تكنولوجيا الاتصال والاعلام الدكتورة اسما

من طرف محبة مصر الخميس مارس 11, 2010 11:33 pm

تكنولوجيا الاتصال والاعلام
د\اسما

هى التكنولوجيا المطبقه فى الاعلام ومعناها الوسائل والتقنيات الحديثه المستخدمه فى الاعلام .
هى تقنية وسائل جديدهتعتمد على الكمبيوتر والاجهزة الحديثه المطبقه فى مجالات الحياة المختلفه .
وهى مطبقه فى الاتصال والاعلام ويعد الاتصال اشمل واعم من الاعلام.
التكنولوجيا وسيله جديده فى العمل الاعلامى يستخدمها القائم بالاتصال لينعكس الاثر على المنتج من حيث الجوده والاتقان .
الوسائل الحديثه فى الاعلام كالصحف الالكترونيه والمواقع الالكترونيه , وغالب الصحف الورقيه لها مواقع على الانترنت (صحف الكترونيه).
ففى مراكز المعلومات انقلبت مراكز المعلومات قائمه على انقلاب الاقسام الارشيفيه الورقيه الى ارشيف الكترونى .
الانترنت ساعد الصحف على دخول عالم كل ما هو جديد ومتطور وتعميق التقارير الاخباريه بارسال معلومات او تصحيح معلومات.
الصحافه تحتاج الى السبق والسرعه من اجل تعميق واثراء واستكمال الماده .
نحن نعيش فى عصر التكنولوجيا وقد ساعدت هذه التكنولوجيا على تواجد الفالعليه بين القائم بالاتصال والمتلقى inter active
وهو من ردود فعل استخدام تكنولوجيا الاتصال ليظهر الجمهور النشط والايجابى.
الصحافه ترتبط بها الصحف الالكترونيه والمواقع الاخباريه
اما التليفزيون ارتبطت به القنوات الفضائيه عبر الاقمار الاصطناعيه
Satellite
باقى المحاضرة كانت تعريف بالكتاب وانه يتكون من 5 فصول وقد شددت الدكتورة على ان الماده صعبه وتحتاج الى مجهود وتركيز هى ومادة التشريعات الاعلاميه وتتمثل المقدمه المنهجيه فى هذا المقرر فى التساؤل الاتى
ما هية الظواهر المستجده فى مجال تكنولوجيا الاتصال الحديثه والاستخدامات المتطورة ,وطبيعة تاثيراتها على وسائل الاعلام المختلفه ؟
اى سبيل الاستفاده من تلك الوسائل والاستخدامات فى قطاعات الاتصال والاعلام .

للعلم المحاضرة الساعه 9 وليست 10

من طرف asmaa الخميس مارس 11, 2010 11:58 pm

ربنا يجعله فى ميزان حسناتك
اللهم آمييييييييين

من طرف elhour الجمعة مارس 12, 2010 12:14 am

جزاكى الله خيرا يا حبيبتى وصديقتى وبارك لكى
لان اصلا طلاب كتير مش حضروهها
تسلم ايديكى

من طرف طائر بلاجناح الجمعة مارس 12, 2010 12:27 pm

تسلمى ياقمر لان فعلا دخلنا المحاضرة متاخر ومكناش نعرف انها ابتدت بدرى جزاكى الله كل خير

من طرف ملكة الإعلام الجمعة مارس 12, 2010 4:24 pm

شكررررررررررررا ربنا يخليكى لنا يامحبة مصر

من طرف شهرزاد الجمعة مارس 12, 2010 6:16 pm

مشكورة جدا على مجهودك الرائع وجزاكى الله كل خير

من طرف ???? الجمعة مارس 12, 2010 8:34 pm

بارك الله فيكى وجزاكى كل خير على مجهودك الرائع
وفقك الله لما يحبه ويرضاه

من طرف الملاك البرىء الأحد مارس 14, 2010 5:21 pm

هو كويس انك تنقلى المحاضرات للى مش حضروا بس كدة بتشجعى الطلاب انهم مينزلوش الجامعة اصلا ويقعدوا فى البيت احب الفت نظركم بس للجزئية دى احنا ممكن نفيد بعض بطرق كتير بس مش لدرجة اننا ننقل للطلاب المحاضرات انتى كدة بتدلعيهم قوى

من طرف سارة محمد الأحد مارس 14, 2010 9:48 pm

خير تعمل شر تلقى هههههههه
حرام عليكى ايتها الملاك البرئ يعنى هى بعد ماتكتب وتتعب مانقولهاش شكرا
لا نقلها كده غلط على فكرة كل واحد عارف مصلحته كويس واللى عاوز ينتظم فى المحاضرات بينتظم والعكس
مش كتابة المحاضرة هى اللى هتكسلنا عن الحضور
.............................................تقبلى مرورى

شكرا يا عسل ربنا يخليكي
حرام عليكي يا لقاء هي قصدها خير و المفروض نساعد بعض و هو ده الهدف الاساسي و اللي معاه حاجة مايبخلش بيها على غيره لأن في ناس عندهم ظروف و مايقدروش يحضروا لكن مش دلع

من طرف محبة مصر الإثنين مارس 15, 2010 5:27 am

الملاك البرىء كتب:هو كويس انك تنقلى المحاضرات للى مش حضروا بس كدة بتشجعى الطلاب انهم مينزلوش الجامعة اصلا ويقعدوا فى البيت احب الفت نظركم بس للجزئية دى احنا ممكن نفيد بعض بطرق كتير بس مش لدرجة اننا ننقل للطلاب المحاضرات انتى كدة بتدلعيهم قوى

شكرا ليكى
لكن اعتقد ان انتقادك ده يضايقنى لان ده ما كنش ولا هيكون غرضى كمان كنتى ممكن تنتقدى زى ما انتى عايزة لكن ف رساله خاصه لان بصراحه كده انا انتقدت كتير اوى ف المنتدى .
كمان فى صاحبات ليا بيكونو فى المحاضرة لكن ما بيكتبوش لانهم مش بيقدرو يكتبو وراء الدكاترة
كمان اعتقد ان اسلوب انزال المحاضرات ع المنتدى افضل من اسلوب روتانا والفرسان اللى اصلا بيحذفو اللى على مزاجهم ويروح الطلبه اللى منهم كتير بيحضرو ويشترو مذكراتهم يعنى الاهون انهم ياخدوها زى ما الدكتور قالها.
وفى حاجه اهم ان اللى عايز يحضر هيحضر حتى لو المحاضرة بتروح له لحد بيته واللى مش عايز يحضر مش هيحضر حتى لو مالقاش حد يديله المحاضرات .
كمان انا مش ممكن اكون باكتب كل اللى الدكتور بيقوله يعنى اكيد الطلاب عارفين ان الحضور اهم
وانا واحده من الناس لما ما احضرش محاضرة مش ممكن افهمها ابدا حتى لو نقلتها من زميله لان الحضور عندى اساس الفهم.
وشكرا مرة تانيه لردك على الموضوع واذا كان باقى الطلاب لهم نفس الراى ف انزال المحاضرات اكيد انا مش هانزلها تانى .

من طرف elhour الإثنين مارس 15, 2010 2:41 pm

لا يا محبه مصر نزلى المحاضرات وكمان انا عاوزاكى تنزلى محاضره د/علاء انهارده
انا بحضر كل المحاضرات بس ساعات مش باكون من اولها فمش بعرف اكتب حاجه لانى مش حضرتها من الاول وكمان ساعات بحضرها وبكتب لكن بتفوتنى حاجات واول حاجه بألجأ للمنتدى او لما الدكتور يشرح بسرعه مش بألحق اكتب
وبعدين انا من ضمن الحاجات الاساسيه اللى بتفيدنى فى المنتدى انى باكمل محاضراتى من خلاله
ده غير انى ممكن اكون حضره وما اكتبش اركز فى المحاضره بس معتمده انى هنقلها من المنتدى
وبرده اللى عايز يحضر بيحضر حتى لو بتجيلوا لحد البيت ومش ممكن نساوى بين اللى بيحضر واللى بينقل على الجاهز
وشكراااااااااا يا محبه مصروجزاكى الله خير

من طرف محبة مصر الخميس مارس 18, 2010 3:47 pm

المحاضرة الثانيه
التكليف الاول
بالاستفاده من مادة تكنولوجيا الاتصال \س\ما هية تكنولوجيا الاتصال؟تعريف تكنولوجيا الاتصال
لايزيد عن 3 صفحات
الاستعانه بمقرر الكتاب الجامعى فقرتين من المقدمه المنهجيه ص 5,6 كذا الاستعانه بكتاب اخر من المكتبه ويمكن الاستعانه بالانترنت

من طرف السيد اسماعيل الجمعة مارس 19, 2010 9:47 pm

اولا شكرا على المجهود
ثانيا اود ان اقول رأى فى الى تقال
ياجماعة الموضوع ابسط من كده المجهود ده لاعضاء المنتدى بس
يعنى الى تعمل صح واحنا اتفقنا على كده من زمان ان فى ناس تتابع الدراسة
وبعدين ده كان مجرد رأى فردى
يعنى مش يترد عليه كده يا محبة مصر

لكم اراء ولى اراء والحياه ظلال واضواء

من طرف elhour الجمعة مارس 19, 2010 10:09 pm

يا جماعه مش ينفع كده
اذا كان فى ناس مش محتاجين المحاضرات دى خلاص لا يخدوها ولا يردوا اصلا
لانى فى ناس بتحتاجها وفى ناس بتدخل اصلا المنتدى للاستفاده من الحاضرات دى بس
انتو كده بتضعفوا عزيمه اللى بينزل واللى كان عاوز ينزل انه يقدم مساعده او يفيد ويستفيد
وعلى فكره دى اول حاجه شدتنى للمنتدى انى اشارك فيه انى افيد واستفيد وخصوصا فى الدراسه مش اى كلام تانى
فياريت يبقى فى تنافس بين الاعضاء على انزال المحاضرات
لكن مش كده

تكنولوجيا الاتصال والاعلام الدكتورة \ اسما

تكنولوجيا الاتصال والاعلام الدكتورة اسما

رد: تكنولوجيا الاتصال والاعلام الدكتورة \ اسما

رد: تكنولوجيا الاتصال والاعلام الدكتورة \ اسما

رد: تكنولوجيا الاتصال والاعلام الدكتورة \ اسما

رد: تكنولوجيا الاتصال والاعلام الدكتورة \ اسما

رد: تكنولوجيا الاتصال والاعلام الدكتورة \ اسما

رد: تكنولوجيا الاتصال والاعلام الدكتورة \ اسما

رد: تكنولوجيا الاتصال والاعلام الدكتورة \ اسما

رد: تكنولوجيا الاتصال والاعلام الدكتورة \ اسما

رد: تكنولوجيا الاتصال والاعلام الدكتورة \ اسما

رد: تكنولوجيا الاتصال والاعلام الدكتورة \ اسما

رد: تكنولوجيا الاتصال والاعلام الدكتورة \ اسما

رد: تكنولوجيا الاتصال والاعلام الدكتورة \ اسما

رد: تكنولوجيا الاتصال والاعلام الدكتورة \ اسما

رد: تكنولوجيا الاتصال والاعلام الدكتورة \ اسما