يوميات عيلة صايمة جدا( وصلة ردح)

من طرف ???? الأربعاء سبتمبر 02, 2009 1:46 am

وصلة ردح بين إبراهيم وبسمة
عن نَزْلتْ مصطفى وسوزان دميم نتحدث

بعد انتهاء الإفطار بما يزيد عن الساعة، وبعد أن امتلأت البطون حتى جارت على حقهم في التنفس؛ وبينما الجميع ممددون فوق الصالون، قالت إسراء وهي تعبث بضفيرة شعرها.

إسراء: بابا يا.. بابا يا بابا بابا بابا .. يا بابا.. يا بابا. يا بابا

إبراهيم: بسسسس.. جاك بَوْ لما يلهفك.. عايزة إيه من زفت بابا، بابا الأكل طبق على نفسه لما هيطرشق والبركة في أمك.. ولا بلاش خلينا ساكتيين.
إسراء وابتسامة مكر دفينة أسفل وجنتيها: هو أنت ممكن تزعل لو أنا اتجوزت أربعة؟
إبراهيم: نعم يا روحــ..(تيييييييت)!!!!!!!!

إسراء: ما تخافش يا بابا مهو أنا مش هجمعهم على ذمة واحدة، هفصل بين كل واحد والتاني بيوم ولا اتنين.

إبراهيم وقد ضاق ذرعاً بتفاهات ابنته؛ فأدار لها ظهره، وتناول قطعة من البسبوسة الملقاة على أعلى الطرابيزة الزجاجية الخاصة بالصالون، قبل أن تستأنف إسراء الحديث من جديد في إصرار شديد منها على افتعال خناقة ع المساء مع والدها.

إسراء: الله بقى يا بابا، هو أنا يعني أول ولا آخر واحدة أعمل كده؟ أنت ما سمعتش عن المطربة سوزان دميم اللي اتجوزت أربعة.. جرى لها إيه يعني؟ جالها فلوس قد كده.. هيا بس لو كانت هاودت صاحبنا الآخراني ده ما كانش حصل لها حاجة.

إبراهيم: طب البت كانت حلوة وزي القمر وتستاهل الملايين دي وتستاهل يجروا وراها أربعة وخمسة كمان.. إنما إنتي يا حسرة شبه مقبض الفرن بالظبط، نسخة من أمك.

تتدخل بسمة (الأم) في حدة: وبعدين بقى في نهارك اللي مش فايت ده، وأنا قاعدة وساكتة لك من الصبح.. ما لها أمها يا دالْعدي؟!، وهي أمها يعني متجوزة كولين فاريل.. اسم الله.. الظاهر إن مراية أوضتك اتدغدغت وما بقتش تشوف نفسك.

في هذه اللحظة يستشيط إبراهيم غضباً، ويرتفع حاجباه إلى أعلى جبينه، وقد احمرت عيناه في مشهد مريب، وتناول السكين الموجود أعلى صينية البسبوسة، وشرع في التوجه نحوها، وبسمة لا تقول سوى كلمة واحدة: في إيه يا إبراهيم.. جرى إيه يا اخويا.. إنت زعلت ولا إيه.. ده أنا كنت باهرج معاك.. دا إنت حتى أحلى من كولين فاريل ده بكتير.. هيما.. إحنا عشرة عمر.

إبراهيم: طالما مش شايفة شبه بيني وبين هشام نزلت مصطفى يبقى أحسن أعمل لك دور مسيء السكّري.. عارفة السكّري عمل إيه في سوزان دميم.. خليني أشرح لك عملي.

بسمة: يا خرااااااابي إلحقوووووووووونيييييييييي.

في هذه اللحظة يكسر صوت نشرة الأنباء العاجلة السكون الذي ساد المكان، وبدأ صوت المذيع في ملأ آذان الجميع كالتالي: هذا وقد رفضت محكمة النقض الطعن المقدم على حكم محكمة الجنايات؛ بإحالة أوراق كلٍّ من هشام نزلت مصطفى، ومسيء السكّري إلى فضيلة المفتي، وأيدت الحكم السابق على أن يتم تنفيذ حكم الإعدام على كليهما خلال أيام.

يعود حاجبا إبراهيم في هذه اللحظة إلى حيث كانا، وتنفرج أساريره في ارتباك وضحكة عصبية مفتعلة محل التكشيرة، ويضع السكين جانبا، ويحضن بسمة زوجته بدون مناسبة قائلاً: أنا نسيت أقول لك يا حبيبتي إن عيد جوازنا الـ 18 بعد بكرة، إيه رأيك لو نقضيه سَوَا في كافيه "عرق البلح" تحت كوبري المنيل!!!!!!!!!!!!!!!!.

موضوع جميل يا سمسم

و الكلام اللي فيه يضحك أوي

بس مالها الأسماء مقنعة كده ؟؟؟

إنتي خايفة من إيه يا سمسمة ماتقولي الأسماء الحقيقية

أه صحيح مش انتي بقى اللي كاتباه

من طرف ملكة الإعلام الخميس سبتمبر 03, 2009 5:04 am

فعلا موضوع جميل اوى بس هنقول ايه غير ربنا يرحمها
شكرا على الموضوع

يوميات عيلة صايمة جدا( وصلة ردح)

يوميات عيلة صايمة جدا( وصلة ردح)

رد: يوميات عيلة صايمة جدا( وصلة ردح)

رد: يوميات عيلة صايمة جدا( وصلة ردح)