يلا نذاكر سوا

من طرف الملاك البرىء الأحد ديسمبر 20, 2009 11:05 pm

خلاص مفضلش على الامتحانات حاجة ويلا نبتدى نذاكر كان المفروض انزل الموضوع ده من يوم السبت بس احنا فيها

كل واحد يقترح جدول ونلتزم بيه كلنا

اقترح نذاكر المواد من اخر الجدول لأوله ولكل مادة 3 ايام ولو كنا ابتدينا من يوم السبت بيقى هنخلصهم فى 3 اسابيع ويفضل اسبوع قبل الامتحان للمراجعة الاخيرة
وبما ان اول مادة فى المذاكرة هى الحاسب يبقى احنا لسة فيها نخلص مذاكرة اسئلة الحاسب بنهاية يوم الاثنين

ومستنية ارائكم واقتراحتكم للجداول شكرااااااااااا وبالتوفيق

من طرف asmaa الأحد ديسمبر 20, 2009 11:50 pm

انا ببدأ مذاكره من اول ما الدكاتره يحددو المنهج ويلغو اللى عايزين يلغو
والدكتوره هويدا هى اللى عملت كده ود/ خالد كمان والحاسب الالى معروف من الشيت يعنى مادتين فقط والباقى سيبنها يعنى ممكن لو ذكرنا حاجه من دمغنه يلغيها الدكتور
عايزه اعرف رأيك فى كلامى
كمان عايزه اعرف احنا اخدنا كام فصل فى مادة نظريات اعلام ونصوص اعلاميه وعلاقات دوليه وصحافه ولغه عربيه
ولكى جزيل الشكر

احنا كلنا يا اسماء بنذاكر بعد التحديد واحنا فى 3 اعلام تم تحديد المناهج عندنا علشان كدة لازم نذاكر من دلوقتى لان امتحانات 3 بتبقى صعبة علشان يصفوا

على فكرة دة قسم 3 ادخلى قسم 2 اعلام واكيد هيفيدوكى

من طرف nona_e3lam الأربعاء ديسمبر 23, 2009 12:56 am

انا معاكى فى الموضوع ده يا لقاء فكرة جامده بس انا جيت فى اخرها وياريت تعرفينى احنا كده فى مادة ايه لو كنا خلصنا الحاسب بس انا طبعا لسه مفتحتوش لانى اتاخرت على ما قريت الموضوع عموما قولى وانا معاكى بس فيه مشكلة احنا هنمشى على الجدول بس مفيش حاجة تاكد انى ذاكرت او لا فعندى اقتراح اننا نخصص ساعة للمراجعة ونتفق عليها بالنسبة لفرقتنا وياريت اسمع ردك ولو اى حد عنده اقتراح افضل

تانى حاجة انتى تستاهلى منى اعمل كده انى بجد اشكرررررررررررررررررررررررررررك جداااااااااااااااااااااا لانك بجد ساعدتينا وبجد بذلتى مجهود جامد جدا فى تجميع وكتابة الحاجات دى واكيد كلنا مقدرين تعبك وبجد جزاكى الله كل خير وشكرررررررررررررررر منى ليكى وبرد بالنيابة عن اى حد مردش لانك تستحقى ده
ربنا يوفقك يارب وتعبك ميضيعش ابدا

من طرف somy الأربعاء ديسمبر 23, 2009 10:28 am

انا من رايى اننا نبدا بالراى العام ومش لازم نخلصه كله يعنى ناخد فيه 3 ايام وبعدين نبدا بالاعلام الدولى وبرده 3 ايام خلص فيهم كان بها مخلصش يبقى على اللى بعده وباقى المواد نفس النظام....عشان بكده هيفضل قدامنا حوالى 3 او 4 ايام قبل الامتحان نراجع فيهم اول مادتين ول كان فى وقت نراجع شويه من مناهج البحث انا عن نفسى عملت كده .....على فكره المواد بسيييييييطه جدا مش محتاجه غير تركيييز فيها..بس ممكن اطلب منكم طلب كبير شويه Rolling Eyes

لو فى حد منكم معاه الملغى لكل المواد يجمعهم هنا وانا برده هعمل زيكم هنزل الملغى بتاع قسمى(اذاعه)وربنا يكرمنا جميعا cheers

من طرف الملاك البرىء الخميس ديسمبر 24, 2009 5:35 pm

انا بشكرك جدا يا نونة و هدف المنتدى كدة اننا نتواصل ونساعد بعض
ويا سومى انا منزلة الملغى بتاع المواد فى موضوعات اخرى ولو فى اى حاجة ممكن تضيفيها ناقصة ضفيها
هو المفروض كنا نكزن مخلصين الجغرافيا السياسية النهاردة لكنى كنت تعبانة ومقدرتش اذاكر فاحنا ممكن نعدل الجدول اننا نذاكر النهاردة وبكرة البرامج الاخبارية وهى مادة سهلة معتقدش انها هتاخد اكتر من كدة
ويا نونا اقتراحك جميل بس ممكن اعدله لو سمحتى ممكن ننزل موضوع بعد المذاكرة ونشوف لو فى حاجة مبهمة ومش شرط فى ميعاد محح والكل يرد عليه

من طرف الملاك البرىء السبت ديسمبر 26, 2009 7:24 pm

المادة اللى مفروض بعد سناء الراى العام والجغرافيا السياسية ممكن التنويع بين المادتين لكسر الملل

يلا نذاكر سوا

يلا نذاكر سوا

رد: يلا نذاكر سوا

رد: يلا نذاكر سوا

رد: يلا نذاكر سوا

رد: يلا نذاكر سوا

رد: يلا نذاكر سوا

رد: يلا نذاكر سوا