يلا يا شباب جه وقتنا وهنتحرك شاركونا (حملة اصحى يا نااااااايم)

من طرف meko الأربعاء مارس 24, 2010 4:06 pm

بسم الله الرحمن الرحيم

اما بعد
وبعد اذن ادارة المنتدى اتقدم بنشر اوى حلقات و اهداف حملة اصحى يا نايم وهى تعتبر حملة للتوعية (ولنبدا بالتغيير من عندنا )

وَلا تَكْتُمُواْ الشَهَادَةَ وَمَنْ يَكْتُمُهَا فإنَهُ آثِمٌ قَلْبُه

صدق الله العظيم

*** اكيد كلنا شايفين اللي بيحصل لينا وحوالينا ... كبايه مياه نضيفه مش لاقيينها , انبوبة غاز بالخناقات واخدينها , ارغفة العيش المتمسمره وكلينها , عيشة غالية وحقوق كتيرة مش واخدينها , فلوسنا بتتهرب وبنداري ع اللي وكلينها , مبادئ ونسيناها وبلادنا وغرقناها .
كل ده احنا اللي عملناه بإدينا .. ايوة احنا وبإدينا ...علشنا كدة قام شباب مني ومنك زيي وزيك نفسه يشوف بلده بتكبر والتعليم فيها بيتطور وعلى احلى شغلانة تقدر تدور وفي كل حتة في بلدنا نقدر نعمر.. كل ده بإيدي وايدك وهنبني سوا بيتي وبيتك , عشان كدة عملنا الحملة دي عشان نعرف ازاي ان احنا اللي مضيعين حقوقنا بإدينا وازاي خايف من مجرد التفكير في حقك في عيشتك, ولازم تعرف اللي ليك واللي عليك وتعمل كل اللي في مقدرتك عشان مصلحتك ومصلحة بلدك .
احنا لا ضد حد ولا مع حد .... لا احنا ضد الحكومة ولا احنا مع المعارضة احنا اسياد قراراتنا ونعتز بمصريتنا ولازم انت وانا وهو وهي نعتز ونحس بالفخر ده... عشان كدة يلا بينا كلنا نشارك ونعرف ونشترك في حملتنا :

حملة اصحى يا نايم

المشاكل الموجودة :-
1- السلبية وعدم الاهتمام بالعملية الإنتخابية .
2- قلة الثقافة والوعي السياسي .
3- الخوف من التغيير او التدخل في مثل هذه الإمور.
4- عدم وجود تخطيط لأهدافنا .
5- الأحلام الوردية المستحيلة .
6- ضعف الثقة بالنفس وقدرتنا على صنع ما نريد .
7- النظر دائما الى النصف الفارغ من الكوب . ودي نظرية بنعاني منها كلنا احنا المصريين , يعني ليه كلنا بنبص دايما للسلبيات ونقول ده في بلاوي كذا وكذا يعنى الحكومة زي ما بتغلط هي كمان عاملة تطورات ومشاريع كتيرة في البلد وبتبذل اقصى طاقاتها في حاجات كتيرة جدا وفي كل المجالات بس هم بشر معرضين للاخطاء , وكمان كل ما تبص للسلبيات بس هتتعود على السلبية وتاخد انطباع ان مفيش خير في الدنيا , وعشان كده مش عايزين نظلم حد ونكون متفائلين على طول .
8- الخلط ما بين السياسة والدين وما مدى صحة ذلك .

الرؤية :-
شباب مصري واعٍ.. قادر على اختيار مصيره.. واتخاذ قراراته بنفسه .

الاهداف :-
1- تنفيذ خطة 5 – 4 – 1
* 5 ..... خمسة مواضيع سيتم نشرها قريبا عالمنتدى تحت اسم مواضيع الحمله تهدف الى التوعية وحق كل واحد فينا والواجب اللي على كل واحد فينا عشان نطلع الناس الواعية دي .
* 40 ..... مدة الحملةفى المرحله الاولى اربعين يوم نتناقش في المواضيع اللي قلنا عليها واللي هتنزل من خلال الحملة .
* 100 ..... هدفنا في المرحلة الاولى نكون 100 عضو معانا في الحملة من خلال المنتدى وياريت قدهم الف مرة خارج المنتدى لان حملتنا التوعية لكل الفئات وكل الاعمار وكافة العقليات والتوجهات الفكرية .

