السلام عليكم ، شكرا لزيارتك منتدى شباب إعلام ، نتمنى أن تكون فى أطيب حال .
إذا كنت عضوا فى منتدى شباب إعلام ، اضغط دخول .
وإن لم تكن ، فيسعدنا اشتراكك معنا وانضمامك إلى أسرة منتدى شباب إعلام .

" إدارة المنتدى"
اقرأ القرآن
مطلوب مشرفين
=
المواضيع الأخيرة
» (ذكراللـه): أن سيدنا موسي مصري!
الجمعة أكتوبر 20, 2017 2:54 pm من طرف النائب محمد فريد زكريا

» (((( خـطـة الشـيـطـان! ))))
السبت أكتوبر 07, 2017 7:00 pm من طرف النائب محمد فريد زكريا

» (أسرار خطيرة جداً ممنوعة من التداول:لخفايا ما يحدث لمصر والعرب!الآن)
الأحد سبتمبر 03, 2017 8:12 pm من طرف النائب محمد فريد زكريا

» النائب محمد فريد زكريا: رسالة للشعب: في غفلتنا نجح مخطط إبادة شعب مصر!
الأحد يوليو 30, 2017 5:08 pm من طرف النائب محمد فريد زكريا

» النائب/ محمد فريد زكريا: (يكشف للشعـب!وللتاريخ؟) كيف دمرت مصر!وطوق شعبها بالفقر!)
الأحد يوليو 30, 2017 5:06 pm من طرف النائب محمد فريد زكريا

» النائب محمد فريد زكريا: رسالة للشعب: في غفلتنا نجح مخطط إبادة شعب مصر!
الأحد يوليو 30, 2017 5:05 pm من طرف النائب محمد فريد زكريا

» اسرار خطيرة جداً لمخطط إبادة 93 مليون مصري أو تشتتهم لتدمير المنطقة!
الأحد يوليو 16, 2017 5:56 pm من طرف النائب محمد فريد زكريا

» تمالى بينسانى
الأحد أغسطس 28, 2016 10:03 pm من طرف hany4445

» قصيدة صرخة وطن
الأحد أغسطس 28, 2016 3:03 am من طرف hany4445

» ( نعم أسقطوا الطائـرة الروسية بقنبلـة!فأكشفهم يـا ريـس!)
الجمعة نوفمبر 20, 2015 10:30 pm من طرف النائب محمد فريد زكريا

» ((( العـبقرية العربية هي الحـل! )))
الجمعة نوفمبر 20, 2015 12:06 am من طرف النائب محمد فريد زكريا

» !!! (مـفـاجــآت مـذهــلـة ـ لـن تصـدقـونـهــا! ـ عـن طـيـبـة! وعـبـقـريــة العـرب!) !!!
الجمعة أكتوبر 30, 2015 10:38 pm من طرف النائب محمد فريد زكريا

» يـا شعب مصر:المياه ستصبح أغلي من البنزين!نص أوامـر أوباما!في زيارة أثيوبيا
الأربعاء أكتوبر 07, 2015 10:32 pm من طرف النائب محمد فريد زكريا

»  النائب/ محمد فريد زكريا:أمريكا منعت مشروعنا لمحور قناة السويس1984والآن ذو عائد 350 مليار دولار سنوياً!
السبت أغسطس 08, 2015 1:46 am من طرف النائب محمد فريد زكريا

» (( من قتل القادة العرب؟؟! ))
الثلاثاء أبريل 14, 2015 10:14 pm من طرف النائب محمد فريد زكريا

» الخليجيون للمطابخ
الثلاثاء مارس 17, 2015 8:02 am من طرف nikkigib

» النائب/ محمد فريد زكريا: نبـايـع!ونطالب القادة العرب بمبايعة الملك/ سلمـان زعيماً للعرب!)
السبت يناير 24, 2015 10:37 pm من طرف النائب محمد فريد زكريا

» النائب/ محمد فريد زكريا: يا الـله! ويا رسول الـله! أنقذوا العرب من هذا الـذل والعــار
الإثنين ديسمبر 29, 2014 10:33 pm من طرف النائب محمد فريد زكريا

» النائب محمد فريد زكريا:أسرار مذهلة عن تأمر أمريكا علي العرب! والصين!وروسيا!
الأربعاء ديسمبر 24, 2014 10:06 pm من طرف النائب محمد فريد زكريا

» (عاجل من خادم الشعب إلي الرئيس!)
الثلاثاء نوفمبر 18, 2014 5:45 pm من طرف النائب محمد فريد زكريا

الساعة الآن
>

صفحتنا على facebook
أفضل 10 أعضاء في هذا الأسبوع

أفضل 10 أعضاء في هذا الشهر

زوارنا من أين؟
عداد الزوار

قصيدة مصر المظلومه للشاعر الغنائى/رضا عبدالعزيز محمد

استعرض الموضوع السابق استعرض الموضوع التالي اذهب الى الأسفل

قصيدة مصر المظلومه للشاعر الغنائى/رضا عبدالعزيز محمد

مُساهمة من طرف الشاعر/رضاعبدالعزيز في الأربعاء فبراير 02, 2011 11:09 pm

مصر المظلومه

مصر دايما ولاَّده
سيدات كوامل وساده
سبور وهاى وعاده
رجاله على ستات
كل ثانيه مولود
سعيده كان او مسعود
ستاتنا أهل جود
وأصحاب كرامات
وصلنا تسعين مليون
منُّه لله المأذون
ما دام فيه العربون
الطفله قطرها فات
هو الوحيد الكسبان
فلوس.هدايا.دخان
الله يرحم زمان
أيام ما كان شحات

.....................

