عشرين جمله بيقولها الولد للبنت

حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض



يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)




حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )



انا حاسس ان فى شبه كبير بين افكارى و افكارك احنا اكيد
مخلوقين لبعض
(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه

حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )



يااه يا حبيبتى انتى تؤمرى وانا انفذ اللى انتى عايزاه اجبهولك
(فى المشمش)


حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)



هكلم باباكى اول ماكًون نفسى
(موووووووووووت يا حمااااااااااار)


عايز اشوفك كل يوم كل ساعه كل ثانيه
(عشان اصحابه يتأكدو انها حلوه)


حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (نفسسسسسسس الاسطوانه المشروخه)



انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)


معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )


ياحبيبتى انتى بتتكلمى فى أيه انا كل عطورى من فرنسا
( ايوه كلونيا خمس خمسات اللى هوا بتحطها عارفينها طبعا )



ياه لما بشوف رقمك على الموبيل قلبى بيتنفض (طبعا من الخضه انها تكون فأسته)

فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)



حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)



اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)



اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)


عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)


عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)

م
ن
ق
و
ل

هههههههههههههههههه

مهو الشباب ميعملش كده الا مع البنات الـــ ..... اللي بيموتو في الكلام ده

ولو مقلش تشغله اغنية جنات .....( علي فكرة مقولتليش كلام حلو انهارده )
اتاري الكلام الحلو كمان مش عاجبكم
هههههههههههههههههههه

ههههههههههههههههههههههه
ربنا يهديهم

اى حاجه مش فى معادها(أوانها)بيكون ملهاش طعم

هههههههههههههههههههههه
لا يعجب يا هشام بس لما يكون بجد
حلو اوى يا سمسمة
تسلم ايدك يا قمر

فعلا يا اسماء عندك حق
الكلام ده يبقى ليه معنى فى وقته
وبيبقى محسوس كمان مش لازم يتقال

الكلام دة جامد مووووووووووووت عندك حق

ههههههههههههههههه
ربنا يهدى الجميع
واكيد كل الكلام ده ما بيكونش حقيقى من الطرف يبقى مش ليه لزمه

من استعجل الشئ قبل اوانه عوقب بحرمانه
دى قاعده فقهيه
ربنا يبارك فيك يا سمسمه

البنات مش بيعجبها العجب
وبعدين مش الشباب كله كدة
كدة البنات مش هاتلاقى حد تثق فيه
فى شباب كويس
وفى بنات كويسة
والطيور على اشكالها تقع
نادر اووى اما تلاقى بنت كويسة واقفة مع شاب من اللى انتى تقصدية
والعكس طبعا صحيح
ابس لازم البنات تاخذ حذرها جداااا جدااااااااااااا
والله يسترها على الرجالة فى كلية اداب ديت الرجالة فى الكلية ديت مهدور حقهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بس الراجل راجل طبعا ههههههههههههههه

احنا برضو مش بيعجبنا العجب ماشى يا كنج ههههههههههه بس فعلا انت كلامك صح الطيور على اشكالها تقع بس لكل قاعدة شواذ احنا منقدرش ننكر دا بس ارجع واقول ان الولد الكداب بيبان بس البنت هى اللى بتحاول تغمى عنيها عن الحقيقة من اجل شئ وهمى اسمو الحب ومن هنا يظهر تعريف اسمو الذكاء العاطفى لو تحبو اشرحلكوا احنا اتعودنا على شئ ان مشاعرنا  هى اللى  بتتحكم فينا واتعودنا اننا نسمع ان الحب اعمى بس دا كلام مش صحيح الحب مش اعمى احنا اللى عمى يعنى مثلا واحدة تتعرف على واحد وهى اصلا عارفة انو مش محترم مثلا بس الواحد دا حلو ومعاة فلوس بمعنى اصح مقطع السمكة وديلها تقعد تقنع نفسها انو هيتغير على ايده وانها هتقدر علية رغم انو ميقدرش علية الا ربنا بس هى انخدعت فى المظاهر وطمعت  وبعدين تحبوا ويغدر بيها وترجع تقول انا كان بايدى انى مكلموش دا بقى اسمو غباء عاطفى اما لو هى من الاول عارفة انو مش كويس كانت بعدت عنو والموضوع لسة فى البداية دا اسمو ذكاء عاطفى انك تتحكم فى عواطفك وتختار اللى يناسبك ومتجريش ورى المظاهر ودور فى الجوهر طولت عليكو سورى 

هاهاهاهاهاهاهاهاي
انتوا عارفين المشكلة ايه ؟؟؟؟
ان الكل عارف الكلام ده بس بيستعبط و يسوق الهبل ع الشيطنة
بس طبعا بياخدوا على دماغهم في الآخر
و اللي يغلط يتحمل نتيجة غلطه
و كل واحد عارف مصلحته كويس اوي و اللي بيحترم بيحترم نفسه
و كل واحد ذنبه على جنبه
أساسا معدش في ثقة تكاد تكون معدومة
تمااااااااااااام يا سمسمة
بيوتيفووووووووووووول

شكرا لردودكوا يا جماعه
ومتكبروش الموضوع لانه كل ده كلام فارغ وفيه جمله بخصوص الموضوع دة بحبها اوى
الاصل فى علاقه الولد بالبنت ان مفيش علاقه بين ولد وبنت اصلا

يانهارك ابيض كلام يفطس من الضحكهههههههههههههههههههههههههههههههههههههههههههههههههههههههههههههههههههههههههه
ربنا يهديهم ومايعميش عنيهم عن الحقيقه

والله اقلتكم احسن

الله يسامحك

قله مين بالظبط؟؟؟؟؟؟؟؟؟؟

صح الطيور على اشكالها تقع وفعلا بجد فى بنات مش بيعجبها حاجه

ههههههههههههههههههههههههههههههههههههههههههههههههههههههههه في بنات تستاهل كده يلا ربنا يهدي شببنا

قلت مين بزبط ؟ حظرتك لو قلت البنات يبىء يومك اسود ولو قلت الشباب اوكي احسن الاه يقلو كمان

اجرى يادره العبى بعيد انتى اه اللى دخلك فى الكلام ده انتى لسه قصيره اما تكبرى ياماما هقولك كل حاجه ماشى لحسن كده عيب

طيب يا ابلى حرمة هههههههههههههههههه

على فكره ده كان مجرد رأى وبعدين يا dorra ايه الكلام ده (قلت مين بزبط ؟ حظرتك لو قلت البنات يبىء يومك اسود ولو قلت الشباب اوكي احسن الاه يقلو كمان)
ينفع كده ؟
شكرا (بدون تعليق ).

ايه زعلت ولا ايه كنت بهزر اسفه ازاهر هزاري كان تقيل شويا