رد: أولى الخطوات العملية لتنفيذ مشروعنا

من طرف FaitH الإثنين نوفمبر 07, 2011 12:02 pm

يارب يوفقنا بجد فى المشروع دة ... وكلنا ان شاء الله مع بعض
ونعمل اجتماع ونتناقش طبعا بمشيئة الله

من طرف asmaa الثلاثاء نوفمبر 08, 2011 4:57 pm

يالنسبه للاتنين اللى انت عايزهم دول
هتختارهم على اساس ايه وامتى
المفروض ياعمر تعمل اجتماع مع كل الللى
مستعد يشارك فى المشروع ويكون الكلام ده بعد العيد
وتوزع علينا العمل

من طرف **Omar Fathy** الأربعاء نوفمبر 09, 2011 10:23 am

تمام ماهو ده اللى المفروض هيحصل هيكون فى اجتماع يوم الاحد ان شاء الله للى عاوز يبقى معانا .. وكمان بحاول يبقى لينا مكان فى الاتحاد علشان يبقى فى اجتماع اسبوعى ... بس اللى لخبطلى أفكارى بس ان الدكتورة طلبت منى 20 اسم فأنا اتلخبطت شوية وأفكاررى اتلخبطت آسف<br>

من طرف asmaa الأربعاء نوفمبر 09, 2011 9:08 pm

تمام كده
لو هتعمل الاجتماع ياريت تعلن قبليها
وطبعا تحدد المكان والزمان ويكون بشكل جدى
ويتعمل فعلا الاجتماع
بس تقصد ايه ب20 اسم انت هتخترهم قبل الاجتماع ازاى
وله هتختار اصحابك ؟

من طرف **Omar Fathy** الجمعة نوفمبر 11, 2011 10:05 am

قالوا لو صبر القاتل على المقتول .......!!! Smile

ياريت اللى حابب يشارك معانا بشكل جاد يا جماعة ان شاء الله هيكون فى اجتماع يوم الاحد ان شاء الله الساعة 11 وربع ، عند مدرج ب ،، ان شاء الله هيبقى فى مقر بعد كده و بحاول يبقى فى الاتحاد ...
----------------------------
وردا على asmaa أنا لو كنت عايز اختار اصحابى كنت اخترت من غير ما اعمل الدوشة دى يعنى ،، وكمان مفيش وجود معانا لحد مش هيشتغل أو مش قد الشغل وكمان مفيش وجود لحد علشان هوه صاحبى أو مش صاحبى ،، المقياس هو القدرة على العمل .

من طرف asmaa السبت نوفمبر 12, 2011 12:22 am

اختار ميعاد يناسب جميع الشعب انا فى اذاعه وعندى محاضره من 10 ونصف الى12 وبعديهاالمحاضره المشتركه بين ال3شعب
وبعديهم الساعه 1ونصف عبد اللطيف
فياريت تحاول تغير الميعاد وتبلغنا بيه قبليه

من طرف **Omar Fathy** السبت نوفمبر 12, 2011 10:09 am

خلاص يبقى بعد محاضرة د / سناء بإذن الله
اى حد هيقدر يشارك معانا معادنا ان شاء الله بعد محاضرة د/ سناء بكره عند مدرج ب

من طرف asmaa السبت نوفمبر 12, 2011 4:13 pm

مرسى كتييييييير ليك

من طرف شهرزاد السبت نوفمبر 12, 2011 9:21 pm

انا عندى حل اسهل وهو ان يكون فى اجتماع لكل شعبة لوحدها يعنى مثلا صحافة ممكن تكون 11 باذن الله علشان نقدر نتفق على المطلوب وعلشان عندنا محاضرة الساعة 1
واذاعة اجتماعها فى ميعادها الساعة 1
وعلاقات فى وقت يكونوا فاضيين فيه برضه
وده عشان نكون منظمين وكل شخص فى شعبته ويعرف هيعمل ايه بالظبط

