رد: من هو أفضل دكتور بقسم الإعلام من وجهة نظرك ؟

من طرف حيرت قلبى معاك السبت ديسمبر 05, 2009 12:43 pm

طبعا لا يوجد منافس للدكتور خالد لانه يعرف جيدا كيف يكسب قلوب طلابه بكل ادب واحترام

من طرف مييس الجمعة ديسمبر 11, 2009 6:52 pm

طبعا الدكاترة بتاعتنا كلهم كويسين بجد ماشاء الله عليهم كلهم عندهم ضمير جدا وخصوصا الدكتور خالد والدكتور هيثم ربنا يجازيهم خير احنا فعلا بناخد منهم مادة مش بننساها حتى بعد الامتحان

من طرف **Omar Fathy** الجمعة ديسمبر 11, 2009 8:57 pm

والله يا جماعة بجد اللى يعرف دكتور علاء بجد ، هيعرف قد ايه هو إنسان طيب جدا جدا ،، وأسلوبه فى التعامل مع الطلبة ممتاز بحيث انه يقدر يسيطر على محاضرته وفى نفس الوقت مرونة غير طبيعية فى التعامل بالاضافة الى المادة العلمية -الصحفية خاصة- اللى بيتميز بيها .
وطبعا لا خلاف على دكتور خالد ، وأسلوبه فى الشرح اللى يحسسك قد ايه هوه دكتور متمكن من أدواته ، ولو اتكلمنا على دكتور المسلمى اللى بعتبره بوجهة نظر متواضعة " موسوعة صحفية إعلامية تمشى على الأرض " ، ولا دكتوره " أسما " والصحافة زى ما الكتاب بيقول ، وما نقدرش ننسى دكتور محمد عوض مع انى لم يحالفنى الحظ فى حضور محاضراته ، ودكتورة آمال طبعا بس لسه ما شفتش أسلوبها فى الشرح غير فى مادة النصوص الاعلامية ، لكن من الواضح ان حضرتها تمتلك شخصية جميلة ، واللى يركز فى كلام دكتور عبد الفتاح يعرف انه هو الاخر موسوعة إعلامية ، ودكتور محمد غريب يعجبنى فيه تواضعه ، ودكتورة هويدا واضح جدا ان حضرتها بتعشق الاذاعة والراديو بصفة خاصة ... لكن هناك بعض الدكاترة الأفاضل وهم أقلاء ممن يستعرضون قوتهم علينا بقصد الإذلال أم بقصد حب الظهور أم نقص فى الشخصية أم كره للطلبة أم ماذا .. هذا رأيى بكل وضوح فى كل من تشرفت بالاحتكاك بهم أو الاستماع الى شرحهم من أساتذة قسم الإعلام .

من طرف elhour السبت ديسمبر 12, 2009 6:16 pm

بجد كل دكاتره القسم كويسين جدا وبيراعوا ضميره فى الشرح طبعا دكتور خالد بجد من الممتزين بالدرجه الاولى ودكتور علاء بجد بيردش سؤال اواستفسار اى حد ودكتور هيثم شرحه كويس جدا بس احسن حاجه انه كان بيسال وده كان بيخلى الطلاب بعضهم جاى المحاضره مذاكر ودكتور عبد الفتاح ودكتور محمد عوض ودكتور هويدا طبعا ودكتوره امال ودكاتره سنه اولى بجد كلهم عاوزين مصلحتنا مش عاوزنا ننجح وبس او نقتصر على فهم المنهج وبس لكن بيزودونا بمعلومات مفيده ومهمه خارج المنهج عاوزين يعملوا مننا اعلاميين حقيقيين
بس عندى رجاء من كل الدفعه انهم يحافظوا على الهدوء فى المحاضره ومش يديقوا الدكاتره علشان يفيدونا بكل اللى عندهم بجد لما الدكاتره بيديقوا مننا بزعل جدا وببقى نفسى امسك المايك وااقول للدفعه كفايه*
واااااااسفه طوله عليكم

من طرف هالة احمد الخميس ديسمبر 17, 2009 6:04 pm

يا جماعة دكتور خالد مفيش كلام علية خوة من احسن الدكاترة فى قسم الاعلام وكمان دكتور هيثم ربنا يخليهولنا وربنا يهدى دكتور عبد الفتاح يا رب

من طرف حماده بوفون الجمعة ديسمبر 25, 2009 11:20 pm

ياجماعة لوجربتوا بس تتكلموا مع الدكتور علاء طلعت هاتعرفوا بجد انه اطيب واجمل دكتور فى القسم وتحس انه والدك لما تتعامل معاه

من طرف حماده بوفون الجمعة ديسمبر 25, 2009 11:27 pm

انتوا ليه ياجماعة نسيتوا الدكتور احمد زيدان ده من اطيب الدكاترة الموجودة عندنا فى القسم

