عشرين جملة 95% من شباب مصر بيقولوها للبنات

دول عشرين جملة 95% من شباب مصر بيقولوها للبنات

1-حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض )

2-يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)

3- حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )

4-انا حاسس ان فى شبه كبير بين افكارى و افكارك احنا اكيد
مخلوقين لبعض
(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين ....ههه يالا يا عادل)

6-يااه يا حبيبتى انتى تؤمرى وانا انفذ اللى انتى عايزاه اجبهولك
(فى المشمش)

7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)

8-هكلم باباكى اول ماكًون نفسى
(موووووووووووت يا حمااااااااااار)

9-عايز اشوفك كل يوم كل ساعه كل ثانيه
(عشان اصحابه يتأكدو انها حلوه)

10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (بففففففففف الاسطوانه المشروخه)

11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

13- ياحبيبتى انتى بتتكلمى فى أيه انا كل عطورى من فرنسا
( ايوه زغلل عنيها ياواد)

14-ياه لما بشوف رقمك على الموبيل قلبى بيتنفض (طبعا من الخضه انها تكون فأسته)

15-فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)

16-حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)

17-اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)

18-اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)

19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)

20-عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)

اعتقد ان مافيش بنت مصاحبة ولد ماسمعتش اسطوانة مشروخة زى ديه ياريت يابنات تفوقوا وتشوفوا دماغ الولاد فيها ايه

أكيد طبعاً مفيش بنات من دول هنا

بس أنا جبتلكم الموضوع بهدف الترفيه مش أكتر

من طرف ???? الإثنين أغسطس 10, 2009 4:59 pm

فعلا هيافة الشباب فى الوقت الحاضر بتخليهم يقولوا الكلام ده

والهيافة الاكبر اللى فيها البنات بتخليهم يصدقوا كلام الشباب الطايش اللى مش ليه شغلانه غير النت والفضائيات المسمومة والقهاوى والكافتريات والنوادى وكل اشكال تضيع الوقت ده بخلاف اشكال التضيع الاخرى فى الصحة عن طريق التدخين والادمان وغيرة مش هقوله

وطبعا هتقولو مش كل الشباب كده هقولكوا صح والله؟؟؟؟؟؟؟

فى نوع اخر من الشباب اقصد الاولاد طبعا بيتميزوا بصفات غير اللى ذكرتها علشان برضه يقولوا ويصاحبوا البنات بس من ناحية تانية وتكون حجتة انه يقول على نفسة انه محترم ومش بيسيب ركعة وبرافوا عليه سيرته بين الناس اللى مش ليها غير المظاهر زى الفل وتعالى شوفه مع اى بنت بيقول العن من العشرين جملة دول

معلش جايز طولت عليكى بس لازم اوضح انه فى شباب مش من النوعين دول وفى ناس محترمة جداااااااا واكن ليها كل الاحترام من الشباب والفتيات

موضوعك كان مهم جدا يا وسام وشيق ان الواحد يرد عليه واتمنى من كل الاعضاء انهم يدخلوا ويردوا بلا استثناء ويقولوا رايهم فى الصداقة بين البنت والولد

شكراً يا ميكو على ردك

و ماتزعليش مني و الله العظيم النت فصل عندي و لما جه دخلت الشات و انت كنتي مشيتي انتي و لولو

لو سمحتي نتكلم في الشات أو الإيميل

و أنا مش كدابة و الله هي دي الحقيقة و كنت عارفة انك هتفهمي غلط

شكراً

من طرف ملكة الإعلام الإثنين أغسطس 10, 2009 6:31 pm

والله عندك حق
ثانكس على التوبيك

من طرف Genol الثلاثاء أغسطس 11, 2009 12:01 am

عشرين جملة 95% من شباب مصر بيقولوها للبنات

عشرين جملة 95% من شباب مصر بيقولوها للبنات

فى الجووووووووووووووووووون

رد: عشرين جملة 95% من شباب مصر بيقولوها للبنات

رد: عشرين جملة 95% من شباب مصر بيقولوها للبنات

رد: عشرين جملة 95% من شباب مصر بيقولوها للبنات