احلى نشرة اخبار

م النشرة الفنية

والمزيد من الحصريات

exclusives يعنى

على قناتكم المحبوبة

قناة البتنجان

_ 1_

تعلن شركة الفشل الفنى للإنتاج والتوزيع عن افتتاح فيلم

الموسم ( انقاذ كوباية ويسكى ) وتدور أحداثه عن

معاناة الشاب المصرى والعربى فى سبيل الحصول على

كوباية ويسكى غير مغشوشة ..والصراع الدائر بين

الشركات المصنعه وشركات بير السلم ...الفيلم من

تأليف المخرج الشاب ( عبده كوبايه ) ومستوحى من

تجربة شخصيه ...ومن بطوله نجوم الشباب ...الفنان

المتألق ( برعى السمكرى ) وهيقوم بدور البطوله معه

الفنانه المتألقة ( سنيه سرنجه ) ...فيلم سيعيد إلينا

أفلام الفن الجميل ..اوعوا الفيلم يفوتكم

_2_

قنبلة الموسم الفنانه ذات الجمال الخارق والجسد

الجميل و الشكل الفظيع و اكبر عدد عمليات

تجميل فى الشرق الأوسط .... الفنانه الصاروخ

فوفو ... صاحبه الأغنية الأكثر اشتهارا

فيها ايه لما ابقى مصاحبه

و ابقى كمان مخطوبه

ليه يجى جوزى و يزعل

بالذمه مش انا مظلومه

وعذرا مش هنقدر نكمل برده الأغنيه لأن

الرقابه حذفتها حرصا على حياء القارئ

وقد قررت الفنانه الصاروخ الجوى المنطلق فى

سماء الأغنيه العربيه عقد مؤتمر صحفى للرد

على هجوم الصحفيين عليها و خاصه بعد

ان قام بوليس الآداب بمهاجمة لوكيشن التصوير

بعد بلاغ من فاعل خير ... وتقول ( هعرف

اخد حقى كويس قوى ده انا

فوفو يا ..............) عفوا لقطع الارسال

وده برده حرصا على حياء القارئ العزيز


وننتقل الى الساحة السياسية


_ 1 _

مظاهرات تجتاح عواصم العالم للزيادة المفاجئة فى اسعار

الحشيش والتى أتت بعد فتره من احتكاره بواسطه احدى

الشركات العملاقة ...وكانت الهتافات تتردد فى

الشوارع ( ادونا حشيش علشان نعرف نعيش )

وكان رد فعل مجلس الحشيش الدولى هو الصمت ولم

يصدر من أى مصدر مسئول أى رد فعل حتى الآن

_ 2 _

أمريكا تتهم جزر الوواك واك بمحاولة نشر الإرهاب على

جزر الكيكى كيكى القريبة عن طريق إرسالهم العصافير

والطيور لازعاج السكان كل يوم صباحا وتشغيلهم

للاغانى بصوت عالى وقال المتحدث الرسمى لوزاره

الخارجيه أن هذا نوع من الارهاب الفكرى الذى لا

تسمح أمريكا بحدوثه ...

وهددت بالتدخل النووى فى حالة عدم التوقف ..

وأكد أن الزعيم بن لادن هو اللى مقويهم بتوع الوواك

واك دول

وأنه يقوم بتصدير العصافير عن طريق وسائل سرية

جميله جدا يا ايه
وبتعبر فعلا عن مدى ما وصلنا اليه من الاستهتار
بس ربنا يستر وما نوصلش فعلا للدرجه ديه
لان الوضع الفنى القذر ينذر بما هو افسق من ذلك
طبقا لما اكدته وكالات الارصاد الفنيه فى اكبر استهتار عالمى
فى ظل سيود المجتمع الفضائحى
والصمت الادمى الذى يخيم على ارجاء عناكب المخ المعششه فى اعالى اسطح العقول
معلش يا قمر على الزياده

ههههههههههههههههه
الموضوع جميل جدا وتحفه
ويعبر فعلا عن الواقع اللى بقينا فيه من استهتار وعدم المبالاه

شكرا على مروركم وللأسف هذا هو الواقع

هههههههههههه
بجد توبيك ممتاز وروعة بجد
تسلم ايدك اية
تقبلي مروري

(أدينى الحقنة بسرعة أرجوك محتاجة الجرعة)
هذا هو شعار الثوار عندما هددوا الحكومات بخفض أسعار الحشيش
وأنهم سوف يتجهون لتعاطى السلع البديلة
وبكدا يبقي اللى داخل ف دماغهم خسران
بجد التوبيك رائع ..يسلم قلمك يا قمر