ايه رأيكوا؟؟؟؟؟؟؟؟

من طرف manoshty السبت نوفمبر 12, 2011 10:56 pm

انت عايز 20 اسم من كل شعبه يعنى هتاخد تقريبا 60 واحد من الدفعه والباقيين ايه وضعهم ف المشروع ؟؟ ولا هيعملوا حاجه تانيه ولا ايه بضبط؟؟

من طرف شهرزاد الثلاثاء نوفمبر 15, 2011 2:24 pm

فييييييييييين الموقع اللى اتعمل ؟؟؟؟؟؟؟

من طرف **Omar Fathy** الثلاثاء نوفمبر 15, 2011 6:30 pm

الموقع جاهز والله بس الكهربا قطعت طول النهار امبارح عندى والنت فصل بالليل وكمان عندى شغل امبارح وأول امبارح بعمله دلوقتى وهخلص وباذن الله الموقع يكون خلصان النهاردة باذن الله وأول ما يخلص هكتبلكم اللينك و طريقة مشاركة الناس اللى كانوا معانا يوم الاحد باذن الله

فين باقى الدفعه وناس كتير لازم تعرف بالمشروع انا دايما صريح يا عمر لو تخطينا اخطاء الماضى باذن الله ينجح المشروع ربنا يوفقكم دايما اما عن المشاركه فى المشروع فانا مش اعرف حاجه عنه الا من الكلمات دى يا عمر

من طرف **Omar Fathy** الأربعاء نوفمبر 16, 2011 2:57 pm

للناس اللى شاركوا معانا يا جماعة فى أول اجتماع
ياريت يبعتوا الأخبار على
أولى الخطوات العملية لتنفيذ مشروعنا - صفحة 2 891640181

وان شاء الله الموقع هيكون جاهز فى خلال ساعة

من طرف pinkyemo الخميس نوفمبر 17, 2011 2:54 pm

انا كنت عايزة اعرف حاجه بس

انا من اول ما دخلت جامعه اى حد صحافه بيقول بنعمل مجلة ف مشروع التخرج اول مره اعرف ان المشروع هيبقي صحيفة الكترونيه

ليه الدكتوره غيرت المره دي ولا المشروع ده من تفكير طالب بس ؟؟؟؟

من طرف asmaa السبت نوفمبر 19, 2011 7:15 pm

فى اجتماع وله اى حاجه نعرف من خلالها مصير الموقع
واخر التطورات فيه

من طرف manoshty السبت نوفمبر 19, 2011 10:53 pm

انت عملت موقع وبدات شغل وباقى الدفعه ايه مصيرها ؟؟؟؟؟؟
من فضلك عايزين رد

من طرف asmaa الإثنين نوفمبر 21, 2011 8:26 pm

فينك ياعمر
عايزه رد
صحابى بيقولو انك عملت بيهم اجتماع
وانت ولا حددت ميعاد تانى لاجتماع ولا حاجه
وكمان انا ببعت اخبار على الميل هل بتوصل وله لا
الموضوع ده لو مشى بدون نظام هيكون مش لطيف
حاول تكون منظم عن كده ويكون لينا مكان وميعاد محدد نتقابل فيه
عشان نوقف الموقع على رجليه

من طرف شهرزاد الخميس نوفمبر 24, 2011 3:57 pm

سورى يا اسماء بجد عالتأخير انا تحت امركوا يا جماعة اى حد عايز يسال فى حاجة
حاولى تبعتى اخبار زى ما بتبعتى بس ياريت لو كانت اخبار حصرية انتى تجبيها بنفسك
وميعادنا يوم الاحد ان شاء الله قبل محاضرة الدكتورة سناء

من طرف asmaa الجمعة نوفمبر 25, 2011 12:48 pm

خليها بعد محاضره سناء عشان عندى محاضره قبل سناء

و بتخلص

الساعه 12