[center]اولا كل سنة وانت طيب ثانيا شكرا على الموضوع
انا دخلت قسم الاعلام علشان كنت مش محددة الكلية اللى عايزة ادخلا بس كنت حابة الاعلام وبعدين كرهته شكرااااااااااااا

انا كنت مقتنعه انى ادخل علم اجتماععلشان اكون مع صحابى
بس القدر بقى وطبعا الحمد لله انى دخلت اعلام
وشكرا على الموضوع

ياريت بقى نعرف ايه حكايتك مع الزمان يا استاذ عمر ...... قصدى مع قسم الاعلام

وياريت تجاوب على سؤالى فى الدردشة الجديدة

معلشوا اتأخرت عليكم ........
حكايتى ... بسيطة .

أنا بقى كان أملى انى أدخل فنون جميلة بعد ما ضاع الأمل فى كلية علمية .... مش هقولكم علشان كنت الأول ع المدرسة لحد اولى ثانوى والكلام ده لانه خلاص ماضى ....لا.

أنا بقى كان أمل حياتى أدخل فنون جميلة قسم ديكور أو جرافيك . لكن الحمد لله حققت اللى كان نفسى فيه بس بطريقة تانية.
امتحنت القدرات وجبت عشرة فنون وعشرة عمارة . من عشرة طبعا .. ده بعد اللى شفناه فى امتحان الرياضة والفيزياء وكده .. بردو ما علينا ... للأسف ضاع الأمل ... ومن بعدها ولحد وقت قريب جدا كنت عايش فى شبه غيبوبة .... المهم ما كنتش أعرف عن حاجه اسمها قسم اعلام فى اداب قالولى روح تجارة .. رفضت تماما وحتى ما كتبتهاش فى الرغبات ... المهم كنت ناوى ادخل انجليزى او فرنساوى.. بس بعد شوية كده حبيت أشوف ايه القسم ده اللى اسمه اعلام سألت وعرفت انه كويس حبيت القسم ده .. لكن للأسف كان فى ناس كتير بيحبطونى .. لحد ما خلونى قررت اقرر اكتب فى الرغبات فرنساوى مش انجليزى حتى .. رحت وخلاص هكتب الرغبات لكن فضلت شوية افكر كان معايا واحد صاحبى سألته أكتب ايه راح شاتمنى وقاللى انت أهبل يابنى .. انت عايز تدخل اعلام ادخل ومالكش دعوه باللى بيقولوه ... انت ايه ياعم ..وشخط فيا كده ... رحت رايح كاتب اعلام ورصيت بقيت الرغبات وخلاص ...على فكرة انا كنت جايب 84 علمى رياضة ودخلت انتساب والحمد لله أنا كده حولت انتظام .. وكده خلصت الحكاية وبعدين رحت حضرت أول محاضرة وكانت للدكتور: محمد غريب

بس كده ..... طولت عليكم .... انتوا اللى جنيتوا على نفسكم.

حبيت اجدد الموضوع ونشوف الوجوه الجديدة فى المنتدى حكايتها ايه مع قسم الاعلام

اااااااااااااه فكرتونى بالذى مضى
انا معترفة ان كل انسان بياخد حقه مش اكتر ولا اقل
علشان كدا نتيجه الثانوية مش كانت صدمه بالنسبة ليا
المهم:- الاداب كانت رغبتى الاولى وبالفعل كانت من نصيبى
اما الاعلام فكانت رغبتى التانية وكان قبلها انجليزى و ده من سوء حظى طبعا .ولما عرفت ان الانجليزى اخد من 45 فى البداية زعلت لكن لما حضرت فى الاعلام وبقى ليا اصحاب فيه وعرفت ناس من المنتدى وحبيتهم واتمنى انهم يكونوا حبونى قد حبى ليهم ساعتها بس عرفت انهم قبلونى فى الانجليزى بعد ما كنت خلاص فقدت الامل فيه ...قلت مش مشكلة احول وارجع اعلام لكن لما رجعت البيت وقلتلهم انى عاوزة احول اعلام قالولى ان الانجليزى هو المستقبل وان اى حد اكيد بيتمناه ودى كانت اكبر صدمة ....حسيت بعدها ان كل حاجه بحبها بتبعد عنى
ولانى مش حابة الانجليزى يعتبر مش باذاكره خالص او باذاكر من غير تركيز وطبعا مفيش فهم وربنا يستر
انا باحاول احبب نفسى فيه لان ده قدرى ولانى مش هاعرف انجز فيه الا اذا كنت فعلا حباه وحابه الدراسه فيه
انا اسفة اذا كنت ضايقتكوا بحكايتى مع الاعلام لكن اعمل ايه كان لازم القى حد احكيله والا هاطق

انا بقي حكايتي طويلة شويه
في تانية ثانوي جبت 93 % وفي تالتة اتوكست جامد بعد ما كنت راسم علي هندسة يلا نصيبي ودخلت تجارة
عديت اولي وفي تانية جالي تعب في ضهري وغضروف وليلة طويلة ومحضرتش الامتحانات وتعب نفسي وكرهت تجارة وحولت اداب والحمد لله نفسيا ارتحت لقسم الاعلام وربنا يسهل بقي فيه

يا ريت يا جينول تحكيلنا حكايتك مع الاعلام وليه مش دخلتى انجليزى مع ان شكلك بتحبيه على الاقل كان يبقى ليا اصحاب فى نفس القسم

حلوه الاغنيه ياعمر؟ههههههه
انت ليه بتفكرنا بس؟
انت عايزنا ننتحر ده قدرنا وخلاص
وبعدين ليه تستنى شويه
قر واعترف وقول يابطل انت الاول