراسة بقسم الإعلام : برامج (التوك شو) ترفع الضغط وتصيب بالاكتئاب!
من طرف ???? الخميس سبتمبر 10, 2009 2:07 pm
شكرا على الموضوع
وبصراحة هى ساعات بتصيب فعلا الانسان بالاحباط والغم
بس لازم نعرف ايه اللى بيدور حولينا برضه ولا ايه........
وبصراحة هى ساعات بتصيب فعلا الانسان بالاحباط والغم
بس لازم نعرف ايه اللى بيدور حولينا برضه ولا ايه........
????- زائر
رد: دراسة بقسم الإعلام : برامج (التوك شو) ترفع الضغط وتصيب بالاكتئاب!
من طرف شهرزاد الخميس سبتمبر 10, 2009 2:56 pm
ايه ياجماعة الاحباط ده كله أنا أكتر حاجة بحب أشوفها فى التليفزيون هى برامج التوك شو وخصوصا العاشرة مساءا والقاهرة اليوم لأنها فعلا بتعرفنا أخبار الدنيا وأهم حاجة بتعلمنا أسلوب الحوار عشان نعرفه بعد تخرجنا ان شاء الله ونكون زيهم
طيب احنا اعلامييين ازاى لوما تابعناش البرامج دى!!!!!!!!!......
طيب احنا اعلامييين ازاى لوما تابعناش البرامج دى!!!!!!!!!......
شهرزاد- مشرف
- عدد الرسائل : 690 العمر : 32 الموقع : ام الدنيا العمل/الترفيه : صحفية باذن الله تاريخ التسجيل : 24/08/2009
رد: دراسة بقسم الإعلام : برامج (التوك شو) ترفع الضغط وتصيب بالاكتئاب!
من طرف زهرة 12 الخميس سبتمبر 10, 2009 5:18 pm
اسمحيلى يا شهرزاد اختلف معاكى بعض الشىء
اسلوب الحوار اللى بيستخدموة متدنى بنسبة 40%
بمعنى انة عمرو اديب كمثال اسلوبة كلة تهكم وسخرية وجرىء وبيخرج عن الحدود
معتز الدمرداش كمثال نظرتة للضيف وطريقة تعبيرات وجهة كمستمع للكلام تحسس المشاهد انة متعجب من الكلام جدا ومنبهر زيادة عن اللازم
منى الشاذلى برامجها لا اختلف على ان موضوعاتها جيدة ولكن الصوت المرتفع ولا تجيد قيادة اللموقف وتنصاع دائما لرأى من يحادثها وذلك لتهدئة الوضع فقط
وغيرهم الكثير
من رايى الشخصى انة دول مينفعوش اعلاميين سياسيين خاصة
اتمتع حقا باى مناقشة لاى صحفى ذو قلم مثل احمد المسلمانى
او مجدى الجلاد واحمد خيرى وغيرهم لانة فن الحوار والاضغاء للغير والاقناع بسهولة بيتوفر فيهم بدرجة كبيرة
واختلاف الراى لا يفسد للود قضية يا شهرزاد
بس اتمنى الجميع يقول راية بما اننا اعلاميين قادمين زى ما قلتى
اسلوب الحوار اللى بيستخدموة متدنى بنسبة 40%
بمعنى انة عمرو اديب كمثال اسلوبة كلة تهكم وسخرية وجرىء وبيخرج عن الحدود
معتز الدمرداش كمثال نظرتة للضيف وطريقة تعبيرات وجهة كمستمع للكلام تحسس المشاهد انة متعجب من الكلام جدا ومنبهر زيادة عن اللازم
منى الشاذلى برامجها لا اختلف على ان موضوعاتها جيدة ولكن الصوت المرتفع ولا تجيد قيادة اللموقف وتنصاع دائما لرأى من يحادثها وذلك لتهدئة الوضع فقط
وغيرهم الكثير
من رايى الشخصى انة دول مينفعوش اعلاميين سياسيين خاصة
اتمتع حقا باى مناقشة لاى صحفى ذو قلم مثل احمد المسلمانى
او مجدى الجلاد واحمد خيرى وغيرهم لانة فن الحوار والاضغاء للغير والاقناع بسهولة بيتوفر فيهم بدرجة كبيرة
واختلاف الراى لا يفسد للود قضية يا شهرزاد
بس اتمنى الجميع يقول راية بما اننا اعلاميين قادمين زى ما قلتى
زهرة 12- عدد الرسائل : 5 العمر : 32 تاريخ التسجيل : 10/09/2009
رد: دراسة بقسم الإعلام : برامج (التوك شو) ترفع الضغط وتصيب بالاكتئاب!
