التطور الطبيعي للرجل

بحبك
بعد 6 اسابيع : بحبك بحبك بحبك ... بحبك
بعد 6 شهور : اكيد بحبك
بعد 6 سنين : ياساااااااتر ! يعنى لو مش بحبك كنت هاتجوزك ليه ؟؟؟



جرس التليفون
بعد 6 اسابيع : حبيبتي فى حد عايزك على التليفون
بعد 6 شهور : التليفون دة ليكى
بعد 6 سنين : ماتردى ! انا عندى صداع


وقت الغدا
بعد 6 اسابيع : ماكنتش اعرف ان نفسك حلو اوى كدة
بعد 6 شهور : عاملة ايه النهاردة
بعد 6 سنين : بامية تانى


لما تشترى فستان جديد
بعد 6 اسابيع : مبروك ياحبيبتي , هياكل منك حتة
بعد 6 شهور : انتى جبتى فستان جديد تانى ؟
بعد 6 سنين : هممم بكام ؟


لما يتفرجوا على فيلم
بعد 6 اسابيع : تحبي نشوف فيلم ايه ؟
بعد 6 شهور : ماتقلبيش المحطة انا عايز الفيلم دة
بعد 6 سنين : انا رايح السينما , نامى انتى بقى

لما تعزم اصحابها
بعد 6 اسابيع : وماله اهلا بيهم فى اى وقت
بعد 6 شهور : انتى كل اسبوعين هاتعزميلنا حد ؟
بعد 6 سنين : يوووووه دة مابقاش بيت


لما يروحو السوبر ماركت
بعد 6 اسابيع : تحبي تروحى انهى سوبر ماركت يا حياتى
بعد 6 شهور : وماله عم انور البقال ؟
بعد 6 سنين : انتى بتودى الاكل فين !؟؟

لما ييجى عيد ميلادها
بعد 6 اسابيع : معلش كان نفسي اجيبهولك الماظ
بعد 6 شهور : خدى 50 جنيه وهاتى اللى انتى عايزاه
بعد 6 سنين : مش عيد ميلادك كان السنة اللى فاتت هوكل سنة ولا ايه


فى العيد
بعد 6 اسابيع : حبيبتي الكحك والبسكوت برة على السفرة
بعد 6 شهور : مش واجب بقي مامتك تجيب لنا الكحك
بعد 6 سنين : مش لازم كحك السنة دى .. انتى تخنتى اوى

وهى رايحة للدكتور
بعد 6 اسابيع : حبيبتي قولى لى قبلها عشان اعمل حسابي فى الشغل
بعد 6 شهور : خدى مامتك ولا حد من صحابك
بعد 6 سنين : دكتور دكتوووووووور .. مانتى زى البمب اهو

المولود الاول : زى القمر .. شبهك
المولود التانى : شبه اخوه
المولود التالت : ياريت تخللى بالك المرة الجايه

هههههههههههههههه
والله فى اغلب الاحيان بيحصل محدش ينكر
تسلم ايديكى

ههههههههههههههههههههه
ربنا يستر ومش يحصل كده
لو حصل كده بلاش نتجوز احسن
ايه موضاعاتك التحفه دى يابسبس

هههههههههه
بس مش الكل كده

الحب ياسيدتى رسالة ابدية
وليس مسرحية هزلية
يبقى على مدى العصور
وان نزلت الستائر سيبقى
اغلى شىء عرفته البرية

اسلوبك ممتع بيجذب القارىء
حقيقى رائع

هانى اباهيم

يبقى معنى الحب ؟
شئ وراء الستار ، ليعرفه من يعيش فيه فقط


وده مش حب

بس اكيد موجود النوع ده
من الرجال هنعمل ايه
ربنا عا المفتري
هههههههههه
شكرا علي مروركم جميعا