بصراحة احنا اكتر جيل محظوظ لان بيدرس لنا نخبة من اروع الدكاترة اللى ممكن يدرسوا لأى دفعة
ومن وجهة نظرى إحنا ما نقدرش نرتبهم لأنهم جميعهم أعلى من إننا كلنا مهما بلغنا من العمر ومن المعرفة أن نقيم جوهرهم الغالى ومعدنهم الأصيل لأن كلهم عظماااااء وده والله بجد مش كلام لأنى وعن تجارب شخصية عمرى ما احتاجت دكتور فيهم وخذلنى وكلهم على السواء سواء كان د:خالد او د:علاء او د:غريب أو د:عوض او د:المسلمى ود:هيثم وغيرهم الكثييييييييييير فكلهم عظماء وعفوا لعدم تعدادى للأسامى ولكن حقا نحن فخورين من كوننا ابناء هذا الجيل المحظوظ جدااااااااااااااااااااااا farao

من طرف nile daughter الجمعة يناير 08, 2010 9:16 pm

مفيش دكتور شاطر ودكتور مش شاطر الدكاترة دول موسوعات بس فى دكتور بيوصل المعلومة صح ودكتور مش عارف يوصلها ومن هنا تحصل المشكلة بس انا من راى ان الدكتور لازم يحاول انو يجذب الطالب ويحركو دة فعلا اللى بيظهر قوة الدكتور وتمكنو من المادة وثقة فى نفسوا

من طرف محبة مصر الجمعة يناير 08, 2010 10:33 pm

ما اقدرش اقول ان كل الدكاترة كويسين
لكن فى حد بيثبت انه يستحق منصبه واخر لا يستطيع اثبات ذلك.
كمان ان كل واحد بيقول وجهة نظره حسب هواه
علشان كده ممكن يكون الاختيار مش موضوعى
وطبعا احنا اتعلمنا استحالة تحقيق الموضوعيه فى الاعلام .
انا مثلا باقدر الدكتور خالد جدااا
لكن عندى الدكتور هيثم هو افضل شخصيه علميه قابلتها فى حياتى
اكيد كتير هيختلفوا معايا
بس لو فكرنا شويه هنلاقي الدكتور هيثم رغم كل المصايب اللى البعض فى الدفعه عملها اثناء المحاضرة لم يظلمنا ابدا بالعكس كان كل محاضرة ييجى وكان مافيش حاجه حصلت قبل كده

فعلا الدكتور هيثم يستحق الاحترام ومش بافتكره اثناء المذاكرة الا لما ادعيله

كمان الدكتور عبد الفتاح والله لو كانت الدفعه كلها احترمت نفسها وسمعت شرحه كانوا عرفوا انهم امام عالم فى مجاله لكن للاسف فى شرذمه قليله تسئ للجميع

وربنا يوفق كل دكاترة القسم ويعنهم خصوصا على دفعة تانيه اعلام

من طرف هداية الرحمن الخميس مارس 04, 2010 1:20 am

السلام عليكم جميعا ياطلبه اعلام
طبعا دكتور خالد افضل دكتور عندنا فى القسم كله بصراحه مش شفت زيه والا اشوف صراحه بيعاملنى كانى بنته بجد ويشرحلنا اللى مش فهمينه بصدر رحب وممكن يعيد الشرح مرتين تلاته بجد ياريت كل الدكاتره زيه كده

من طرف tato710 الأربعاء مارس 24, 2010 11:42 pm

انا كمان من رأئيك يا هداية الدكتور خالد بجد دكتور بيشرحلنا كويس جدا وبعاملنا زي بناته وبيعاملنا احسن معامله وكمان امتحاناته سلسة وبيهلها علينا ف الاجابات

من طرف ملك رووحى الجمعة أبريل 23, 2010 1:56 am

اكيييييييييد دكتور خالد
وكمان دكتور هيثم عامل روح حلوة ف القسم

من طرف يويو الجمعة أبريل 23, 2010 12:46 pm

والله انا شايفة ان د.خالد من احسن الدكاترة وده لا خلاف عليه لانه فعلابيشرح بضمير ولكن وانا ما اعرفش انتو معايا فى النقطة دى ولا لا انى شايفة الترم ده ياما الدكتور بيطلع بره المحاضرة اساسا يا اما بيسمع الكتاب يا اما بيستعرض نجاحاته على الطلبه وانتو اكيد فاهميين.يا ريت تقولولى كلامى غلط ولا صح

من طرف منه الثلاثاء مايو 04, 2010 1:10 am

انا بحب كل الدكاتره بس الافضل ف الشرح من وجهه نظرى دكتور خالد اكيد ودكتور هيثم