مشاكلنا والله كتيره
كلها صعبه وكبيره
مين قال مصر فقيره
والله كلها خيرات
ما اقدرش أنكر الغلط
اسلوبنا كله غلط
عقولنا أنشف م الزلط
تفكيرنا سىء يا حضرات
وإليكم أكبر مثل
الطريق مرصوف وعسل
ييجى شوية هَمَل
يهدوه بالبلدوزارات

.....................

ايه الحكاية يا هريدى
بتكسر ليه فى طريقى
خطه نازله يا سيدى
تركيب كابل تليفونات
أستاذى العيسوى قال:
بريمة المصرى شمال
فاكرين يوم الزلزال
أظهر غِش البنايات
والبيه صاحب نفوذ
أجاز مالا يجوز
بماله لازم يفوز
واتزورت الإنتخابات
أصبح عضو فى البرلمان
والأحق ابن الغلبان
بالذمه ده انسان
ينجح من غير أصوات
ومصنعه اللى بناه
وسط بيوتنا وعلاَّه
آه منه آه مصنع للقـــاذورات
لكل واحد منَّا
يوماتى ألف شَمَّه
ريحه نَتنه رِِمَّه
ريش على حيوانات

........................

وعشان نخلص م الزحمه
والناس تشترى لحمه
قالوا أهل الحكمه وحل المعضلات
قالوا الحل الصحرا
أرض بِكْر وطاهره
لا اسكندريه لا قاهره
لا طلخا لا كفر الزيات
فى توشكى و فـ أسوان
فى العامريه والبستان
وبره مصر كمان
فى بلاد الخواجات
علشان القمح يكتر
والناس تاكل وتبحتر
وأيامنا تبقى سكر
ولا سكر البطاقات
وما بين يوم وليله
توشكا كانت جميله
قطنها طويل التيله
فدادين بالآلافات
أمال ايه يا جدع
دا احنا أهل البِدَعْ
حقايق مش خِدَع
ارجع يا زمن البشوات

..........................

الباشا حقه الأرض
بالطول بالعرض
والفقير عليه فرض
يلزم السُكات
الباشا عنده ملايين
عنده مكن ومهندسين
إسألوه جابها منين
م البنك قروض بشيكات
والبنك اللى ادى له
يا حلاوته يا جماله
لو كان المال ماله
كان كَلبِش فيه ومات
ويكلبش فيه ليه
علشان مليار جنيه
بُص لكرشك
يا بيه دا منك آلافات
مين قال السرقه حرام
اسرق دى السرقه غرام
م الليل ساعتين نام
واتصرمح ع البلاجات
ما بين دهب ومارينا
والعين وعريش سينا
جذابه ملاهى أثينا
إيه رأيك فى العاهرات ؟!!
هو انت يا بيه غرمان
الفلوس معاك جِران
انشا الله يموت الغلبان
ما أبوه قبله مات

...............................

علشانك الدنيا اتخلقت
وأجدادك ياما سرقت
رؤيه تصدق حصلت
الله يرحم الست زينات
الكوسه يا عينى ع الكوسه
فى بلدنا احلى عروسه
الناس بيها مهووسه
ودى قمة الآفات
البيه مسئول كبير
أستاذ فى التزوير
ماسك منصب خطير
فى وزارة م الوزارات
هوَّ الآمر والناهى
داهية من الدواهى
خامورجى بتاع ملاهى
فى ايده التعيينات
وزارته ياما طلبت
وفى الجرايد علنت
الناس راحت وهجمت
وسلموا الطلبات
كان المطلوب خمسين
دباليم على عاليين
اتقدم قول ألفين
بنين على بنات
عقد البيه امتحان
عن الفجل والبتنجان
ورئيس أذربيجان
ومخرج الكيت كات

.............................

الوظايف كلها اداره
مال على تجاره
سيادته فاكرها شطاره
هدفه الاتاوات
لا بص لتقدير
ولا شاب سنه كبير
ولا ناجح فى تسته الخطير
عنيه على الدولارات
والدش اختراع جميل
ارساله نهار وليل
رقص غُنا مواويل
أفلام ومسلسلات
الكل قاعد قدامه
للفجر ويا أفلامه
سيد واحنا خُدامه
هوت بيرد ونايل سات

............................

