موضوع مهم ونفسي كلنا نتناقش فيه

ياااااااااااااااااااااااااااااااااااااااااااااا...
أحسنلك تبطلى تفكرى فى البلد وحالها ،، الواحد لما بيفكر فى حال البلد بيحس انه عايش فى بلد غير البلد ،، مش محتاج اقول ليه .

= مشكلتنا اننا زى ما نكون أخدنا على كده خلاص ؛ المرتشى لسه بياخد رشوة ،، " ياعم ان ماخدتش غيرى هياخد وكمان دى عمولة " وعاجباه نفسه قوى ومش حاسس انه بيعمل حاجة غلط .

= واللى بيتهرب من الضرايب " ياعم هنديهالهم علشان يسرقوها "
وبردو عاجبه حاله .

= المدرس فى المدرسة " هيا دى مرتبات يا أخى ، ما يظبطولنا المرتبات وبعدين يبقوا يسألونا عن الشرح " وعادى جدا

= نيجى لرجال الأعمال " اللى خاربينها " وناهبينها وماسكين فى ايديهم كل حاجة من أسعار وخلافه وكل يوم الحالة بتزداد سوء والأسعار فى ارتفاع دائم ،، وخلاص قربنا نبقى رسمى مجتمع الخمسة فى المية .

= قال كانوا بيقولوا كتر الخلفة غلط ، مش هتقدروا تعلموهم كويس ولا تصرفوا عليهم ، دلوقتى " اوعى تخلفوا خالص " حرام العيال يشوفوا الأيام السوده دى ،،

=======================================
مشكلتنا يا جماعة ان فى حاجات كتير غلط اتعودنا عليها خلاص " الزبالة ما تحلاش الا تحت الشجرة أو جنب صندوق الزبالة ، اللى تكسب به العب به ، مش مشكلة بقى دم ملوث ، ألبان مغشوشة ، خضار مسرطن ، حتى كمامات انفلونزا الخنازير مسرطنة ، لحوم منتهية الصلاحية ، قمح مسوس المفروض انه جاى للبهايم مش للبنى آدمين ، قطارات غير صالحة للاستخدام ،، القطر يسد الطريق ويعطلنا كل يوم ،،ونييجى للطابور .
============== الطوابير =====================
الطوابير دى حكاية لوحدها ،، لو ما بتقفش فى طوابير يبقى انت اكيد اكيد مش فى مصر ، من يوم ما بتتولد وانت فى طابور ،، طابور السجل المدنى وانت على كتف بابا أو ماما علشان تتحسب على البلد دى نفر " أصلها ناقصة " ، وباب يقولك خلى بالك من المكان ده ياما هتقف فيه ويحجزلك من دلوقتى مكان علشان لما تيجى تطلع بطاقة هههههههههه ،، والغبية اللى تاخد منك الاستمارة تكتبلك حاجة غلط فى البيانات ما تكتشفهاش الا لما تيجى تطلع شهادة الميلاد الكمبيوتر ، يا نهار ابيض شوية تركيز بس من حضرتها هتوفر على ناس كتير دوخة كبيرة علشان تعديل بياناتهم ، لكن ازاى يعنى تركز ، ماهو على قد مرتبات الحكومة ، ايه 400 جنية فى اربع خمس ساعات بحالهم ،، ما علينا نرجع للطوابير، ونشوف بقى طابور العيش " كلفونى انى اجيب عيش فى فترة كده ، ههههههههه رحت اسبوع ههههه كنت بصحى الساعة سته ونص الصبح ههههه هوه اسبوع وبعدها حلفت ما انا رايح اجيب عيش تانى طول حياتى ، واهم خلاص حلولنا الازمة وعملوا كروت ههههههههه ومع ذلك فى طوابير ، بس مش عارف ليه ياريت حد يعرفنى ،، أما بقى طابور التقديم للكلية الزفت بتاعتنا دى ،،، يا نهار ابيض ،، تفضل واقف فى الشمس وفى الاخر حضرته يقولك خلاص الساعة اتناشر تعالوا يوم الحد ،، يافرحتى ،، ولا لما رحنا علشان ندفع المصاريف ،، شفت يوم اسود ،، الشمس لسعتنى لسعة ،، روحت وانا كاره الكلية دى من قبل ما ادخلها ،، وطابور المدرج ده كمان أكتر حاجة كرهتنى فى الكلية الزفت اللى احنا فيها دى ،، البنات كانوا بيدخلوا ونفضل احنا مش عارفين ندخل ،، لحد ما هما يدخلوا ، نيجى احنا ندخل ، نلاقى المدرج ما شاء الله ، كومبليت ، بعد كده خلاص اتعودنا على كده ،، عملنا كام محاولة كده اننا ندخل نقعد فى الاول ونجحنا ،، لحد ما قدرنا نتأقلم مع الكلية دى .
========================================
عارف انى دخلت تسعميت موضوع فى بعض فى ردى على الموضوع ده ، بس اعمل ايه ،، أنا كتبت اللى بييجى فى بالى بدون محاولة للترتيب .

