مقارنه طريفه بين الجنسين الناعم والخشن

مقارنة ظالمة بين الجنسين

مقارنة بسيطة كدة بين الجنس الخشن والجنس الناعم
لكن مقارنات من نوع خاص



المقارنة الاولى
************
- بالنسبة للفتاة لو مر اودامها ولد وكانت معجبة به فبتبص عليه نصف نظرة من تحت لتحت كدة عشان محدش ياخد بالة

- أما بالنسبة للولد يلف رقبتة 360 درجة كالصقر وتجد نصف سكان الشارع قد كشفوا امره من خلال تلك النظرة

____________

المقارنة الثانية
************
اما يبقى فية قطة داخل البيت

- بالنسبة للفتاة فانها بتقرب منها بهدوء وتمسكها برفق وتروح مأكلها وبعد كدة تروح الى الباب بهدوووووووء وتحطها برة بكل ادب ثم تغني لها أغنية آسفة لأصالة ثم تعد القطة أنها ستدخلها غدا والمسكينه بتستنى الغد بفارغ الصبر وتروح قافلة الباب وتذهب للنوم

- اما الولد فلا يصدق نفسه حين يرى قطا داخل البيت . في تلك اللحظة يتخيل نفسه زين الدين زيدان يسدد ضربة حرة فتجد القط المسكين مرمى في الزاوية اليسرى للنافذة وهو طائر تسمعه يقول للولد (روح ياشيخ الله ينتقم منك ) قبل أن يسقط في أقرب زبالة

__________________

المقارنة الثالثة
************
اما يبقى فية صرصار فى البيت

- حين تجد الفتاة صرصار بالليل تصرخ كأنها تؤدى السمفونية الأخيرة لبتهوفن
ثم تستجمع شجاعتها وتحضر المبيد وترشه وهي تقول حتموت يعني حتموت والله لأموتك والصرصار بيضحك على خفة دمها لحد مينزل عليه أبوها بالشبشب

- أما بالنسبة لأخينا فانه حين يجد صرصار ينتابه جنون العظمة فيعتقد انه هتلر ويضحك ضحكة حتى تبرز جميع أضراسه المخفية ثم يمسك الصرصور ويبدأ بعملية التعذيب فينزع له الرجل الاولى ويسأله : بابا فين

الرجل الثانية : ماما فين

الثالثة : اخواتك فين

الرابعة : ساكن فين

الى ان تنتهي أرجل الصرصور ويتركه حيا حتى يكون عبرة لكل صرصور حاول أن يتجرأ ويظهر له وهو موجود

___________________

المقارنة الاخيرة
************
خناقة بين اتنين من جنس واحد

- بالنسبة لفتاتين بيتخانقو فى بعض انت مش بتسمع غير:

انت حمارة

لأ انت للي ستين حمارة

الزمي حدودك انت للي 666 حمارة

والله انت جريئة جداااااا انت للي 6666 حمارة

الى ان يصلوا للعدد 66666666666666666666 من الحمير

- اما بالنسبة للصراع بين الجبابرة

الركل و الضرب والابكاس وطبعا الشتيمة اللى متتقالش

وعلي راي اللي قال الجنس الناعم ناعم والجنس الخشن خشن

ههههههههههههههههههههه
بس بيتهيئلى صح الكلام ده
ههههههههههههه
مرسى يا ايمى على المقارنه الجميله دى

هههههههههههههههههههههه
بجد مقارنه جميله اووووووى
وتوبيك جميل اوووى
تسلم ايدك يا ايمى

موضوع جميل قوى بس تقريبا مش بتحصل دايما
شكرا يا ايمى

ههههههههههههههههههه
الموضوع دمه خفيف اوى بس انا ضد التعميم

هههههههههههههههههههههههههه
مقارنه تحفه فعلا
تسلم ايديكى ياقمر

وانا معاكوا طبعا وضد التعميم
هى فكاهه بس مش اكتر

اسعدنى مروركن يا فتيات
ههههه

ههههههههههههه
بس انا شايفه ان داكله صح 100% الولاد دول فظاع اوى هههههههههههههههههه
ميرسى ياقمرنا على التوبيك

دى ثورة علينا بقى
ههههههههههههه
الموضوع بجد كويس

التوبيك جااااااااامد
بس انا والله مش بعمل زى البنت مع الصرصار انا بخاف اه بس مش بالدرجة
لكن انا علاقتى كويسة مع النمل والقطط وكمان بحط ليهم أكل كل يوم .أصلهم بيصعبوا عليا اوى
هههههههه

اوعى تفهمينى صح

هههههههههههههههههههههههه
تسلم ايديكى يا قمر
بجد المقارنة جميلة اوىىىىىىىىىىىىى

شكرا لمرورك يا امنيه
بس بلاش نظلمهم دول غلابه برده
يعنى تقدرى تقولى 99.9%
خليها علينا شويه

السيد اسماعيل كتب:دى ثورة علينا بقى
ههههههههههههه
الموضوع بجد كويس

هنثور على مين يا عم
ودى تيجى برده
دا انتوا الاصل

لؤلؤه
انتى مش كدا انا كدا
هههههههه
اخاف من الصرصار اكتر من الفار


ايه
تسلمى يا حببتى

هههههههههههه
بجد مقارنه عادله تماما
وف الواقع طبعا طبيعى ان البنت تكون ارق من الرجل
دليل كده انك لو شفتى بنت طبعها او حركاتها جامده شويه تقولى عليها دى مسترجله
ميرسى يا قمر ع الموضوع

اقولكم ايه بس ،،، ماهى دايما السيئة بتعم ،،، ليكوا حق ،،، والله احنا بنشوف ولاد يدعوا للاحباط ،، ولهدم كل أمل فى التغيير إلى الأفضل ،،، بس أكيد مش الكل ،،، زى ما الدنيا ربنا خلق فيها الخير والشر ، أكيد كل شىء هيكون فيه الحلو والوحش ،، أما عن الصراصير والقطط والكلام ده ، فده موضوع رحمة ورفق بالحيوان مش موضوع جنس ناعم أو خشن ،، والله ما حد بقى عارف ايه الفرق بينهم ، ما علينا ، ربنا يارب يهدينا كلنا ،، معلشوا لو كنت حولت الموضوع من فكاهه لجد ،، وده اللى بيخلينى ما اردش على مواضيع ،، علشان ما حدش يتضايق من ردى . وبالتوفيق للجميع .

شكرا لمرورك محبة مصر

دا شرف ليا يا استاذ عمر انك ترد على موضوعى
وطبعااااااااا كلنا مقتنعين ان دى فكاهه بس مش واقع
وزى ما حضرتك قلت مش كل الولاد كدا واكيد مش كل البنات كدا

_اسعدنى مروركم_