هم يبكي ... وهم يفرح

في خضم الفرحة العارمة التي سادت ارجاء مصر
يوم ان فاز منتخب مصر علي منتخب الجزائر
ووسط هذا الضجيج الذي يدل علي سعادة غامرة من شعب
بات يتحسس شيئا من الفرح ولو بشئ لن يعود عليه بنفع
نعم هي فرحة لكن الكثير منا لا يدري ماذا يحدث خلال هذه الفرحة
اود ان اروي لكم حادثا قد وقع في مدينتي فاقوس وان قلبي لينفطر
وانا اروي هذا المشهد لكن لابد وان تعرفو ماذا حدث
خرج المئات بعد المباراه الي شارع الدروس ملتقي الشباب في فاقوس
يتبادلون التهاني وتعالت الاصوات والموسيقي حتي منتصف الليل
كان من ضمنهم اصحاب لي
وفجأة يسمع واحد من اصحابي صوت فتاة تصرخ فيجري نحو الصوت
فأذا به يري فتاة وسط بعض الكلاب ولا يطلق عليهم سوي هذا اللفظ
بعض الشباب استغلو مرورها من بينهم ليتخذوها تسلية وحاولي تمزيق
ثيابها وحدث ذلك بالفعل
والكل يري وينظر ولا حراك
والله ليسو رجالا
لكن صاحبي الذي والله لا يعلم اني اكتب عنه ذلك ما تحمل الموقف
فقفز وسطهم ونزع _ التيشيرت _ الذي كان يرتديه ليغطي به تلك الفتاة
باكيا عما يحدث لها تلك الفتاة التي لم تكن تتخيل ان يحدث معها ذلك في بلدها
والله اني لاتخيلها بدموعها وزهولها يااااا الله

ولا ينتهي الامر بذلك بل تنهال عليه الكلاب بالضرب وهو يحميها الي ان ادخلها احد المنازل لتحتمي به والله انه ليس بحلم بل حادث وقع بالفعل


هتكلم عاميه معلش لاني لازم اقول كده
بقي ده يحصل في بلدنا فين الدين وفين وفين وفين والله مش عارف اقول ايه
يلعن ابو الفرحة اللي بالشكل ده واللي هتخلينا نعمل كده
وكمان انا بعيب ع البنت ... ايه اللي يطلعا في وقت زي ده وفي وسط شارع كله شباب ااه ممكن تكون حست بامان في بلدها بس والله خلاص مبقاش في امان
انا نفسي لحد دلوقتي مش مصدق اللي حصل

بس كمان اتبسط لما لقيت ان فيه ناس لسه عندها الرجولة والنخوة دي
انا نفسي مش عارف لو كنت مكانه كان هيبقي ايه رد فعلي
بس والله بدعيله ربنا يجزيه خير

بص يا هشام أنا سمعت الموضوع ده وتأذيت جدااا بس فى نقطتين

أولا العيب ع أهلها اللى سابوها تخرج لوحدها فى جو زى ده
ثانيا الشباباللى عملوا كده دول لا عندهم نخوه ولا رجوله دول أحقر ما يكون وفعلا دول زى ما إنت قلت كلاب وأقل من الحيوانات كمان
وموقف الولاد اللى واقف يتفرج واللى واللى ....

حسبي الله ونعم الوكيل ضيعوا سمعة البنت وشرفها منهم لله الوحوش دول

بس الحمدلله لسه فى رجاله فى بلدنا ربنا يحميهم وربنا هيجازيهم خير يإذن الله اللى عملوه ده يستاهلوا عليه كتير أوووى ربنا يكتر من أمثالهم

اللهم آمـــــــــــيـــــــــــــــــــن