همسات شعر يه

من طرف سندريلا الأربعاء أكتوبر 21, 2009 11:24 pm

و مش خايف..
و انا عارف ..
بإنِّ الغربَه راح ترسم ..
على العمر اللي باقي آهات ..
و لكن يعني إيه يفرق ..
مـَ فيش إنسان بيتوجَّع و بعد مـَ مات..
هيحصل إيه ..
هموت أكتر..!!
و هتكسَّر ..!!
هنام و احلم ..
بإنِّي بصارع الأمواج ف ليل أغبر ..!!
هشوف العمر قدامي و يضيع مني ..!!
و إيه هيمرِّ من عمري ..!!
و أجمل عمري عدَّى و فات ..

عبَّر عن حبَّك و صارحني ..
ليفوت العمر
و تتألِّم
ف سكوتك هتحسِّ بغربة ..
و هتبكي كتير
و هتتعلِّم
إنك و لا بدِّ فْ يوم تعلن ..
عن عشقَك ضعفَك
و تسلِّم
راح تفهم إيه معنى الفرحة ..
و دا يوم يا حبيبي
مـَ تتكلِّم

:

كانت المعاني و من كتاب المدرسة ..
إنِّ الوطن ..
دا مكان كبير و فْ وسط حضنُه بْنلتقي ..
كلِّ الدَّفَا ..
و انِّ الصحاب ..
يعني الأيادي الطيبة ..
و فْ كفَّها..
تلقى الأمل و الحبِّ و الخير و الوَفَا ..
مرت سنين المدرسة ..
و مـَ شفت من كلِّ الصحاب إلاّ الجَفَا ..
أمَّا الوطن ..
و مـَ بين متاهات الزمن ..
راح و اختَفَى ..

::