كل سنه وانتم طيبين.....

من طرف حكايه روح الأربعاء ديسمبر 16, 2009 9:45 pm

مش عارفه أبدأ ازاى

عاوزه أقول كل سنه وانتوا طيبين
بس طبعا بمناسبه السنه الهجريه قبل الميلاديه
بس مش قصدى طبعا اننا منهنيش بعض بكل يوم وسنه وساعه جديده تعدى علينا

ولكن فى بعض العادات اللى دخلت على مجتمعنا واحنا بنرددها تماشيا مع الغرب ليس اكثر عشان نبقى مودرن وشعب متحضر

وهيا اننا بنفتكر السنه الميلاديه كويس اوى وبنستناها من السنه للسنه لو نطول نخليها كل نص سنه هنعملها
ودخل علينا بعض المصطلحات الغريبه برده زى هابى كريسماس ،مارى كريسماس ، هابى نيو يير.......
.وغيرها من العبارات الغربيه

ده بقه غير رسايل التهنئه بالسنه الميلاديه بعد الساعه 12 لاوالنور اللى بينطفى الساعه 12وكله اسكت هسسسسسسس واذ فجأه يقولواTHREE ،TWO ،ONE ويقولوا هييييـ ييييييييييييـ ييييه

واذ فجأه يولع تانى ويسقفواااااااوممكن توصل لتبادل الزيارات والجده تعطى هديه وبالونه للاحفاد ومامى وبابى اللى ممكن ميحصلش فى الاعياد الرسميه الجميله اللى وهبها لينا ربنا

وكله كوم بقه والاعلام كوم تانى خااااااااااااالص نلاقى احتفالات فى ماريناو الساحل الشمالى وكل المطربين بيشاركوا

وبتبقى بأغلى الاسعار وكل ده مش فاهمه ليه؟؟؟؟؟؟؟؟؟؟
ده بدل ميتبرعوا بكل الفلوس دى لاعمال الخير ومساعده اخوانا المحتاجين
بقه على الجانب الاخرنبص بقه على يوم رأس السنه الهجريه نلاقى ان معظمنا مبيعرفش بدايتها الا من خلال الافلام الدينيه اللى بتتعرض
وبتبقى من باب العلم بالشىء وبالتالى كلنا بنكبر على ان الاساس عندنا هيا السنه الميلاديه والهجريه مهمشه ليه كده مع ان ليها معانى جميله اوى لو اترسخت فينا من الصغر هتساعدنا لما نكبر على الالتزام بالتدين وتساعدنا على معرفه ديننا.

بس ليه سؤال
هل دينا السمح الجميل بيدعونا لكده ؟

سؤال تانى

بس محيرنى أووى يعنى ايه بابا نويل اللى بيزين أغلب المحلات وبيعتلى أغلب البيوت فى هذه المناسبه وبنلاقى ناس بيلبسوا الزى الاحمر بتاعه وبيقفوا فى أغلب الاماكن اللى بينتشر الاحتفالات فيها ؟
وعفوا لتطفلى بس عشان ابقى مودرن وأواكب العصر ولا ترضولى انى ابقى كده مش معاكوا فى اليوم ده وأخدبالووووووونه ؟
وكل عام ولحظه وحضراتكم بخير