2- كل مواطن له بطاقة انتخابية يروح يستخرجها وعن اقتناع بحقه فيها وحقه في التصويت .
3- مشاركة جميع الناس في العملية الانتخابية مشاركة فعالة وبناءة .
4- زيادة الوعي السياسي والثقافي لدى الناس وتعريفهم بما يدور من حولهم من خلال تحقيق مصالحهم وحقوقهم في المجتمع .
5- اقتناع الناس بفكرة تغيير ما هو سلبي وما يتعارض مع المصالح العامة .
6- زيادة الثقة فى نفسك وانك فعلا تقدر تغير وخلي صندوق الانتخابات يتكلم .
7- الرقابة الذاتية انجح من الرقابة الدولية ....امسك فى صوتك بإيدك وسنانك وماتديش فرصه لحد يزوره.

ده كله هيتحقق لو..كل واحد فينا بقى معاه بطاقه انتخابيه..هدف الحمله الرئيسى بطاقه لكل ناخب....
.....لو خايف علي مستقبلك ومستقبل ولادك بجد....قوم يلا طلعها.....مش عايزين كلام وبسسسسسس

للمشاركه والاستفسار شاركونا على ايميل الحمله
es7a_145يحذر وضع البريد الشخصى

وختاما
نتمنى مشاركتكم معنا...........دعونا نحيى الامل
الامل في حب مصر

يا جماعة عاوزين نغير من اللى احنا فيه عاوزين اللى يراسنا يكون حاسس بينا و يقدر بعد كده يغير وضع مصر ويحل مشكلة الاقصى

صدقونى التغيير من عندنا (احنا الشباب)

يلا عاوزة ايميلات الشباب الواعى اللى بيفكر فى (مصر بكرة؟)
ده ايميل المجموعة اللى منضمة للحملة eng_c_2010يحذر وضع البريد الشخصى
واللى عاوز يشترك يراسلنا على الايميل ده خاصة علشان ياخد كود الحملة

من طرف meko الأربعاء مارس 24, 2010 4:16 pm

ياشباب مصر ويابناء مصر ان الان لنستيقظ وانظر من حولك وانظر الي ماضيك وفكر لو كان اهالينا وقفوا هذه الوقفة التي نقفها اليوم ؟ لكانت بلادنا ومستقبلنا افضل بكثير من حالنا اليوم
ولكن لن نبكي علي اللبن المسكوب ولنن نظر للخلف الا لنتعلم فقط لا لنيأس

ياشباب هذه فرصة من ذهب فهل من مغتنم منها ؟
الخوف مش مطلوب واعرف ان غيرك مات عشان قضية
يبقي انت هتخاف من ايه وعلي ايه ؟

من طرف meko الأربعاء مارس 24, 2010 4:17 pm

وده جروب حملتنا ع الفيس بوك
عايزين صوتنا يوصل لكل الناس

https://www.facebook.com/group.php?v=...06324709391153

من طرف meko الأربعاء مارس 24, 2010 4:26 pm

بمشيئة الله
تم عرض اولى اهداف حملة (اصحى يا ناااااايم على قناة دريم فى برنامج العشرة مساءا

المشاركه الناجحه التى تمت بين قناه دريم تو وحمله اصحى يا ناااااااااااايم...حيث تم فى
حلقه العاشره مساءا يوم السبت الموافق20/3/2010 مناقشه احد اهم مواضيع الحمله وهى عن
عضو مجلس الشعب من يكون..وكيف نختار..ومن نختار؟؟؟؟؟؟؟؟؟؟
الحلقه موجوده على
youtube.com و arabtube.tv

لقد تم عمل ايميل للحمله للرد على اى استفسارات او اسئله ومفتوووووووح 24 ساعه..
ده الايميل
es7a_145يحذر وضع البريد الشخصى

لقد تم جروووووب للحمله على الفيس بووووووك وده الرابط

https://www.facebook.com/group.php?gid=106324709391153&ref=mf

لقد تم عمل منتدى خااااااااااااص بحمله اصحى يا نااااااااااااااااااايم بهدف توسيع دائره
الانتشار واكتساب اعضاء جدد من اوليله ومن خارج اوليله....وده الرابط

http://es7aa.sbilya.com/index.php

وسنوافيكم بالمزيد ان شاء الله.......................يلا الهمه............

يلا الكل يسجل ويصحى................ويبعت الرابط لكل اللى يعرفه ...الناس لازم تصحى...

