تحذير هاااااااااام من الكنج 2010

من طرف الديلر السبت ديسمبر 12, 2009 3:15 pm

من الكنج 2010
اسلام عبد الناصر - الجديدة – مركز منيا القمح – شرقية "
بصوا يا جماعة بدون تقديم بدون مجاملات انا وعد كل يوم هاتكلم فى مواضيع مهمة اوى داخل الجامعة وياريت ان كنت هغلط فى حاجة ارجوكم تساعدونى على تصليحها ماشى 0 وانا هبدأ من النهاردة بموضوع د/ عبد الفتاح رئيس قسم الاعلام - الدكتور الكبير واحنا مش عارفين قيمته ، وكدا لازم نعتذر على ماحدث اليوم يوم السبت فى هذا الاسبوع لابد من احترام كل من يقدم لنا علما ننتفع به لذلك اطالب 600 طالب وطالبة بالاعتذار له بصفة خاصة جدا لاننا لانحترم من يعاملنا بشكل جيد ، وعفوا انا لا اشير لكل الدفعة ولكنى اشير لأغلبية الدفعة ، فعلى سبيل المثال د/هيثم له منا كل احترام وتقدير لانه لا يعطى احد فرصة لعدم احترام محاضرتة ، لذلك فكلنا نحترمة ونقدرة ونقوم بما يقول لنا ان نفعلة بدون مناقشات 0
والنصيحة الاخوية لكم جميعا ان نتكاتف ايدى واحدة من أجل احترام من يقدم لنا علما ينفعنا 0 وطلب اخير ان كنت وفقت فى رسالتى اليكم فمن عند الله وان قصرت فمن نفسى ومن الشيطان وانتظر ردودكم لاعرف مدى صحة ما اقول واتعلم من اخطائى 0

من طرف شهرزاد السبت ديسمبر 12, 2009 5:06 pm

شكرا جدا على كلامك وجزاك الله خيرا وفعلا كلامك مظبوط لان للاسف السيئة بتعم والحسنة بتخص وانا بحترم كل دكتور بيدينا لانهم فعلا يستحقوا الاحترام والتقدير

وانا بصفة شخصية بعتذر للدكتور عبد الفتاح وبقوله احنا اسفين جدا وحضرتك فعلا تعتبر موسوعة علم بجد

من طرف **Omar Fathy** السبت ديسمبر 12, 2009 6:18 pm

بصراحة اللى حصل النهاردة ده خلانى أكره قسم الإعلام ده كله واللى فيه ،، علشان بجد حرام شخصية زى دكتور عبد الفتاح يتعمل فيها كده ،، بس بردو لازم يعرفوا ان هيا دى كلية آداب وهم دول طلبة آداب ،، وأكيد هيكون منهم شوية زبالة ،، هيضيعوا المحترمين معاهم ،، بس بجد أنا كان أكتر حاجة مزعلانى ان دكتور بحجم دكتور عبد الفتاح يخلوه يفقد أعصابه بالشكل ده ،، متجاهلين مرضه
،، يانهار ابيض ،، لم يقدروا له أنه فى عز مرضه ، أبى إلا أن يقف فى مكانه المعتاد ليمدنا بعلمه.
= أنا باسمى وباسم كل من يشاركنى الرأى أعتذر لسيادته لعل صوتى يصل .

من طرف elhour السبت ديسمبر 12, 2009 6:25 pm

وانا بانضم بشده للراى ده ومن ساعه اللى حصل وانا بفكر باى طريقه نعتذر بيها للدكتور القدير وبجد وانا كنت متضايقه جدا وخصوصا ان الدكتور عبد الفتاح مش من السهل يتنرفذ بالشكل ده بجد انا خفت عليه جدا وقله الادب كانت ظهره اوى وعلى فكره هوه بيشرح كويس وانا بفهم منه لما بركز معاه وربنا يشفيه

من طرف السيد اسماعيل السبت ديسمبر 12, 2009 6:43 pm

ليس الاعتذار فقط وانما لابد من ان نغير اسلوبنا مع هذا العلامه وهذا اقل ما يقال عنه

من طرف عاشقه العيون السبت ديسمبر 12, 2009 7:58 pm

فعلا كلنا لازم نعتذر
والله انا ببقى هعيط من قسوة الموقف
وبجد هوه استاذ جديره بالشكر فعلا كفايا انوا ضيع عمروا فى العلم علشان يوصل لمكانتوا دى
واحنا اسفيين بجد

من طرف 00 السبت ديسمبر 12, 2009 8:35 pm

أولا اشكر كل من قدم مبادرة للإعتذار للدكتور عبد الفتاح عبد النبى عما بدر منا اليوم من سلوك سئ في التعامل مع رجل في مقام الانبياء عند الله عز وجل.... "(وإن العلماء ورثة الأنبياء)

وكنا نتمنى من الذين يخرجون من بيوتهم في طلب العلم ان يتذكروا أحاديث رسول الله الكثيرة التى تعظم أجر طالب العلم وقدره عند الله...

قال الحبيب المصطفى:" مَنْ سَلَكَ طَرِيقاً يَلْتَمِسُ فِيهِ عِلْماً، سَهَّلَ اللّهُ لَهُ بِهِ طَرِيقاً إِلَى الْجَنَّةِ ».
فلنتحلى بصفات أهل الجنة حتى ينطبق ذلك الحديث علينا.