من طرف ???? الخميس سبتمبر 10, 2009 5:36 pm
والله انا رايى من رايك بالذات فى عمرو اديب لانه لايصلح ان يكون اعلامى بسب تدنى الفاظه ومواضيعه التافهة التى يعرضها والتى لاتمس المجتمع باى صلة
والاعلام حاليا فاسد بكل المقاييس فمثلا شخصية مثل شخصية هيفاء وهبى والتى تتسابق البرامج فى عمل لقاءات معها ويجعلوا منها نجمة فهل هذا كلام يعقل والكثير والكثير بس الواحد هيقول ايه ولا ايه
وحسبى الله ونعم الوكيل
والاعلام حاليا فاسد بكل المقاييس فمثلا شخصية مثل شخصية هيفاء وهبى والتى تتسابق البرامج فى عمل لقاءات معها ويجعلوا منها نجمة فهل هذا كلام يعقل والكثير والكثير بس الواحد هيقول ايه ولا ايه
وحسبى الله ونعم الوكيل
????- زائر
رد: دراسة بقسم الإعلام : برامج (التوك شو) ترفع الضغط وتصيب بالاكتئاب!
من طرف ◄♥♥ سحر العيون ♥♥► الخميس سبتمبر 10, 2009 9:28 pm
من ناحية الآكتئاب احنا مش مستنيين البرامج دي علشان تجيبلنا اكتئاب الاكتئاب موجود و الحمد لله حوالينا في كل حتة
أما بالنسبة لحل المشكلات التي تعرضها البرامج فكفاية انهم بيوصلوا صوت المظلومين للمسئولين عن طريق البرامج
و الإعلاميين مش جهة إصدار عقوبات
و من ناحية اننا بنتابعها علشان نتعلم منها إسلوب الحوار فده صحيح و كل واحد لازم يكون له مثل أعلى
بس برده من ناحية أخري لازم كل واحد ينفرد بإسلوبه الخاص يعني في حالة إن هيكون مننا إن شاء الله صحفيين و إعلاميين لازم كل واحد ينفرد بإسلوب خاص بيه و قبلها نكون واخدين كورسات في تخصصاتنا
و انا كنت باحب معتز الدمرداش بس في الأول لما كان الحماس واخده و كان بيهتم بالقضايا اللي بيعرضها في البرنامج و بيتصل بالمسؤلين لوضع الحلول الجذرية
أما الآن بقى موقفه محايد يعني هناك سبب هناك إستفهام ممكن يكون هناك نوع من التهديد مثلاً و الله أعلم
و شكراً
أما بالنسبة لحل المشكلات التي تعرضها البرامج فكفاية انهم بيوصلوا صوت المظلومين للمسئولين عن طريق البرامج
و الإعلاميين مش جهة إصدار عقوبات
و من ناحية اننا بنتابعها علشان نتعلم منها إسلوب الحوار فده صحيح و كل واحد لازم يكون له مثل أعلى
بس برده من ناحية أخري لازم كل واحد ينفرد بإسلوبه الخاص يعني في حالة إن هيكون مننا إن شاء الله صحفيين و إعلاميين لازم كل واحد ينفرد بإسلوب خاص بيه و قبلها نكون واخدين كورسات في تخصصاتنا
و انا كنت باحب معتز الدمرداش بس في الأول لما كان الحماس واخده و كان بيهتم بالقضايا اللي بيعرضها في البرنامج و بيتصل بالمسؤلين لوضع الحلول الجذرية
أما الآن بقى موقفه محايد يعني هناك سبب هناك إستفهام ممكن يكون هناك نوع من التهديد مثلاً و الله أعلم
و شكراً
◄♥♥ سحر العيون ♥♥►- عضو فعال
- عدد الرسائل : 918 العمر : 32 العمل/الترفيه : Étudiant au Département de l'information تاريخ التسجيل : 10/04/2009
رد: دراسة بقسم الإعلام : برامج (التوك شو) ترفع الضغط وتصيب بالاكتئاب!
من طرف منه الخميس مايو 06, 2010 4:04 am
شكرا ع الموضوع بس انا رايى لو مش هتستفيد منهم بايجابيه نستفيد حتى من اخطائهم
منه- عدد الرسائل : 18 العمر : 32 تاريخ التسجيل : 03/05/2010
رد: دراسة بقسم الإعلام : برامج (التوك شو) ترفع الضغط وتصيب بالاكتئاب!
