حوار مصرى جدا !!!!!!!!!!!

حوار مصـري جداً
يقال إن87%من الشعب المصرى ساخطون على الحكومة المصرية.. ما تعليقك؟
ـ ال 13% الباقيين فى بورتومارينا


هل صحيح ان كتر السلام يقل المعرفة؟
ـ صحيح فيما عدا السلام مع اسرائيل، كتر السلام معاها يعمق المعرفة والبيزنس

*******

تقرير :45% من الشعب المصرى مصابون بمرض السكر.. ما تعليقك؟
ـ آدى اللى خدناه من "الحلوانى" اللى بنى مصر

*****************


ما أهم مظاهر الفهلوة عند المصريين؟
ـ انهم يشكون فى الشحات ولا يشكون فى النصاب

بعد اضطهاد النادى الأهلى الواضح لنادى الزمالك والمتمثل فى التنكيل به ذهابا وايابا.. ماذا تتوقع لجماهير الأخير؟
ـ أتوقع أن نقرأ قريبا أخبارا عن زملكاوية المهجر
*******


ليه الحزب الوطنى بيعمل اعلانات لنفسه مع ان البلد كلها بتاعته؟
ـ زى ما شبكة الأوربت بتعمل اعلانات لنفسها على شاشة الأوربت

ما الفرق الأهم بين مصر وأمريكا؟
ـ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى

ما أهم قاعدة موجودة فى مصر؟
ـ ان مفيش قاعدة لأى حاجة
*******


ما وجه الشبه بين السد العالى وقانون الطوارىء؟
ـ الأثنان مصدر للكهرباء


أين يمكنك أن تلاحظ سوء نية المصريين؟
ـ عندما يغنون للطفل البرىء بمنتهى الخبث قائلين.. يارب يا ربنا تكبر وتبقى زينا
*******


ليه أكتر ناس بياخدوا مواقف معارضة جريئة هم الناس بتوع الغزل والنسيج؟
ـ علشان بيشتغلوا فى القطن, و "القطنة ما بتكدبش" زى ماقلت مدام نظيفة




امتى هناكل جوافة من انتاج مزارع توشكى؟
ـ لما نلاقى المشمش
*******

هل لك أقارب استشهدوا فى الحرب؟
ـ لأ عندى أقارب استشهدوا فى السلام... السلام 98

*******



بماذا ستجيب كمصرى عند سؤالك عن عمرك فيما أفنيته بعد عمر طويل؟
ـ أفنيته فى اشارة قصر النيل مستنيها تفتح ، وفى صلاح سالم مستنيه يتحرك ، وعلى كوبرى أكتوبر مستنى لما رئيس الوزراء يروح

من المستفيد من الزحام الذى يسيطر على شوارع القاهرة؟
ـ شركات المحمول، كله واقف فى الاشارة ماسك الموبايل، بيخلص شغل أو بيعتذر عن التأخير أو بيسلى نفسه على الأقل،
وبالتالى تعتبر الادارة العامة للمرور هى المستفيد الثانى.. مخالفات استخدام المحمول أثناء القيادة..
المستفيد الثالث هى الشركة الشرقية للدخان حيث يتزايد معدل الحرق على سبيل التنفيث..
المستفيد الرابع هو الهيئة العامة للبترول حيث يتزايد حرق البنزين على الفاضى اثناء الوقوف وهو الأمر الذى يبرر اختفاء البنزين من المحطات
وبالتالى يصبح المستفيد الخامس هم أطباء الأمراض الصدرية..
وبالتالى يصبح المستفيد السادس الشركة المصنعة للأدوية
*******



ليه بيقدموا الساعة ساعة عندنا فى الصيف؟
ـ علشان البلد تتقدم بينا

لماذا يقال عن الشعب المصرى انه شعب فوضوى؟
ـ علشان بيكره النظام



اذكر اسم شخصية عامة معروفة ما بتكبرش أبدا؟
ـ بكّـــار

ههههههههههه بجد موضوع ممتع قوى وجميل
بس للأسف بيعبر فعلا على الواقع المصرى

هههههههه
فعلا توبيك جامد ومصري خالص
نايس اية

شكرا على مروركم
على فكرة كمان كلمة للأسف برده دى كلمة الشعب المصرى
آه صحيح مااحنا مصريييييين
ههههههههههههههههههههههه

ههههههههه
دايما مواضيعك ممتعه كالعاده يا ايه
بجد اسلوبك اكتر من رائع
ربنا يوفقك

ربنا يخليكى ياسوسو
وشكرا على مرورك

ههههههههههههههههههههههههه
حلو اوى الحوار ده
تسلم ايديكى ياعسل

ما وجه الشبه بين السد العالى وقانون الطوارىء؟
ـ الأثنان مصدر للكهرباء

موضوع جميل وبجد يضحك

ههههههههههههه
شكرا على الموضوع الجميل كالعاده
وهوه ده الواقع

شكرا لمروركم يا اجمل اعضاء فى الدنيا