شارك معنا فى أول عدد من مجلة شباب إعلام

بسم الله الرحمن الرحيم

أعضاء منتدانا الأعزاء ؛
يسعدنى أن أقدم لكم خبر إصدار مجلة شباب إعلام ، والتى ستكون باذن الله ناطقة باسم قسم الاعلام كلية الآداب جامعة الزقازيق ، وبرعاية أسرة شباب إعلام وتحت رئاسة تحرير دكتور/ علاء طلعت.

مجلتنا نصف شهرية ، تهتم بأخبار كليتنا ( الآداب ) بكل أقسامها بشكل خاص والجامعة بشكل عام ، بالإضافة إلى متفرقات صحفية فى كل الجوانب التى تهم الطالب ، سواء كانت رياضية ، سياسية ، اقتصادية ، وخدمية أولا وأخيرا.

سياسة الجريدة؛
# نهدف إلى تقديم كل ما يهم الطالب ، وكل ما يجيب عن تساؤلاته عن كليته ، بالاضافة إلى الخدمات التعليمية .
# كما نهدف - ان شاء الله - إلى تنمية المواهب الأدبية و الفنية للطلاب.
# نهدف إلى تقديم كل ما هو خفى عن تفكير الطالب عن كليته وقسمه .
# نهدف إلى تقديم محتوى يجمع بين التشويق والجذب ، وبين تقديم محتوى
# جاد يقدم للطالب أكبر قدر من الإفادة.
# كما نهدف إيضا بكل حال من الأحوال بوضع كيان قوى لقسم الإعلام
بالكلية.

وبهذه المناسبة نقدم لكم أولى مسابقاتنا
المسابقة الأدبية فى الشعر والقصة القصيرة

تنشر الأعمال المشاركة فى الصفحات الخاصة بالقسم الأدبى ، وتخضع لتقييم نخبة من أساتذة قسم اللغة العربية لتقييمها ويعلن اسم الفائز فى العدد التالى ، وجارى دراسة عمل حفل تكريم للفائزين فى كافة المسابقات التى تجريها المجلة .

وجارى دراسة تكوين مسابقات أخرى وجمع محتوى العدد الأول ........ .

= على من يرغب فى تقديم فكرة جديدة أو المشاركة ضمن أسرة تحرير المجلة ، أو المشاركة بمقال أو خبر ؛ مراسلتنا على بريد الأسرة الإلكترونى وإرسال الماده التى سيشارك بها :

هى فكره جميله اوى يارب نحققها فعلا
واتمنى ان اكون عضوه فيها

هى فكره حلوه اوى ويارب تنجح وتنتشر اكتر

بالتوفيق يارب
مجهود رائع تشكر عليه يا استاذ عمر

فكرة رائعه جدااا وهتفتح المجال لابراز المواهب
ممكن اشارك ضمن أسرة تحرير المجلة اذا امكن

هى بجد فكرة جميلة اوى وهتفيدنا فى حاجات كتير اوى وياريت ان شاء الله تساهم فى بناء اعلاميين بجد وظهور مواهب جديدة تفيد المجتمع
امين يارب العالمين

فكرة جميلة جدا يا عمر
ربنا يوفقك ويوفقنا جميعا

هيا فعلا فكرة حلوة اوى
وممكن انا كمان اشارك فى اسرة كتابة المجلة؟؟

طبعا انا معاكم
ومع مزيد من التقدم ان شاء الله

باذن الله ده كارنيه العضوية لأسرة تحرير المجلة وفيما بعد للأسرة :

وباذن الله نكمل على خير

ان شاء الله المجلة تكمل على خير وكمان الاسرة تبدأ وربنا معانا

طيب اللى عاوز ينضم لعضويه المجله هيستلم الكارنيه ازاى

الكارنيه ده لأسرة التحرير اللى هتشترك فى تحرير العدد الاول ، وده علشان يبقى ليهم القدرة على عمل حوارات وتحقيقات مع بعض الرموز فى الكلية والجامعة ، ده بعد موافقة السيد عميد الكلية طبعا ، فالمشاركة أولا ، والكارنيه ده ييجى بعد المشاركة ، وبيتهيألى انا موضح طريقة المشاركة.
وفى ناس محددين بدأوا العمل فعلا فى جمع مادة العدد الأول.

ربنا يوفقكم

الفكرة فعلا جميلة ...
بس نشترك ازاى والكارنية ....
يعنى نعرف اكتر عنها ...
ويكون فى اجتماع ليها ...


بالتوفيق يـــــــــارب