من طرف meko الأربعاء مارس 24, 2010 4:28 pm

وبفضل الله تم إنشاء قناة على اليوتيوب خاصة بالحملة على هذا الرابط

https://www.youtube.com/user/eshayanaym?feature=mhw4#p/u

من طرف meko الأربعاء مارس 24, 2010 4:30 pm

أبوس إيدك تفوق يا عم لو مرة
باقوللك فيه ألوف بره..
جيوش حرة..
ومالها سلاح سوى كلمة بلادى مصر
هرانا الفقر والجوع اللى ماله حصر

يا أهل القصر..
بيخرس صوت بيتكلم بداله اتنين
صحيح عايشين..
بلقمة عيش بتتغمس مع المسامير
بشقة فول بتتدمس مع الصراصير

بقالنا كتير؟
خلاص مابقتش باحسبها حساب الناس
دا كل ماييجى يحسبها نفر ينداس!
ما هو العباس..
بيحلف إنه ما بيحكمش غير للناس
بصوت الناس..

ورب الناس ما قولتش رأيى بالمرة
أمانة عليك ترد يا عم لو مرة
وسيبك من هباب الطين..
بشر قالعين
وبالكورة وعالكورة اتصرف ملايين
تبص يا سيدى لعيالك تشوف حرمان
تزور عمك تزور خالك تشوف أحزان
تكونش مفكّر ان بلادنا للأعيان؟
وللفاسدين وللشلة ولابن فلان؟

أنا عن نفسى مش حاقدر
وحاخرج بره ويّا الناس
ومش حاسكت ويتقال ان انا محلاس
عشان بكره عيالى يقولوا كان راجل
مافاتش الحق وادّارى فـ طابور العيش
ولا فـ جنسية من بره وخلع م الجيش

الهى تعيش..
تعالى معايا نصرخ صرخة لجل الله
نقول الله..
نغيّر مصر بإيدينا ومش بالصوت
ولو بالموت..
حنفضل مصر لعيالنا وشرفنا يعود
دى لو رجعت لنا بالصدفة مش حتجود
ولا عايزينها تيجى بالدعا والدين
ولا نكنس عليها الست والواصلين

بكلّم مين؟
دا ماتش الكورة كل عقلك وليه نطيت؟
عشان الشوطة مش حلوة وجت فى الحيط؟
يا ريتك كنت تعملها ولو مرة
عشان ترجع لنا حرة
ومن بره
يشوفها الناس يقولوا رجعت الدرة
ولو مرة..ولو مرة
د. مدحت أنور نافع
خبير اقتصادى

من طرف meko الأربعاء مارس 24, 2010 4:34 pm

ارجو تثبيت الموضوع للاهمية بالطبع لو ممكن

من طرف meko الأربعاء مارس 24, 2010 10:14 pm

انتظرونا قريبا ...............مع العرض الاول من حمله اصحى يا نااااااااااااايم..
عرض هيطير من عنيك النوووووووووووووووم..
اصحى..

من طرف meko السبت مارس 27, 2010 7:31 pm

هتكملو اااااااا نوووووووووووووووووووووووووم

براحتكم

من طرف شهرزاد السبت مارس 27, 2010 9:49 pm

بجد فكرة جميلة قوى يا ميكو وانا سمعت عنها قبل كده وياريت نقدر نعمل حاجة بجد وربنا معاكى ومعانا
بارك الله فيكى وجعله فى ميزان حسناتك

يلا يا شباب جه وقتنا وهنتحرك شاركونا (حملة اصحى يا نااااااايم)

يلا يا شباب جه وقتنا وهنتحرك شاركونا (حملة اصحى يا نااااااايم)

رد: يلا يا شباب جه وقتنا وهنتحرك شاركونا (حملة اصحى يا نااااااايم)

رد: يلا يا شباب جه وقتنا وهنتحرك شاركونا (حملة اصحى يا نااااااايم)

رد: يلا يا شباب جه وقتنا وهنتحرك شاركونا (حملة اصحى يا نااااااايم)

رد: يلا يا شباب جه وقتنا وهنتحرك شاركونا (حملة اصحى يا نااااااايم)

رد: يلا يا شباب جه وقتنا وهنتحرك شاركونا (حملة اصحى يا نااااااايم)

رد: يلا يا شباب جه وقتنا وهنتحرك شاركونا (حملة اصحى يا نااااااايم)

رد: يلا يا شباب جه وقتنا وهنتحرك شاركونا (حملة اصحى يا نااااااايم)

رد: يلا يا شباب جه وقتنا وهنتحرك شاركونا (حملة اصحى يا نااااااايم)

رد: يلا يا شباب جه وقتنا وهنتحرك شاركونا (حملة اصحى يا نااااااايم)