حوار الاسبوع: ادخل شاركنا الحوار.......كفايه بقى

السلام عليكم
حوار الاسبوع: ادخل شاركنا الحوار ....كفايه بقى

بصوا يا جماعه ده موضوع خاص بالانتقادات الموجهه للقنوات الدينيه ولعلمائها وده شفناه وسمعناه فى كثير من الندوات والمؤتمرات البعض اتهمهم بالهوس الدينى والبعض اتهمهم بالتشدد والبعض الاخر تدخل فى حياتهم الشخصيه .

قول رأيك معانا
هل تعتقد ان هذه القنوات الدينيه وهؤلاء الشيوخ والعلماء هكذا ام لا؟

وعلى فكره ده موضوع مشترك بينى انا(إسراء ومحبه مصر)

محبه مصر(هل تعتقد ان ما يحدث الان فى غالب اللقاءات الشبابيه والطلابيه من قبل المحاضرين من انتقادات لازعه للفضائيات الدينيه وعلمائها مقبول ؟ وهل تعتقد انه اسلوب ممنهج ويرمى الى اهداف معينه ؟ ام انها اراء شخصيه)

يا ريت اسمع رأيكم وبكل صراحه وحريه

ياجماعة كل الحكاية ان كل قناة دينية او غير دينية او اى برنامج بيجيبو فيه شيخ ويقولك دة عالم ويقعد يقول فتاوى وكل واحد يطلعله فتوى وبقت حرب الفتاوى ومبقيناش عارفين نعمل اية او نصدق مين لان كل واحد له راى مخالف للتانى وبقينا مشتتين
لازم يرحمونا شوية مش كل واحد يبقاله برنامج والناس تتصل تساله وهو يجاوب واللى يفسر احلام وهوه بقى شيخ بردة

اولا شكرا لمرورك
انا هرد عليكى
القنوات الدينيه معروفه الناس والرحمه لما تعوزى تسمعى فى الدين اسمعيها
معلشى اصل كل لما اقول لحد اسمع فى الدين والقنوات الدينيه يقولى مشتتين والكلام ده هى مش حجه اللى عاوز يعرف بيعرف
اه فى ناس بتفتى كتير بس احنا عندنا قنوات متخصصه

اولا الموضوع دا حلو اوى وكويس انكم فتحتوا باب النقاش فيه
انا عن نفسي مرة قعدت قدام قناة دينية وكنت اول مرة بصراحة اتابع شيخ من بتوع الأيام دى انا علطول بسمع ندوات الشيخ الشعراوى المهم
لما سمعته انا انا حلفت مش اسمعله اى حاجة تانى كان بيزعق وكأنه قاعد مع كفار (اسغفر الله) وعمال بقي يصوته دا واسلوبه كرهنى فى انى اشوف وشه تانى والله العظيم من ساعتها محاولتش انى اسمعه او اعرف اسمه اية.
لكن لما صحابى قالولى عن الشيخ محمود المصرى وسمعته بجد انسان رائع وايه الأسلوب الرائع دا انسان جميل وبيتكلم بهدوء وبيعرف ازاى بستدرج الواحد لطريق الإيمان والألتزام .(شوفتوا الفرق)
يعنى لما نلاقي فنوات بتتهاجم منتفاجأش لأنا اكيد تستاهل لكن قناة زى المجد ,الناس أقرأ ,. دى مستحيل حد بتكلم عليهم كلمة واحدة .
(عذرا للإطالة)

PRINCESS كتب:ياجماعة كل الحكاية ان كل قناة دينية او غير دينية او اى برنامج بيجيبو فيه شيخ ويقولك دة عالم ويقعد يقول فتاوى وكل واحد يطلعله فتوى وبقت حرب الفتاوى ومبقيناش عارفين نعمل اية او نصدق مين لان كل واحد له راى مخالف للتانى وبقينا مشتتين
لازم يرحمونا شوية مش كل واحد يبقاله برنامج والناس تتصل تساله وهو يجاوب واللى يفسر احلام وهوه بقى شيخ بردة

شكرا على مرورك
بصى اولا العالم بيبقى باين شكله وسمته وعلمه كمان
كمان احنا عندنا نبعين نرجع ليهم اذا اختلفنا ف اى شئ او شكينا ف اى شئ هما كتاب الله وسنة الحبيب محمد صلى الله عليه وسلم
هما المرجعين اللذين لا ينفصل عنهم شئ صحيح
ثانيا تفسير الاحلام علم لا يلم به الكثير الى الان كما يذكر العلماء فالافضل عدم الاعتماد الا على من يفسر بخير ويبشر ولا ننكر ظهور من يفهم فى هذا العلم ولكن هم قليلون وقد لا يكون لهم ظهور على الشاشه
لكن كنت اتمنى الاقى اجابه للسؤال مع رايك

اللؤلؤة كتب:اولا الموضوع دا حلو اوى وكويس انكم فتحتوا باب النقاش فيه
انا عن نفسي مرة قعدت قدام قناة دينية وكنت اول مرة بصراحة اتابع شيخ من بتوع الأيام دى انا علطول بسمع ندوات الشيخ الشعراوى المهم
لما سمعته انا انا حلفت مش اسمعله اى حاجة تانى كان بيزعق وكأنه قاعد مع كفار (اسغفر الله) وعمال بقي يصوته دا واسلوبه كرهنى فى انى اشوف وشه تانى والله العظيم من ساعتها محاولتش انى اسمعه او اعرف اسمه اية.
لكن لما صحابى قالولى عن الشيخ محمود المصرى وسمعته بجد انسان رائع وايه الأسلوب الرائع دا انسان جميل وبيتكلم بهدوء وبيعرف ازاى بستدرج الواحد لطريق الإيمان والألتزام .(شوفتوا الفرق)
يعنى لما نلاقي فنوات بتتهاجم منتفاجأش لأنا اكيد تستاهل لكن قناة زى المجد ,الناس أقرأ ,. دى مستحيل حد بتكلم عليهم كلمة واحدة .
(عذرا للإطالة)

