اجعل نفسك ملاك...

السلام عليكم ورحمة الله وبركاته

انا عاوزة اقولكوا علي فكرة جت في دماغي ونفسي لو عجبتكوا ياريت كلنا نعملها

الفكرة دي هي ببساطة ان طبعا كلنا عارفين ان كل واحد منا ليه ملك الحسنات بيكتبلوا كل صغيرة وكبيرة وملك السيئات بردوا بيكتب كل صغيرة وكبيرة

انا فكرت بقي ان كل واحد عارف هو بيعمل ايه صح وعارف ايه الغلط بس مبيكونش قدام عنيه يعني لو عمل الغلط ممكن ضميره يوجعه شوية وخلاص ينسي

من غير ما اتكلم كتير بقي اناهادخل في الموضوع

مثلا قلت اني هعمل اجندة او كشكول واقسمه
صفحة اللي في اليمين الحسنات والصفحة اللي في الشمال السيئات..

هكتب كل حاجة بعملها في يومي حلوة وكويسة في الحسنات وكل حاجة وحشة وبصراحة ومش هضحك علي نفسي لان دا اللي بيكتب عند ربنا بس لازم اشوفه قدام عيني

مثلا في اول يومين او 3ايام كدا هكتب الحاجات بس من غير ما اعمل اي حاجة تانية
يعني اعرف بس ايه للي بعمله وحش وايه اللي بعمله كويس
واهم حاجة الوحش

هلاقي ان في حاجات ممكن اقدر اتخلص منها بسهولة ومش مستاهلة اني اشيل سيئات عليها او اني يتكتبلي سيئة عليها

زي ايه؟؟؟

زي مثلا الكدب
والنميمة
اعاقة الوالدين
يعني دي امثلة بس في ما معناه انه سهل اوي اننا نتخلص منها وفي لحظة مش صعب يعني
وفي ناس الحاجات دي بتكون عندها مرض بس بردوا اسهل من ذنوب كتيير اووي

وكل حاجة تتكتب في السئيات حي لو قتلت واحد نكتبهاا

وبعدين بقي بعد 3 ايام او 4 ايام كد نحاول نتخلص من الحاجات الصغيرة دي ومن ناحية تانية اننا نزود الحسات بتاعتنا يعني نشوف ايه ممكن نعمله نملي بيه الصفحة بتاع الحنسنات
اروح ادي واحد غلبان جنيه
اقرا صفحة قران
اصلي ركتعتين
اتفكر في خلق الله
اي حاجة تزود الحسنات وتملاها
وبكدا هنلاقي نفسنا ان صفحة الحسنات عندنا بتزيد وان شاء الله السيئات عندنا قلت اوي يعني بقت واحدة او اتنين ودي اللي صعب اننا نتخلص منها بس هتيجي واحدة واحدة
يعني في ذنب احنا مش قادرين نبعد عنه او نتخلص منه نحاول نقلله او اننا منكرروش في كل يوم يعني كنت بعمل كدا كل يوم لا النهاردة مش هعمل ومفهاش حاجة لو عملت مرة بعد كدا المرة اللي بعدها لا وهكذااا


ياررب تكون فكرتي وصلت صح

ومستنية ارائكوا

ايه يا جماعة مفيش حد عجبتكوا الفكرة ولا ايه؟؟؟؟؟؟؟

لا والله يقمر فكره حلوه وانا معاكى

بالعكس دى فكره جاااااااامده

متشكرة اوووي علي الرد