موضوع من كتابتي ( جامد آخر حاجة )أتمنى أن يحوز على إعجابكم

موضوع من كتابتي جامد آخر حاجة أتمنى أن يحوز على إعجابكم

مفيش أدنى إحساس بالمسئولية ( شباب طايش جداً ) .

كل شاب فاكر إنه لما يضرب شعره في الخلاط أو يعمله رأس كرنبة زي هيثم دبور و عبد الفتاح جريني خلاص بقى ستايل .

و لما يلبس بنطلون جينس واقع منه خلاص بقى روش طحن .

و لما يربي شنبه و لحيته نص نص زي اللي خارج من المعتقل خلاص بقى مختلف .

و لما يلبس شبشب و يروح بيه الجامعة خلاص بقى إيزي .

و لما يلبس نظارة طه حسين ( قصدي نظارة شمس حجم عائلي ) و يبقى ناقصه خوذة و موتسيكل خلاص بقى مفيش زيه .

و لما يكلم نص بنات الجامعة خلاص بقى فلانتينو .

و لما يحن على نفسه و يكتبله محاضرة ( حدث تاريخي عظيم ) يستغل الموقف و يفضل يقول اللي عاوز محاضرة .......... طبعاً دي وسيلة حقيرة يضطر بيها البنات إنهم يكلمه ( بس قديمة أوي مش علينا الكلام ده ) .

و لما يوزع رقم موبايله ( قصدي أرقام موبايلاته ) و إيميله ( قصدي إيميلاته ) على كل اللي يقابله خلاص بقى شخصية هامة ( vip ) .

وفاكر إنه لما يروح الجيم و يشيل حديد ( وهو مش قادر يشيل نفسه أساساً ) يا عيني بيحلم يبقى عنده ترابيس و مجانس و باي و تراي و بينش و هامر و ريست ( بما إن في ترابيس فالدماغ هي القفل ) كل ده بيحلم يبقى ( تربل إتش – جون سينا – جون مايكل – البيج شو – أومجا – كالي – باتيستا – ريك فرير – كين – أندر تيكر ( الحانوتي ) ( معلومة يمكن تنفعكم أندر تيكر أخو كين ) – راندى أورتن – إستنج – ماك هاردي – جيف هاردي ( إخوات )

مصدر هذ المعلومات "هاني " تخصص في الجيامنزيام ( رفع الأثقال ) و الكونغ فو .

و طبعاً لازم يقلب المحاضرات و يلف في الجامعة و يقعد في الكافيتريا هو فاضي يا عيني يحضر محاضرات ( الراجل معزور يا جماعة يعني هيقطع نفسه محاضرات إيه و كلام فاضي إيه ) الراجل عارفله ست سبع بنات من كل كلية بس هو يلحق يلف عليهم كلهم ( الله يعينه ) قصدي يهديه .
و المصيبة إن لما حد يسأله ترضى أختك تكلم ولد حتى و لو في حدود الأدب يقول لااااااااااااااااااااااااااااااااااااااهي حصلت ؟
و احتمال يعمل فيها راجل و يحبسها في البيت ( قصدي المعتقل ) و ياخد موبايلها ( ياعيني مسكينة ) بس هو عنده حق كده غلط بس عليها و عليه هو كمان مش يحلله لنفسه و يحرمه على غيره ( ده مالهوش غير معنى واحد إنه عنده حاجة غلط في دماغه و السلوك ملمسة عنده ع الأخرو احتمال يحصل ماس كهربي و شعره يقف و هيبقى مبسوط علشان يبقى ستايل .

لكن إفعل "ما شئت فكما تدين تدان" و اللي بيرضاه على بنات الناس غيره هيرضاه على أخته .

و السؤال الذي يطرح نفسه الآن : مين اللي غلط البنات أم الأولاد أم غياب الرقابة الأسرية ؟

أنا رأيي أن كلاهما غلطان البنات بيخونوا ثقة أهلهم فيهم و الأولاد منافقين وكذابين و أندال و........... و ............ و ............. إلخ ومفيش عندهم أدنى إحساس بالمسئولية .

ياريت كل واحد يقول رأيه لأنها حقيقي بقت حاجة مؤسفة جدا .