وزراء بلدنا الحلوين
مين فى جمالهم مين
خلوا حياتنا ياسمين
قشطه فله شربات
الشغل جاهز للعاطلين
اقتصادنا صلب متين
وفرنا الدعم للملايين
ضربنا فى عشره المرتبات
الفقير لازم يعيش
بعد النهارده منه مفيش
لا أمباشى ولا شاويش
بكره كله مليونيرات
ايه يعنى اللحمه بسبعين
وبعشره بنت المجانين
برضه احنا حلوين أحسن
من غيرنا يا حضرات

.........................

التعليم فى أردىء صورة
أردىء من منتخب الكوره
فى الفصل التلاميذ محشورة
أكتر من ست عشرات
ومناهج زى الفوازير
سلطه من غير جرجير
كل ما ييجى وزير
يصدر حبة قرارات
سنه سَتَه ذنب كبير
وتالته عايزه تغيير
لازم موضوع التعبير
يشمل عشر فقرات
وأخونا المدرس مسكين
الفصل مكنة طحين
لو شرح الدرس عشرين
كل التلامذه بهوات
الخمسه فى خمسه بسبعين
وإن وكان مجانين
يا مدرس أيامك طين
لو تضرب ست البنات
الضرب يا أفندى ممنوع
ووزيرنا حسم الموضوع
اللعب هو المشروع
والغش فى الإمتحانات
ازاى التلميذ يذاكر
يا معلم خليك فاكر
المصرى بالفطره شاطر
بدون مذاكره أو محاضرات

.............................

المصرى من يومه ممتاز
صاحب عزيمه وانجاز
زى زويل والباز
تعليم العهد اللى فات
لما كان الطالب طالب
قبل ما تطلع له مخالب
الزمن اتغير حاسب
كل يوم له قرارات
اخترعنا تقويم شامل
قصدى دمار شامل
وبالاسم عندنا معامل
للعلوم والحاسبات
واخترعنا نظام الجوده
سبوبه لأهل الجوده
احنا نظامنا لا عوده
لزمن الانجازات
الكليات العلميه
مجموعها ميه الميه
لجل الحياه البحثيه
ما تموت زى اللى مات
امبارح كان المعلم
يشرح يدرِّس يعلم
لكن النهارده بيتعلم
من الطلبه والطالبات

............................

وزارة الصحة والسكان
المعنيه بصحة الانسان
اسم وبس من زمان
روحوا شوفوا المستشفيات
المستشفى مركزى عام
يا سلام سلِّم يا سلام
خالى من أى برشام
من الشاش والسرنجات
المبنى جميل ضخم
الموظفين فيه لحم
لكل واحد سهم
من تذاكر العيادات
تروح عيادة الباطنه
تلقى المس فاطنه
تشوفك تقوم راطنه
عارفه كل اللغات
البيه الباشا الدكتور
اليوم والله معذور
عازم نسيبه الغندور
تعالوا بكره يا حضرات
وفى عيادة السكر
دكتورة زى السكر
ملتزمه والله تُشكر
برافو دكتوره حسنات
حنفى عنده غيبوبه
قدامها زى الطوبه
عيشتُه سوده وروبه
مفيش انسولينات
يا حنفى اصحى فوق
يا حنفى خليك ذوق
قلبى عليك محروق
زين الشباب مات

..........................

ووزارة الحقانيه
بصراحه ميه ميه
فيها عُمر القضيه
بس عشر سنوات
مسكين البيه القاضى
عليه كوم قواضى
سرقه نهب أراضى
تزوير و مخدرات
خلى الشيكات على جنب
وكمان قضايا الضرب
حسونه عضُه كلب
فين قانون العقوبات

...........................

ووزارة الأوقاف
قول بدون ما تخاف
امام فِكْرُه حاف
وجامع بدون صلوات
عِشه ظالم بناها
جامع الرحمة سمَّاها
من جيبه يا دوب اداها
أربع آلافات
وسماسرة الوزارة
وافقوا عليه يا خسارة
وعينوا له بجدارة
عامل امام مقيم شعارات
العامل عشر تلاف
والإمام لجل الانصاف
الكل نايم تحت اللحاف
كل الشهر اجازات

..........................

اما وزارة البترول
وزارة الآبار والحقول
من غير زعل بأقول
وزارة لولاد الذوات
أما اكلة الفول
وبقايا أوصال العجول
طبعاً مش معقول
يقبضوا بالدولارات
الجنيه يروح لمين
طبعا يروح للميتين
اللى عددهم ملايين
محدودى الجنيهات
اللى رافعين قضيه
وبيحلموا بالآدميه
مش هيزيدوا ولا مية
ممكن خمس عشرات

............................
....................
..............
.........
.....
.....
....
...
..

.


الشاعر/رضاعبدالعزيز

عدد الرسائل عدد الرسائل : 23
العمر العمر : 52
تاريخ التسجيل تاريخ التسجيل : 14/01/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى