كيفية استقبال النتيجة

النتيجة قربت وكل واحد فيكم حاطت ايده على قلبه وفى ناس

منكم مقضيه اليوم كله في الحمام عشان كده

قررت أنى اديكم شوية نصائح عن كيفية استقبال

نتيجة الامتحان والله الموفق .




أولا : يا جميل منك ليها لازم تحبكها في البيت قبل النتيجة بمعنى

إيه انك لازم تفرهد في السرير بتاع أربع خمس أيام كده

ويجيلك كل الأمراض اللي ما تخترش على بال بني ادم من أول

المغص لحد الشلل عشان اللي في البيت قلبهم يحن ويؤجلوا

المواجهة لو النتيجة جت لاقدر الله زى ما انت متوقع

وشلت لك بتاع أربع خمس مواد كده .



ثانيا : تبتدى تمرن نفسك على كيفية البكاء المستمر وتتعلم ازاى

تتشحتف عشان تصعب على كل اللي يقابلك



ثالثا : تدرب على بعض الفنون القتالية زى المصارعة أو الكاراتيه

مثلا وده ضروري ليه بقى هقولكم انا عشان هيبقى في كوم من البشر

واقف على النتيجة فلازم انت تكون مستعد لكده عشان

توصل في أسرع وقت ممكن عشان انت عارفين بيبقى في هواه

تقطيع الورق دول عارفينهم طبعا الواحدة من دول تعرف إنها شايله

السنة تروح مقطعة الورقة وحلنى انت بقى عقبال

ما تعرف النتيجة بتاعتك .



رابعا : لازم تروح تجيب نتيجتك بنفسك عشان ما تبقاش

واقف هيغمى عليك وأنت مستني صاحبك يجيبها لك وتلاقيه بعد ده

كله خارج يقولك انت شلت 3 مواد ليه ده ظلم ( قال يعنى الواد حل اوى) .



خامسا : انك تتحلى بكل أنواع البرود عشان انت هتقابل اليوم

ده اللي عمرك ما شفته يعنى انت خارج كده وشايل أربع مواد

وتلاقى أم احمد الفراشة بتقولك الحلاوة يا بيه ف انت لو مكنتش

هادى هتعمل حاجة من الاتنين يا تموتها لا تموت نفسك فلازم

تبقى هادى وتستحمل عشان اللي جاى اصعب .



سادسا : لازم تؤمن وتصدق ان النتيجة دى بتاعتك ومفيش

غلطات مطبعية (احنا هنمثل ما انت عارف انك شايل شايل)



سابعا : تاخد بعضك كده وعلى اقرب مطعم وتاكل اكبر كمية

من الأكل عشان انت الفترة اللي جايه هتكون في اوضتك

ومفيش أكل (ولا انت معندكش دم وهتقعد تاكل مع باباك ومامتك على أساس انك احمد زويل) ؟



ثامنا : نيجى لأصعب لحظة الا وهى نقل الخبر للأعداء (باباك

ومامتك) وهنا هنرجع للبند رقم اتنين بتاع الأفلام المأسوية

والبكاء المستمر .



تاسعا : أول ما تشوف باباك اول كلمه تقولها حرااااااااااااااااااام

ده ظلللللللللللم ويغمى عليك وماشوفش وشك فايق

غير بعد 14 يوم اتفقنا .



عاشرا : رقم بوليس النجدة 122 اوعى تنسى ( ده في حالة لو

الناس عندك في البيت ما بيخيلش عليهم الحاجات دى