سنة جديدة وتفكير جامد

ازيكوا جميعا يا طلبة جديدة فى قسمنا الجميل_هههههههههه_ بجد ممكن نخلية جميل عشان بس احنا فية
قدرك جة اللى انت تكون فى قسم الاعلام سواء دخلت برغبتك او مكتب التنسيق خلاك تتدخلوا او اى سبب اخر عشان كدة لازم تكون سعيد فى دراستك بية
اول خطوة تعملها انك تقفل ودانك عن اى حد يقولك يا ربىىىىىىىىى دة الدكاترة معقدين دة الدكتور دة بيسقط دة الدكتورة دة غلسة كل الكلام دة مش صحيحححححححححححححححححح
اهم حاجة تكون مصحصح ايوة مصحصح بمعنى انك تحضر المحاضرات بتعتك ومتقلش ااخذ المحاضرات من اى احد لالالالالالالالا بجد حتلاحظ الفرق واسال مجرب انا دلوقتى فى سنة رابعة وجايبة فى اولى جيد جدا وفى تالتة جيد جدا اما فى سنة عندما سمعت كلام الناس المثبطين وطنشت شوية وركزت على مواد وتركت مواد جبت جيد للاسف عشان كدة انا عايزة كلكوا تجيبوا احسن منى كمان امتياز مش تقولو ا مستحيل ومفيش حد بيدى والكلام دة مش صح انا جبت فى المادة اللى كلهم بيقولوا دة الدكتور دة......................... حاجات كتيرة جيد جدا وكان بامكانى اجيب امتياز لو كنت شديت حيلى اكتر
عشان كدة 1--- احضر المحاضرات واية حاجة مش فهمة متكسفش واسال زميلك اوسال الدكتور بعد المحاضرة او اترك لة ورقة
2---ذاكر من اول محاضرة مش بقولك يعنى نظام ثانوية واكتئاب وكدة لالا خليك كول وانت بتذاكر انت بقة اكنك استاذ اعلام مش تستحقر نفسك وتقول اعدى والسلام
3- لما تذاكر والمحاضرة فى ذهنك حتكون سهلة احسن لما يكون فات عليها كتير تكون نسيت كان الدكتور بيقول اية فيها
4- احذررررررررررررررررررررررررررررررررر ايوة احذر من حولك مش بس الكلية مجتمعك لا تثق سرعا لتندم بعد ذلك كثيرا كن فطنا وكما قال الرسول (صلى اللة علية وسلم ) المؤمن لا يلدغ من جحر مرتين .
5-اخر حاجة (ومعلش طولت عليكوا ) اعرف نظام كل دكتور عايز اية فى الورقة بتاعتة انا ان شاء اللة حقولكوا نظام كل دكتور لا حقا بس لما ان شاء اللة تحضروا المحاضرات وتبدا وتقولوا عملتوا اية .

انتي بجد هايلة يا رفيف وربنا يبارك فيكي يارب

شكرا يا رفيف على الموضوع وعلى اهتمامك

الموضوع جميل جداومفيدجدا جدا
مش بس فى بداية السنه
لكنه محتاج نصحيه بيننا كل فتره
كتذكره على الاقل
"وذكر فان الذكرى تنفع المؤمنين"
ولما نقرا كلام زى ده
اكيد هيشجعنا فى الدراسه اكتر

موضوع جميــــــل ورائــــــع
كلام ناس ذوى خبره فعلا
thanks

موضوع جميييل يارب كلنا نستفيد منه

وياجماعه انا جديده في المنتدي ومش فاهم حاجه
ياريت لو حد فيكم يقولي ازاي اشارك واضافة الاصدقاء وكده
هستني حد يرد عليااااااااااا

بجد الله ينور عليكي
هو ده كلام الناس العقلين الي عوزين ينفعوا

انتى بكدة شاركتى خلاص يا نور