الجرح يزيد ولا يحتمل المزيد .......

الجرح يزيد ولا يحتمل المزيد #1


الحمد لله كما ينبغى لجلال وجهك و عظيم سلطانك
مش بعيد على حد فينا انه يسمع الجمله دى ....:
هى اصلها مش ناقصه
الواحد فيه اللى مكفيه
الجرح يزيد ولا يحتمل المزيد



بصراحه وبكل صدق احنا بنعمل كده
بنزود الجرح جرحين و بنزيد الوجع وجعين و ساعات ندوس على جراح الناس و احنا مش واخدين بالنا وبدل ما نهون عليهم بنزيد وجعهم اكتر




* تلاقى واحده فقدت والدها واقعد انا احكى على والدى واللى بيعملوا و اشترالى و جابلى و ضحكنى وفسحنى وو
"ياترى قلبها عامل ازاى المسكينه و هى بتسمع الكلام ده "




* تلاقى امرأه حرمت من الانجاب و تلاقى صاحباتها المنجبات اولادى عملوا وسوا ومقدرش اعيش من غيرهم دول جابولى هديه وامبارح نزلت اشتريتلهم لبس جديد وانا ووالدهم خدناهم وفسحناهم و كان ابنى هيتوه و الحمد لله لاقيته دا انا كنت هموت فيها وغيره



* مريضه و لا تستطيع وتأتى اخرى تحكى عن صولاتها و جولاتها فى الجرى و الذهاب و الاياب و السفر و المشاوير



* فقير لا يملك الا قوت يومه و يسمع صاحبه يحكى عن اللاب توب و الموبايل الـ 6 كاميرات و امبارح جبنا ديليفرى و بلبس ماركات وهسافر شارم فى الصيف


* اختنا لسه لم تتزوج و فلانه صاحبتها اللى تزوجت زوجى عمل و سوا و بحبه و بيحبنى و خدنى فسحنى و امبارح فاجئنى و جابلى فستان هديه و بعتلى ورد وجابلى تورته فى عيد ميلادى و بغير عليه مووت و بيغير عليا موت و عقبالك بقى يالا عايزين نفرح بيكى وغيره
قال النبى صلى الله عليه وسلم :"لا تكن عوناً للشيطان على أخيك "رواه البخاري



يكفيه همه و ألمه..وتأتى انت معين للشيطان عليه



بالله عليك ... اعكس الأدوار ... حط نفسك مكانه ... يكفيه ما يحارب فى الصبر على بلاؤه لا تزيد جبهات الحرب عليه فتكون انت و الدنيا و الشيطان و النفس و الهوى
اسمع المثل الانجليزي الشهير ( من لا يملك إلا مطرقة يرى الناس جميعاً مسامير )
انزع المطرقه من يدك و ارحم تُرحم حس بالناس واشعر بألمهم وضع دائما نفسك مكانهم



اه لازم الانسان يرضى بقضاء الله و يتيقن تمام اليقين ان الضر و النفع بيد الله وان الله يشاء ولا يتم فى ملكه الا ماشاء وقتما يشاء



وانت كمان لازم تعرف ان لما الله جل جلاله فى سورة الضحى قال : " وَأَمَّا بِنِعْمَةِ رَبِّكَ فَحَدِّثْ (11)
ان اتحدث بها فى الخير فيما ينفع الناس ولا يؤذيهم ويؤذى مشاعرهم
ولا تنسى ان الناس على حالتين
عبيد احسان
عبيد امتحان
لو كنت انت دلووقتى تتقلب فى نعمه (فى ظاهرها نعمه) فاعلم انك مطالب بإقامة شكرها فانت عبد احسان
وقال العلماء ( كل نعمه لا تقرب من الله فهى بليه )



ولو كنت انت الان عبد امتحان (ابتلاءات و احزان ) فاعلم انك مطالب بالصبر فانت عبد امتحان ( ومن رضى فله الرضا ومن سخط عليه السخط )




فلا تنسى انك احد الفريقين وكل فريق عليه احترام الفريق الثانى واحترام تصنيف الله له فلسنا مخيرين فيها
انت عبد احسان لا تتــــجبر بنعمتك ..وتفرح فرحاً شديد تؤذى به قلب الممتحن الذى يتحسر على حاله عندما يراك (فاتقى الله فيه )



وَلَا تَمْشِ فِي الْأَرْضِ مَرَحًا ۖ إِنَّ اللَّهَ لَا يُحِبُّ كُلَّ مُخْتَالٍ فَخُورٍ (18)لقمان



انت عبد امتحان لا تحقد ولا تحسد ولا تقتل نفسك حسرة على ما فاتك ووقع فى يد غيرك(إتقى الله فيما فى يد غيرك )



وَلَا تَمُدَّنَّ عَيْنَيْكَ إِلَىٰ مَا مَتَّعْنَا بِهِ أَزْوَاجًا مِنْهُمْ زَهْرَةَ الْحَيَاةِ الدُّنْيَا لِنَفْتِنَهُمْ فِيهِ ۚ وَرِزْقُ رَبِّكَ خَيْرٌ وَأَبْقَىٰ (131)طه



وكلا الفريقين عليه ان يعلم شئ و يجعله من عقائد العقيده المعقوده فى قلوبنا
ان الله هو المالك لكل النعم
هو المُقسم للأرزاق كلها
وهو الحكيم فى التوزيع



فمالك النعمه ليس فى الحقيقه المالك الحقيقى
انما هى تداول وتقلب من حال لحال ليعلم الله المجاهد التقى
وَتِلْكَ الْأَيَّامُ نُدَاوِلُهَا بَيْنَ النَّاسِ وَلِيَعْلَمَ اللَّهُ الَّذِينَ آمَنُوا وَيَتَّخِذَ مِنْكُمْ شُهَدَاءَ ۗ وَاللَّهُ لَا يُحِبُّ الظَّالِمِينَ (140)ال عمران
واعلم ان هناك شئ اغفلته و نسيته فى زحمة حياتك
انظر حولك و تأمل.هل من شئ ثابت ؟
الشئ الثابت الوحيد منذ بداية الخلق وقيام الحياه هو
التغيير



فكل شئ الى تغيير والى نهايه ولا يبقى الا الله الواحد القهار يوم يعود الملك لمالك الملك وينادى الله فى الارض
لِمَنِ الْمُلْكُ الْيَوْمَ ۖ لِلَّهِ الْوَاحِدِ الْقَهَّارِ أيه (16) من سورة غافر
ختاماً .. لِكَيْلا تَأْسَوْا عَلَىٰ مَا فَاتَكُمْ وَلَا تَفْرَحُوا بِمَا آتَاكُمْ
أيه (23) الحديد
اللهم اجعلنا بالناس رحماء رفقاء

الحمد لله كما ينبغى لجلال وجهك و عظيم سلطانك

شكرا على التوبيك وجزاك الله عنا خيرا ان شاء الله
تسلم الايادى

شكرا على موضوعك
وجميل جدا ايات القران اللى مدعمه الموضوع بجديه

شكرا على مروركم اوى