مشكلة مشكلة اخلاق وضمير ليس الا

في مقولة بتقول
ان الله ينصر دوله العدل وان كانت كافر
ويهدم دولة الظلم وان كانت مؤمنه


واحنا اللي فيه ده هدم علشان ايمانا نقص

بص ياعمر اولاانااشكرك جدا ع مشاركتك
ف ايه بتقول(ان الله لا يغير مابقوم حتي يغيروا ما بانفسهم)
يعني المشكله بقت مشكله شعب بحاله مش مشكله حكومه وبس
والي احنا بنشوفه دلوقتي ده نتيجه لافعلنا وبعدنا عن ربنا
فعلشان كده المفروض كل واحد يبدا من نفسه ويغير من نفسه بجد علشان البلد يتصلح حلها
وكل السلبيات الي نات قولت عليهالو كل واحد بدا من نفسه وغيرها صدقني البلد دي هتتغير للاحسن

وانت ياهشام اشرت الي نقطه مهمه جدا
الي هيه (الاخلاق)
يجماعه بجد احنا مفتقدين الاخلاق اوي
لدرجه اني بقيت بحس انها اتعدمت من الي بشوفه بيحصل كل يوم ف الشوارع والجامعه والبيوت ف كل مكان

انا بحب بلدى علشان كدا مش شايفه فيها حاجه غلط
مصر جميله والمصريين كلهم اخلاق لكن نقصهم الحب
نقصهم يحبوا بلدهم اكتر علشان يقدروا يفيدوها

واكيد يايمي كلنا بنحب بلدنا علشان كده عوزنها تكون احسن بلد ف الدنيا كلها

وصدقيني احان ناقصنا حاجات كتير اوي حب واخلاق ودين وضمير
حاجات كتييييره جدا


شكرا ع مرورك

الحل الوحيد ان كل واحد يصلح من نفسه فعندما يصلح كل واحد نفسه سنجد ان الدنيا اتصلحت من حولنا شكراااااااااع الموضوع

بجد انا نفسى الترابط اللى حصل ايام ماتش مصر والجزائر يكون بجد كلمه مصر وحب مصر كانت بتتطلع من القلب ليه مش يبقى ده فى كل المجالات على فكره انا كنت بشوف ناس كتير تقول يارب نخسر هى هاتيجى على الكوره مااحنا متاخرين فى كل حاجه س ده غلط كلمه (هى هتيجى علينا هتيجى على دى على ده )اترددت كتير اوى مصر اه ام الدنيا بس بجد اكيد كل مصرى نفسه تبقى احسن بلد فى الدنيا ونبقى ايد واحده فى كل حاجه وننهض بالتعليم ونستقر على راى مش كل شويه هنقفل لا هنفتح هنلغى لا هنزل جديد ليه مش ناخد بالافضل والمهم ان كل واحد ياخد قرار مش عاوز حد يراجعه مش التعليم وبس كل حاجه المفروض كل يوم نطور حاجه جديده فى كلمه اسمها(_التغيييييييييير) لازم مش نفضل فى روتين كل يوم زى اللى قبله ليه مش كل يوم يبقى احسن من اللى قبله ليه مش كل يوم نطور حاجه ليه مش نحط ايدنا فى ايد بعض نتكاتف يد واحده نحقق المستحيل كل واحد بيقول والله نفسى البلد دى تكون احس بس ده مش هيحصل وكل واحد لوحده ويقول يالالالالالالالالا نفسى
كفايه كده اصلى لو فضلت اتكلم مش هسكت و هوجع دماغكم وانا والله بدايق لما بتكلم وما بعرفش اتقفل