*وكيف ونحن في مجلس علم لا نحترم رسلا من الله جاءت لتحفنا وتستغفر لنا عند الله عز وجل وتذكرنا عنده لاننا "في مجلس علم" اما اذا كنا في "مجلس رغى وثرثرة" فأعتقد أن ملائكة الله لن تستغفر لن وإنما ستفعل ما هو عكس ذلك تمام...
قال رسول الله صلى الله عليه وسلم:" ما جلس قومٌ مجلسا يذكرون الله إلا حفت بهم الملائكة وغشيتهم الرحمة وذكرهم الله فيمن عنده".
اما اليوم فقد كانت الشياطين تحفنا من كل جهة , وتذكرنا عند أبليس وتتفاخر امامه بما فعلته معنا اليوم.................

وشكرا لكم واسف على الاطالة

وأرجو من كل من ينوى الاعتذار للدكتور حتى بينه وبين نفسه أن يكون في نيته انه لم يعتذر لخوفه من عدم النجاح في المادة وإنما إرضاءا لله ورسوله .................

من طرف العشق الحزين السبت ديسمبر 12, 2009 10:32 pm

هو ايه اللي حصل يا جماعة ممكن حد يوضحلي بس ايه اللي حصل للدكتور عبد الفتاح

واضح ان كلكوا في تانية اعلام

من طرف mony الأحد ديسمبر 13, 2009 1:46 am

عندك حق واللة يااسلام وياريت كلة يفهم اللى انت قولتة احنا عايزين تعدى السنة دية على خييييييييير

من طرف classic rollette الأحد ديسمبر 13, 2009 6:55 am

عندك حق فى كل كلمة انت قلتها وطبعا مشكور انك بادرت بفتح الموضوع لان فعلا اغلبية الدفعة سيئة جداااا,احنا لازم نعتذر لدكتور كبير زى الدكتور عبد الفتاح بوسيلة مرضية ليه لعله يقتنع ان فيه ناس كويسه مالهاش ذنب فى ده كله

عشان كده انا ببادر بأول خطوة فى الالف ميل باقتراح انى اكتب ورقة مطبوعة فيها كلمات من الاعتذار اللائق بالدكتور عبد الفتاح وكل طالب فى الدفعة يمضى اسمة وراء هذا الاعتذار ونقدمه ليه فى مكتبه شخصيا يدا بيد لعله يرضى عننا انا مش بقول الكلام ده عشان خايفه اشيل الماده والله بس عشان الدكتور عبد الفتاح كان ممكن يكون والدى او والد اى طال فى الدفعه ده وأى طالب فى اى مكان طبعا ما يقبلش ان والده يحصل معاه حتى ولو ربع اللى حصل اليوم

فاذا كنتوا موافقين ياشباب الدفعه على اقتراحى ارجوا الرد عليه وانا ان شاء الله لو موافقين هاجى يوم الاتنين ومعايا الورق ده وكل طالب يكتب اسمه مع الاعتذار
بمعنى انى هجيب ورقة مطبوعة فيها الاعتذار للدكتور عبد الفتاح ومدبس فيها ورق فاضى كتيير وكل طالب يكتب اسمه فى الورق ده ونقدم الورق المدبس ده (الاعتذار بالاسامى ) للدكتور فى مكتبه
انا مستنيه ردودكم وياريت يكون اقتراح مصاحب بالقبول.. وشكرا

من طرف مييس الإثنين ديسمبر 14, 2009 7:08 am

انتوا عندكم حق الموقف كان شديد قوى والله يا جماعة الدكتور عبد الفتاح دة عالم بمعنى الكلمة دة مش تملق لان كلنا بنكتب تحت نيك نيمس ومهما حصل وحتى لو شيلت مادة الدكتور عبد الفتاح او اى مادة مش هغير راييى فية ولا فى اى دكتور عندنا انا حاسة ان احنا محظوظين جدا بكم الدكاترة المحترمين اللى بيدوونا ماشاء الله عليهم كلهم بالاجماع دكاترة عندهم ضمير ودة والله راى الدفعة كلها اللا الناس الزبالة اللى ما يعرفوش اصلا احنا مين الدكاترة اللى بيدونا انا والله من كتر ما انا حاسة ان هما بيقدمولنا علم وبيقدما شئ عظيم بحس بالذنب قوى لو فى يوم ما حضرتش محاضرة لاى دكتور فيهم انا والله ما التزمت بالمواعيد وحضور المحاضرات اللا من ساعة ما دخلت الكلية واتعاملت مع ناس محترمة زيهم مع انى وانا فى ثانوية عامة كنت بغيب من المدرسة والدروس باستمرار بسبب انى مش عايزة اصحى بدرى وما عنديش احساس بالمسؤلية تجاة اى حاجة انا فعلا بقول لكل الدكاترة جزاكم الله خير وانا بعتذر لكم عن اى اساءة وصلتلكم من تانية اعلام

تحذير هاااااااااام من الكنج 2010

تحذير هاااااااااام من الكنج 2010

رد: تحذير هاااااااااام من الكنج 2010

رد: تحذير هاااااااااام من الكنج 2010

رد: تحذير هاااااااااام من الكنج 2010

رد: تحذير هاااااااااام من الكنج 2010

رد: تحذير هاااااااااام من الكنج 2010

رد: تحذير هاااااااااام من الكنج 2010

رد: تحذير هاااااااااام من الكنج 2010

رد: تحذير هاااااااااام من الكنج 2010

رد: تحذير هاااااااااام من الكنج 2010

رد: تحذير هاااااااااام من الكنج 2010