قول رأيك

من طرف **Omar Fathy** الإثنين مارس 23, 2009 10:10 pm

ياريت ياجماعة كل واحد يقول رأيه فى المنتدى ولو عنده أى اقتراحات لتطويره.

من طرف ???? الإثنين مارس 23, 2009 11:56 pm

انا رايى ان المنتدى فوق الممتاز بس لازم نشد حيلنا شوية

من طرف thequeen الأحد أبريل 12, 2009 8:31 pm

Omar Fat'hy كتب:ياريت ياجماعة كل واحد يقول رأيه فى المنتدى ولو عنده أى اقتراحات لتطويره.

السلام عليكم
طبعا انا لسة جديد لكن كنت مراقبة المنتدى من فترة يعنى باخد فكرة عنه
والحمد لله المنتدى بيضم نخبة كويسة جدا من الاعضاء
ويارب يديم الاخوة والمحبة مابينا

انا كان عندى اقتراح
وياريت يعجب الادمن
يعنى مثلا فى قسم التعارف ممن نغير اسمه ونخليه التعارف والمناسبات
يعنى اى مناسبة لاى عضو ممكن نعمل ليها توبيك فى القسم ده
زى خطوبة او عيد ميلاد وغيرها 0000000

ونعمل قسم تانى للمسابقات والالعاب ما بين الاعضاء
دا هيكون غير قسم الالعاب الرئسى

وأقسام تانية خاصة بالمرأة والرجل
وان شاء الله لو الافكار دى نالت الاعجاب
عندى اقتراحات تانية
ودا كله علشان المنتدى

من طرف **Omar Fathy** الأحد أبريل 12, 2009 8:59 pm

أهلا بيكى معانا ... وشكرا على اقتراحاتك .. أما عن الاقتراح الاول ( قسم التعارف والمناسبات) ده اقتراح جميل وجارى التنفيذ.

أما عن قسم المسابقات فيعنى الفكرة مش وضحالى كويس

أما عن الأقسام الخاصة بالرجل والمرأة دى .. فاحنا اهتمامنا الأكبر فى المنتدى بقسم الاعلام بصفة خاصة وكلية الآداب والجامعة بصفة عامة ..... بس بردو ممكن الأقسام دى تتعمل بس لما نشوف عدد الأعضاء هيوصل لفين.

أخيرا ... بجد شكرا على مشاركتك دى ورأيك واقتراحاتك.... وكمان المنتدى بتاعنا كلنا ... يعنى لازم نشترك فى تطويره كلنا.... ويسعدنى أى مقترحات تانية

من طرف thequeen الأحد أبريل 12, 2009 9:11 pm

متشكرة جدا لاهتمام حضرتك
اما بالنسبة لقسم الالعاب ده هيتعمل لغرض ان الاعضاء هيعرفوا بعض اكتر من خلال التوبيكات اللى هتنزل فى القسم ده ومن ناحية تانية علشان المنتدى يكون فيه شوية نشاط

واقسام المرأة والرجل دى اكيد ممكن تزيد من عدد الاعضاء لان بعض اللى بيسجلوا هنا مش فى اعلام
يعنى هيلاقوا حاجات تانية ممكن تفيدهم فى باقى الاقسام
وده مجرد رأى
وحضرتك أكيد هتعمل الاصلح للمنتدى

وفى عندى تعقيب صغير جدا هو ممكن يكون حلو او وحش بس لازم اقوله
ان بعض الاخوة هنا بينزلوا اكتر من موضوع فى نفس القسم وفى اليوم الواحد
وده بيلغى مواضيع تاينة وبيخليها تتراجع وتكون فى صفحات قديمة
والاعضاء مش بيشوفها
وده غلط
وبس كدة ويارب مكنش تقلت على حضرتك

وربنا يوفق الجميع

من طرف **Omar Fathy** الأحد أبريل 12, 2009 9:16 pm

بصراحة شكرا على الملاحظة الجميلة دى ...ان العضو بيضيف اكتر من مشاركة فى قسم فى فترة بسيطة. ..... . بس يعنى هيا الفكرة ان فى ناس فى المنتدى شغالين كويس بيضيفوا مواضيع كتيرة.وكمان اصل حل المشكلة دى صعب شوية ، وشكرا تانى مره... وان شاء الله تكونى عضوه مميزه معانا فى المنتدى.

من طرف thequeen الأحد أبريل 12, 2009 9:25 pm

أنا اللى متشكرة جدا لاهتمام حضرتك بكل ما يخص المنتدى

وإن شاء الله يكون من أفضل المنتديات

بفضل الاخوة والصحبة الجميلة اللى موجودة فى المنتدى

من طرف الملاك البرىء الأحد أبريل 12, 2009 9:30 pm

انت طبعا عارف رايى فى المنتدى يا عمر انه جميييييييييييييييل جدا جدا
بس عندى ملاحظة صغيرة ياريت تصغر الايقونات شوية او تعمل اى حاجة تخلى البحث سريع
علشان لما بنكون عايزين قسم معين بنستغرق فترة كبيرة لما بنوصلة
وشكراااااااااااا ليك وللمنتدى الجميل lol!

من طرف **Omar Fathy** الأحد أبريل 12, 2009 9:36 pm

ربنا يخليكى يارب ... وكمان المنتدى جميل بس علشان انتوا فيه ، والحمد لله اختياراتى لفريق الادارة كلها لحد الآن سليمة ... وكمان ده شغل جميل مقارنة بعمر المنتدى.

== أما عن ملاحظتك : فأنا بحاول أعمل كده فعلا، وعلى فكرة دى أسهل وسيلة.. لما بتحبى تختارى قسم ما بتغيريش الصفحة يعنى مفيش لجنة متفرع منها لجنة منبثق عنها لجنة ولا الكلام ده خالص ...هههههههههههههه.

================= وبجد من فضل ربنا ان كل اللى فى المنتدى ناس كويسين زى حضرتك ===================