انامعاك ف رايك ياملاك شكرا ع مشاركتك



بالعكس والله ياسراء كلامك مظبوط
قولي واتكلمي زي مانتي عاوزه مدام كلماك صح

اولا باشكرك ياروح ع موضوعك جميل جدا

بس فعلا زى ماعمر قال لو فكرنا كتير هنتعب نفسنا ع الفاضى
بس سورى ياعمر الحاجه الوحيده اللى مش معاك فيها حكايه المدرسين
هو فعلا عندهم حق ايه المررتب اللى بياخدوه يعمل ايه ف الزمن ده بزمتك
الفلووس بتطير والمسئوليه بتكبر مش بتصغر
بس معاك فعلا ان مفيش شرح ف المدارس وكده لان الكل بيعتمد ع الدروس الخصوصيه


وفعلا انا مع هشام وروح الاخلاق معدومع معدومع بمعنى الكلمه


بس ســـــــــــورى ياايمى انا مش معاكى ف كلامك خالص

ماكلنا بنحب بلدنا وازاى بتقولى مش شايفه حاجه غلط
احنا كل اللى بيحصل ف بلدنا غلط ف غلط
كل حاجه متأخرين فيها وبنعملها غلط
شوفى فى الماتش كانوا عاملين ازاى والحاجه الجــــــد بنبقا عاملين ازاى

طولت عليكوا

تـــــــــقــــــــــبلوا مـــــرورى

شكرا ع مرورك يكوين

شكرا ع الموضوع انا عايزة اقول ان الغالبية عندهم يأس مش طبيعى بس كمان حب مصر لايدعونا ان نراها خالية من العيوب لان اذا شوفناها كده مش هنصلح حاجه الحل المثل ان كل واحد يصلح نفسه ويساعد غيره ويعرف ان الطريق مش هيبقى مفروش ورد مثلا
انا مش بارمى ورق نهائى ف الجامعة ولا ف اى شارع مهما كان مش نظيف والقاعدة عندى ان الله جميل يحب الجمال وكمان انا هاتحاسب يوم القيامة عن كل حركة ف حياتى
عايزة اقول كمان انى مرة لما قلت لبنت ف القسم معانا بلاش ترمى الورقة لاننا بنيجى والجامعة بجد نظيفة جدا ردت عليا انتى بقى هتشتغلى مصلحه اجتماعية بصراحة اتغظت منها بس حبيت ارد وقولت ليها وليه لا ماهو لو كل واحد عمل كده بلدنا هتبقى نضيفة جدا
وللحديث بقية

يجماعه اتفرجوا ع برنامج واحد من الناس يوم الخميس الساعه العاشره مساءا.............
وانتو تعرفوا المأساه بجد اللى بنتكلم عنها وعدم اهتمام الساده المسئولين عن كل احتياجتنا لا ده انتو لو اتفرجتوا ع البرنامج كمان هتقولوا الحمد الله ع اللى احنا فيه ..............

ردك عجبني جدا يمحبه
نورتي

بجداناكل مبتفرج ع البرنامج ده بيجيلي اكتائاب وبقعدادعي ع كل واحدمسؤل ع حال الناس دي

والله اعصابي بتتعب لمابشوفه علشان كده بطلت اشوفه