ايــــهـ مالكـ ,, قاعد لوحدكـ ليهـ ...!

ايه؟؟
مالك؟
قاعد وحيد وزعلان ليه
ايه؟؟..خلاص الدنيا فضيت
للدرجادي شايفهــا وحشة قوي وفاضية من الناس الكويسة اللي ممكن ترتاح معاهم
من اصحابك؟....... اه ممكن تكون فضيت
من زمايل الدراسة ايوة ممكن تكون ايام وراحت وراحوا معاه
من قصة حب مكانتش ماشية تمام معاك او خلصت.؟؟....ممكن برضه
طيب اقولك علي حاجة انت ناسيها
وناس تقريبا مش بيجوا علي بالك
منهم اللي معاك وقريب منك قوي
فين ابوك فين امك ولا دوول كمان ايامهم راحت
ليه متروحش لحضن ابوك وتقولي ابويا محتاجلك احميني من الدنيا واللي فيها
ليه متروحش لامك وتقولها غطيني يا امي من برد الايام الصعبة وداريني من غدر الناس
فين اخوك اللي تقعد تكلمه وتفضفض معاه
فين اختك اللي انت سند ليها وصاحب دة لو انت عايز يعني
دوول اللي قريبين قوي لك
في ناس تانية قريبة برضه وهما اعمام وعمات خلان وخالات
اخر مرة مش هقولك يا سيدي اخر مرة رحت فيها لحد منهم امتي
لا هقولك امتي رفعت سماعة التليفون او كلفت نفسك دقيقة تقولهم اخباركوا ايه وحشتوني
اكيد عندك قريب كبير في السن ميقدرش يجي يشوفك وكنت يمكن بتلعب علي حجره وانت صغير
والوقتي نفسه يشوفك لما كبرت ومش قادر..فكرت مرة تروح تشوفه وتاخد بخاطره
يا جماعة الكلام دة كله والله عشان اوصل لحاجة انتوا عارفينها وعارفين قصدي ايه

صلة الرحم
فعن أبي سعيد الخدري رضي الله عنه عن أبي هريرة رضي الله عنه قال: سمعت رسول الله صلى الله عليه وسلم يقول: "من سـرَّه أن يُبسط له في رزقه، وأن يُنسأ له في أثره فليصل رحمـه".

ودة اجرها وشوفه عظيم الاجر
1. فهو موصول بالله عز وجل في الدنيا والآخرة، فعن أبي هريرة رضي الله عنه عن النبي صلى الله عليه وسلم قال: "إن الله خلق الخلق، حتى إذا فَرَغ من خلقه قالت الرحم: هذا مقام العائذ بك من القطيعة؛ قال: نعم، أما ترضين أن أصل من وصلك وأقطع من قطعك؟ قالت: بلى يا رب؛ قال: فهو لك؛ قال رسول الله صلى الله عليه وسلم: اقرأوا إن شئتم: "فهل عسيتم إن توليتم أن تفسدوا في الأرض وتقطعوا أرحامكم".
2.بسط له في رزقه.
3. يُنسأ له في أجله – أن يزاد في عمره بسبب صلته لرحمه.
4. تعمر داره.
5. صلة الرحم تدفع عن صاحبها ميتة السوء.
6. يحبه الله.
7. يحبه أهله.

هااااااا
ناوي علي ايه
هتفضل حاطط ايدك علي خدك كدة وزهقان وقرفان من كل الدنيا
لسة بتقول مليش حد
!!!!!!!!

لالالالالالالالالا لينا طبعا كتير وحتى لو فكفايه الرجوع لله وكتابه
وفعلا صله الرحم مهمه جدا وكتير مهملها
ربنا يهدى الجميع ويصلح حاله
وجزاكى الله خير يا ايه

جزانا وجزى جميع المسلمين يا قمر
والحمد لله ان فى ناس مقدرة اهمية العلاقات دى