معلش أحنا بنتبهدل

معلش أحنا بنتبهدل
هو الأرموطى قالها وكان عندة حق فعلا احنا بنتبهدل فعلا يا جماعة معلش احنا بنتكلم مش علشان الماتش الى سورى فى الكلمة خدنا على قفانا فية واتبهدلنا و.................بلاش أكمل الواحد فية الى مكفية لكن المصرى فعلا يا جماعة بقا مش لية لزمه فى كل حتة. المصرى بيروح اى دولة سواء كانت عربية او اجنبية وبيتهان حد فيكوا يقدر يقولى السبب مش عارف دة طيبة قلب من المصرين ولا غباء من الاخرين الحقيقة مش عارف فين أيام زمان كانت مصر دى حاجة كبيرة اووووووووى لكن دلوقتى بقت حاجة................اوووووووووى لحد امتة هيبقى مش لينا لازمة دة المصرى مش لية لازمة فى بلدة يبقى هيكون لية لازمة برة!!!!! بجد يا جماعة احنا عايشين ومش عايشين مصر فيها حاجات وحشة أوووووووى وأولها الفساد وطبعا هتقولوا يا جماعة أن الفساد دة من الحكومة ومين الحكومة ؟؟؟؟ احنا لازم نكون واقعيين الحكومة دى هى أحنا الموظفين الى كلنا عارفنهم بتوع عدى علينا بكرة وفتح الدرج من تحت لتحت هما أحنا. دة احنا حتى فى السياحة الحاجة الى بجنية بنبيعها بعشرين ودة بيدى فكرة سيئة اوى عن مصر.والمعاكسات الى فى الشارع الى طبعا كلنا بنعملها وانا واحد من الناس مش هقول أن أنا بريئ وجرايم التحرش والاغتصاب والزبالة الى فى الشارع وهنرجع نجيب العيب على العمال الغلابة ونقول هما الى مش بيلموها ودة فعلا بيحصل علشان العامل الغلبان دة بياخد كام فى الشهر علشان يشتغل مع العلم أن فى ناس فى مصر مرتابتها خرافية ولية الواحد لما ياكل حاجة مش يرميها فى الباسكيت ما الأجانب الى أحنا بنقلدهم فى كل حاجة بيعملوا كدة ولا أحنا مش بنقلدهم ألا فى الغلطوالبطالة والشباب الغالبان الى مش لاقى شغل وقاعد على القهوة يا جماعة دة حتة قاعدة القهوة عايزة مصاريف والحكومة تقول أن دة بسبب الزيادة السكانية ولازم نحدد النسل مع العلم أن فى دول أكبر مننا فى الكثافة السكانية ولكن مش عندهم بطالة وأبسط مثال الصين الى كل حاجة ممكن تتخيلها فى حياتك بقت صينى مع العلم أن فى حاجات تافهة اووووى ممكن نصنعها احنا ونقضى على البطالة دى الواحد لما بيبص لبكرة بيخاف على نفسة وعلى أولادة من بعد كدة لما دلوقتى وفى نسبة البطالة دى كلها أمال بعد خمسين ستين سنة أية الى هيحصل؟؟؟؟ يا جماعة لية مش نغير من نفسنا وكل واحد يبدأ من نفسة مش يرمى على غيرة
فعلا عجبت لك يا زمن
أسف يا جماعة لو أسلوب الكتابة بتاعى وحش بس أنا حبيت أشارك بأى حاجة ويا ريت تقولولى رأيكوا بصراحه وأنا مش هزعل
المتواضع
حازم

معلش أحنا بنتبهدل

معلش أحنا بنتبهدل

معلش أحنا بنتبهدل :: تعاليق