بقلم : وســـــــــــــــــــــــام

المصدر : سمسم دوت نت

فعلا عندك حق والشباب بقوا كلهم ياعينى فى التوهان ومعظمهم شغال فى الهيفات وبيحسبوا ان الجامعة دى لا مؤاخذة يعنى وخدنها صياعة ولا حول ولا قوة الابالله
شكرا على الموضوع Crying or Very sad

من طرف ???? الأربعاء يوليو 29, 2009 8:22 pm

اولا اسلوبك فى عرض الموضوع جميل جدا ايو كده هيا ده المواهب ولا بلاش مش يجيبوا واحد ولابيعرف يقرا ولا يكتب ويعملوه مذيع فى برنامج
ثانيا انا من رايى ان الغلط الاكبر على البنات بس ليس هذا انى بشيل المسئولية من على الشباب ولكن البنت تتحمل الغلط الاكبر
وبعدين السبب فى ضياع هؤلاء وهؤلاء وهيا المصيبة الكبرى والسبب الرئيسى لكل اللى احنا فيه هى غياب التربية من البيوت فتلاقى الاب مشغول فى شغله والام مشغولة فى ترتيب امور البيت وسايبين البنت او الولد يتعرفوا على اصحاب سوء ويضيعوا ولا هموا حاسين بكده فالتربية الاسرية بقت معدومة تماما وان وجدت فهيا غير مبنية على اسس سليمة لابد ان تكون التربية على اسس سليمة اى اسس اسلامية هو ده الحل الوحيد لكل اللى احنا فيه
(لايغير الله ما بقوم حتى يغيروا ما بانفسهم)

شكرا على مروركم

كلكوا ذوق و الله

الحقيقة مش عارفة أقولكم إيه

أنا أعجز عن الشكر

ردودكوا الجميلة دي هي اللي بترفع روحي المعنوية و تخليني أستمر في الكتابة

ربنا يخليكوا

المهم ضحكتوا و لا لأ ؟ ها ؟

من طرف ???? الأربعاء يوليو 29, 2009 10:43 pm

شكرا على الموضوع الجميل جدااااااااااااااااااا.

أولا انا من وجهة نظرى أن كلا الطرفين ليس لهما أى علاقة بما ألم بهما من فساد أخلاقى وسلوكى فى كل مناحى الحياة من علاقتهما مع خالقهما أو مع كل الناس........
هما أولا "الشباب الإناث والذكور" ترعرعوا في مجتمع تايه اساسا لا يعترف بعادات أو تقاليد او أى قانون أخلاقي سواء وضعى أو إالهى فمن الطبيعي أن نرى هذه الحال أمام أعيننا ولا نستغرب فالقاعدة التى بني عليها هذا الجيل قاعدة غير سليمة كما قال محمد فليس هناك وازع دينى اخلاقي او حتى وازع رقابي أسري......
ولا ننسي أيضا أن أجهزة الاعلام في الدولة أو الدولة عموما هى تايهة كمان أو تم تتيهه لاغراض معينة من بعض القوى الخارجة وخلق او توجيه نوع أخر من الغزو وهو ما يسمى بالغزو الفكرى او الثقافي لهدم اى قاعدة أخلاقية سليمة تقوم عليها اى دولة مجاورة للكيان السرطانى " الصهيونى" حتى لا يكون هناك اى تهديد له فطالما انه هناك كيانات فاشلة بكل المقاييس بجواره فلا خوف عليك يا أسرائيل ولا تحزنى ويكفيها ان هذه الكيانات اكثر فشلا في خلقها وتمسكها بدينها وتعاليمه السمحة التى تصلح لكل زمان ومكان........

شكررا على اهذا الموضوع الاكثر من رائع
والله هذه ليست مجاملة ولكنه موضوه رائع فعلا ومهم ....

شكرا على مرورك

كلك ذوق و الله

دايما بتحرجوني بذوقكم كده

حمدا لله على السلامة مسيو رائف

المنتدى نور

أتمنى ترد على المواضيع دايماً

شكرا ليكوا

موضوع من كتابتي ( جامد آخر حاجة )أتمنى أن يحوز على إعجابكم

موضوع من كتابتي ( جامد آخر حاجة )أتمنى أن يحوز على إعجابكم

رد: موضوع من كتابتي ( جامد آخر حاجة )أتمنى أن يحوز على إعجابكم

رد: موضوع من كتابتي ( جامد آخر حاجة )أتمنى أن يحوز على إعجابكم

رد: موضوع من كتابتي ( جامد آخر حاجة )أتمنى أن يحوز على إعجابكم

رد: موضوع من كتابتي ( جامد آخر حاجة )أتمنى أن يحوز على إعجابكم

رد: موضوع من كتابتي ( جامد آخر حاجة )أتمنى أن يحوز على إعجابكم