من طرف asmaa الجمعة مايو 07, 2010 11:20 pm
برامج التوك شو
من وجهة نظرى هى سلاح ذو حدين
فإيجابيتها 1/ فى معرفة اللى بيحدث حولينا من مصائب
وحوادث لاتستطيع القنوات الارضيه بثها او حتى النشره طبقا
لسياسة الدوله
2/ ومن خلال معرفة مشاكل الغير بتهون علينا مشاكلنا
وبنحمد ربنا على النعم اللى انعمها علينا
3/ نكتسب خبره من بعض الشخصيات العامه ذو الخبره والمعرفه والعلم
وغيرها
اما السلبيات
1/ عدم الوعى الكافي لبعض المذيعين بكيفيه السيطره على الحلقه
وادارة الحديث والمناقشه
2/اعطاء من لايستحق حجم اكبر من حجمه من خلال استضافته
وسؤاله عن حياته الشخصيه
3/ الاستخفاف بالجمهور المتلقى الى حد ما من قبل بعض المذيعين
من خلال اسلوبه وطريقه كلامه
وعفوا على الاطاله
من وجهة نظرى هى سلاح ذو حدين
فإيجابيتها 1/ فى معرفة اللى بيحدث حولينا من مصائب
وحوادث لاتستطيع القنوات الارضيه بثها او حتى النشره طبقا
لسياسة الدوله
2/ ومن خلال معرفة مشاكل الغير بتهون علينا مشاكلنا
وبنحمد ربنا على النعم اللى انعمها علينا
3/ نكتسب خبره من بعض الشخصيات العامه ذو الخبره والمعرفه والعلم
وغيرها
اما السلبيات
1/ عدم الوعى الكافي لبعض المذيعين بكيفيه السيطره على الحلقه
وادارة الحديث والمناقشه
2/اعطاء من لايستحق حجم اكبر من حجمه من خلال استضافته
وسؤاله عن حياته الشخصيه
3/ الاستخفاف بالجمهور المتلقى الى حد ما من قبل بعض المذيعين
من خلال اسلوبه وطريقه كلامه
وعفوا على الاطاله
asmaa- عضو فعال
- عدد الرسائل : 704 العمر : 33 تاريخ التسجيل : 31/10/2009
رد: دراسة بقسم الإعلام : برامج (التوك شو) ترفع الضغط وتصيب بالاكتئاب!
من طرف smsma السبت مايو 08, 2010 1:32 am
والله ان انا شايفه ان البرامج دى مهمه جدا بالنسبه لينا فى الحياه عموما هى البرامج اللى تفهمنا الواقع اللى حوالينا تبقى برامج اكتئاب انا مبكئبش من البرامج دى لانها بتعرض مشاكل احنا فيها كل يوم لكن يمكن احب انها تزود بالحلول لهذه المشاكل وحلول سريعه ومحدده مش كل اللى يجى احنا بنحاول وبنسعى ويكون مسئول هو لسه فاكر يسعى دلوقتى وياريت بنلاقى حل لكن تخيلوا حياتنا من غير البرامج دى تفتكروا هيبقى فى وعى زى كده وغير كده هى مهمه الاعلامى نشر الواقعه او الحدث لكن الحل ده من المسئول وغير كده هواحنا عايزين برامج غنائيه وترفيهيه وخلاص ما الواحد شويه كده وشويه كده لازم يكون فى درايه عند الشباب وياريت الشباب هما اللى بيسمعوا البرامج دى ده بالعكس الكبار هما اللى بيهتموا بيها
smsma- عدد الرسائل : 53 العمر : 32 تاريخ التسجيل : 22/01/2010
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
» (((( خـطـة الشـيـطـان! ))))
» (أسرار خطيرة جداً ممنوعة من التداول:لخفايا ما يحدث لمصر والعرب!الآن)
» النائب محمد فريد زكريا: رسالة للشعب: في غفلتنا نجح مخطط إبادة شعب مصر!
» النائب/ محمد فريد زكريا: (يكشف للشعـب!وللتاريخ؟) كيف دمرت مصر!وطوق شعبها بالفقر!)
» النائب محمد فريد زكريا: رسالة للشعب: في غفلتنا نجح مخطط إبادة شعب مصر!
» اسرار خطيرة جداً لمخطط إبادة 93 مليون مصري أو تشتتهم لتدمير المنطقة!
» تمالى بينسانى
» قصيدة صرخة وطن
» ( نعم أسقطوا الطائـرة الروسية بقنبلـة!فأكشفهم يـا ريـس!)
» ((( العـبقرية العربية هي الحـل! )))
» !!! (مـفـاجــآت مـذهــلـة ـ لـن تصـدقـونـهــا! ـ عـن طـيـبـة! وعـبـقـريــة العـرب!) !!!
» يـا شعب مصر:المياه ستصبح أغلي من البنزين!نص أوامـر أوباما!في زيارة أثيوبيا
» النائب/ محمد فريد زكريا:أمريكا منعت مشروعنا لمحور قناة السويس1984والآن ذو عائد 350 مليار دولار سنوياً!
» (( من قتل القادة العرب؟؟! ))
» الخليجيون للمطابخ
» النائب/ محمد فريد زكريا: نبـايـع!ونطالب القادة العرب بمبايعة الملك/ سلمـان زعيماً للعرب!)
» النائب/ محمد فريد زكريا: يا الـله! ويا رسول الـله! أنقذوا العرب من هذا الـذل والعــار
» النائب محمد فريد زكريا:أسرار مذهلة عن تأمر أمريكا علي العرب! والصين!وروسيا!
» (عاجل من خادم الشعب إلي الرئيس!)