افكـــــــــــار تراودنى .........

بدأت فى اسباب ما نحن عليه ومحاولة علاجها من خلال وجهة نظر الاعضاء وتكلمت عن انهيار القيم ثم النفاق والان اكمل حديثى بشئ جديد الا وهو الافكار .
نحن نعيش فى هذه الدنيا نؤمن ببعض الافكار وندافع عنها ، ولكن هل تلك الافكار صحيحة ام خاطئة ؟
هذا هو السؤال المهم فى الموضوع فبالافكار نحدد مصيرنا ونعلمه الى اين يسير الى شر او خير
يووووووووووووووووووه انت مش بتقول جديد ، افكار ايه ، مال الافكار ومال الى احنا فيه
ياعم تعالى بشويش نفهم
هو الحرامى الى بيسرق ده بيسرق ليه
عشان مؤمن ان السرقة الفكرة الوحيده علشان يعيش
وغيره عايش بفكرة مسيطرة عليه
فكر ياعم بقى فى علاج ، هتعالج الافكار ازاى
ياسيدى بشويش
افكار يعنى تربية ، تربية يعنى اسرة ومدرسة وشارع
الافكار بتتكون من كده يعنى لو الاسرة علمت ابنها ان السرقة حرام والمدرسة والناس الى فى الشارع اظن ان الوالد مش هيبقى حرامى

انت عايز تغيير حاجات كتير علشان افكار

اريد منكم حل لكل هذه المشاكل ، انهيار القيم ، النفاق ، الافكار الخاطئة


(اه لامة تريد التغيير ولم تصنع شئ من اجله)

شكرا سيد على موضوعاتك الجميلة دى
الافكار الخطأ دى طبعا نتيجة للتربية الخطأ او اساسا مفيش تربية زى مثلا طفل اتولد لقى ابوه حرامى او ايا كان او يتيم ايا كان السبب عاوزة اقول ان الطفل دة لو مفيش عناية به هينزل الشارع؛هيبيع مناديل؛هيشرب سجاير؛بقى طفل من اطفال الشوارع ونمت عنده افكار غلط
انا من رايى ان الحل الوحيد للافكار الخطأ :
الاول:ان "لازم" نمحى الامية؛لازم يكون فى توعيه للاسرة انها متخلفش حوالى 9_10 اطفال ويبقى ثلثهم فى الشارع طب ما هو هيخدوا افكار غلط
الثانى:ان الحكومة "لازم"تبنى مدينة او ملجأ لاطفال الشوارع بس يتعاملوا معاملة كويسة وتلم اطفال الشوارع كلها وتعلمهم من الاول ايه الصح وايه الغلط فبالتالى مش هيبقى فيه افكار خطأ فى المجتمع

شكرا لمرورك
حلولك منطقية وجميلة
بس ياااااااااااااااااترى ممكن تتحقق

طبعا القيم والتربية الأسرية اللبنة الأولى في بناء اى مجتع صالح متقدم

لكن اذا كانت البيئة والظروف السياسية.... والإقتصادية خاصة في الحضيض فقل وداعا للقيم

وأنا أعتقد أن من أهم أسباب السرقة وتفشيها كمثال كما طرحت سيادتك يا سيدى هو الفقر ولو كان ..."الفقر رجلا لقتلته" ......

شكرا يا سيد على الموضوع

جميل يا استاذ سيد
مواضيعك كلها لامسه الواقع

اسمحولى اقول انا محتاجين الاسره تتربى صح
والله مش قصدى خالص غلط فى اهالينا لانى مااقدرش افكر فى كدا
اللى اقصده عايزين بدايه صح
عايزين الاسره تكون فاهمه قيمة اى كلمه او اى فعل قدام طفلهم
وتكون مستوعبه اد ايه دا بيتحول عند الطفل لافكار ومعتقدات صعب جدا تغييرها بعد كدا
لان الافكار دى بتتحول عنده لاشياء مسلم بيها ومفيش فيها مجال للنقاش بعد كدا
لكن كمان لازم يكون جوانا شئ اقوى من المعتقدات دى وهو الايمان
الايمان اللى يخلينى مهما كان اللى حواليا غلط مش هاؤمن بافكارهم
مش هاخلى افكارهم تمشينى ومش هاقبل اخليها عندى معتقدات

خلينا نفرض اسوء الاحتمالات وهو ان اللى حوالينا كانوا غلط من البدايه
مش هتقف لدنيا عند كدا لازم اكون انا صح برغم غلط اللى حوليا
لازم افهم ان فى دنيا ماشيه ومش هتقف عندى
لازم افهم ان فى اجيال جايه بعدى وانى هاكون سبب فى تكوين معتقداتهم وافكارهم
يعنى اخلى عندى البدايه واكون لنفسى افكار صحيحه ابنى عليها افكار الاجيال بعدى
وصحيحه دى هتكون ازاى وهاحكم عليها بايه؟!!!!!!!!!!!!
بالاســــــــــــــــــــــــــــــــــــــــلام
بالقران
بالسنه
وبكدا اضمن سلامة الدنيا وسلامة افكارى لانها من مصدار استحاله يكون فيها غلط
وكدا كمان اقدر انا ابنى افكار اسرتى وما اخليش افكارهم تطغى عليا دا مع اسوء الاحتمالات اللى فرضناها

ديما اطول عليكوا كدا
ارجو المعذره بس الموضوع شدنى فعلا لانه مهم جدا
""اذا فى تعليق على كلامى مفيش مشكله ""

شكرا على التوبيك الرائع ده
وانا اتفق مع راى ايمى فى ان الحل الوحيد لكل هذه المشاكل ، انهيار القيم ، النفاق ، الافكار الخاطئة
باتباع الدين الاسلامى وان نسير على نهجه واتباع سنه الرسول صلى الله عليه وسلم ونتعلم من مواقفه ومعاملته مع الصحابا وكيفيه تربيته لابناءه على نهج الدين الاسلامى الحنيف
وبذلك تختفى هذه المشاكل وتحيى القيم الاخلاقيه والوفاء والافكار الصحيحه فى كل مجالات الحياه مش شرط الدين فقط
المهم نطبق تعاليم ديننا بالتطبيق الصح فى بيوتنا واماكن اعمالنا وايضا فى الشوارع

انا متفقه مع محبة مصر جدا ومفيش كلام اضيفه بعد كلامكم ومن الجيد ان الواحد يراجع نفسه وافكاره ويصلحها شكرااااا على الموضوع

فعلا شكرا لكل من ساهم فى الموضوع