معلومه مفيده

كتير مننا بعد ما يخلص قراءة فى المصحف بيقبله

بصراحه انا واحده من الناس لحد بس من كام يوم كنت طوووول عمري بعمل كده

بس في مره من المرات سألت نفسي هو انا ببوس المصحف بعد ما اقفله ليه؟؟

لقيت الاجابه التلقائيه هي ان طلعت لقيت كل او معظم اللي حواليا بيعملوا كده !!

والسبب التاني اللي جه في بالي هو اني بحب كلام ربنا اووي

وبحس ان ممكن بكده اكون بعبر عن تعظيمي وحبي لكلام واومر ربي

وبيني وبينكم حسيت اني عاوزه ادور واعرف اصل الحكايه ديه ايه؟؟

مش يمكن تكون سنه عن الرسول !! واهو وقتها احتسب الاجر اني باحيي سنه

وفعلا دورت عالنت ووصلت للحقيقه اللي كنت عمري ما اتخيلها !!!

تعالوا الاول ناخدها واحده واحده

بس الاول صلوا معايا عالحبيب المصطفي

اللهم صل وسلم وبارك عليك يا حبيبي يا رسول الله

اول حاجه اتفاجئت بيها انها مطلعتش سنه اصلا !!!

ولا كان حد من الصحابه او اهل بيت رسول الله بيعملوها !!!

الا عن عكرمة بن أبي جهل رضي الله عنة أنه كان يقبله ويقول. هذا كلام ربي

كن هذا لا يحفظ عن غيره من الصحابة ولا عن النبي صلى الله عليه وسلم، وفي روايته نظر، لكن لو قبله من باب التعظيم والمحبة لا بأس، ولكن ترك ذلك أولى.

انا لقيت شويه اختلاف في رأي العلماء والشيوخ في حكم تقبيل المصحف

يعني في منهم اللي قال انو لا حرج من ذلك ما دام الغرض والنيه هي تعظيم ومحبه لله بس برضوه مع ذلك رأوا ان ترك هذه العاده افضل

ومنهم من اعتبرها بدعه !! وقال انه الواجب تركها وانها لا اصل لها في الدين

علشان كده حبيت انقلكم وجهات النظر ديه

ويمكن يكون حد منكم مكانش عنده فكره خالص عن اصل الموضوع ده زيي

وبيني وبينكم انا من النهارده قررت ان شاء الله مش هقبل المصحف تاني

واللي حابب منكم يعرف تفاصيل اكتر ويشوف الفتاوي بنفسه ويتأكد

يدخل علي اللينك ده ويقراه

http://www.saaid.net/Doat/

والله هو كون اللى بيقرأ القران يقبله.......ما هو الا شعور بحب الله وكلماته.....ومحاوله للاطمئنان بالمصحف.....وده شئ جميل

لكن انا عن نفسى ما بعملش كده.....لان بعد قرائه القران ممكن ندعو الله
وده يقربنا اكتر من ربنا وفى نفس الوقت يستجيب لنا......

على العموم سواء قبلنا المصحف او لا ......ليس هناك فرق.....من اراد ذلك فليفعل ومن لم يهتم فالافضل الا يفعل....

جزاك الله خيرا...

اكيد معلومه جديده
بس ما اظنش ان ده غلط
جزاااااااااااااكى الله خير

جزانا واياكم الخير
شكرا على مروركم وردودكم الجميله