طبعا عنك حق بس عايزة اقولك ان زى ما فى ناس بتيجى باللين فى ناس اخرين بييجوا بالشده والاختلاف فى الطبع شئ ازلى لكن الاهم انك بتسمعى واكيد تقدر تقولى رايك

بس انا مستنيه تعليق على السؤال هل ده شئ مخطط او تعبير شخصى

موضوع رائع جدا وفعلا انا كنت عاوز اتناقش فيه جزاكم الله كل خير ( اسراء - محبة مصر)
فى البداية نتحدث عن ما قيل فى الندوات عن هذه القنوات وهؤلاء الدعاة والشيوخ
قد جعل الله فى كل زمان ومكان من يحافظ على دينه وهؤلاء الشيوخ والدعاة هم حماة الدين من الضياع فى هذا الزمان التى كثرت فيه الفتن والشهوات والشبهات واما ما نراه من الهجوم عليهم دليل على انهم على الحق وماسواهم على الباطل ولندخل فى اسلوب هؤلاء الشيوخ والدعاة عندما يتحدثوا عن قضية مثلا لايتحدثون تبع اهوائهم او ارائهم الشخصية وانما كل كلامهم يكون مصحوب بدليل من كلام الله وكلام رسوله صلى الله عليه وسلم
اما ان يتحدث اى شخص لايفقه اصلا اى شىء فى دينه ويتحدث عن هؤلاء الشيوخ والدعاة بل تصل الى ان يتطرق الى حياتهم الشخصية فهذا غير مقبول على الاطلاق ما دخلك انت فى الدين وامور الدين وما دخلك بشيوخنا الافاضل انت مطلوب منك فقط التحدث فى الشىء الذى تعرفه فهل مثلا تستطيع ان تتحدث فى امور الطب بالطبع لا لانك لاتعلم اى شىء فى امور الطب فـ لماذا اصبح الدين لعبة يتحدث فيه الجميع الجاهل قبل العالم والسفيه قبل العاقل اتمنى من هؤلاء ان يتركوا امور الدين
اما معتقد الشباب فى هؤلاء الشيوخ والدعاة وانهم متشددون هذا اتهام باطل ونتج عن مايسمونهم الدعاة الجدد الذين قاموا بتمييع الدين عند معظم الشباب وفرطوا فى دينهم من اجل شهرة زائفة ومن اجل جذب الشباب اليهم واكبر دليل على كلامى الفترة التى تم فيها الهجوم على النقاب من قبل ذوى الاهواء من الذين تصدوا لهم وقاموا بالرد عليهم بالدليل القاطع الشيوخ والدعاة حفظهم الله هم الذين تصدوا لهم وتخيلوا معى لولا وجود هؤلاء الشيوخ والدعاة ماذا كان يحدث اما الدعاة الجدد فلم نجد لهم اية رد فعل وكما قلت فى البداية شاء الله ان يجعل فى كل زمان ومكان من يحافظ على دينه من الضياع لان الله عزوجل تعهد بحفظ هذا الدين وتعهد بنشره وغلبته على باقى الاديان المحرفة شاء من شاء وابى من ابى
ناتى للنقظة الثانية وهى نقطة الفتاوى واصدق مين طبعا ده نتيجة برده للدعاة الجدد الذن قاموا بتمييع الدين والتساهل فى كثير من القضايا وثوابت الدين وكما ذكرت اسراء هناك قناة الرحمة وقناة الناس واختم حديثى بهذين الحديثين
قال رسول الله صلى الله عليه وسلم
"عليكم بسنتي وسنة الخلفاء الراشدين المهديين من بعدي تمسكوا بها وعضوا عليها بالنواجذ، وإياكم و محدثات الأمور، فإن كل محدثة بدعة وكل بدعة ضلالة"

--------

عن حذيفة بن اليمان – رضي الله عنه – قال :
" كان الناس يسألون رسول الله عن الخير ، وكنت أسأله عن الشر مخافة أن يُدركني .
فقلت يا رسول الله :
إنّا كنّا في جاهلية وشرّ ، وجاء الله بهذا الخير ، فهل بعد هذا الخير من شر ؟
قال : نعم
قلتُ : وهل بعد هذا الشر من خير ؟
قال : " نعم ، وفيه دخن "
قلت : وما دخنه ؟
قال : قوم ( يستنون بغير سُـنَّــتي ) ، ويهدون بغير هدي ، تعرف منهم وتنكر " .
قلت : فهل بعد ذلك من شر ؟
قال : نعم ، دعاة على أبواب جهنم ، من أجابهم إليها قذفوه فيها
قلت : يارسول الله صِفهم لنا
قال : ( هم من جلدتنا ، ويتكلمون بألسنتنا )
قلت : فم تأمرني إنْ أدركني ذلك ؟
قال : ( تلزم جماعة المسلمين وإمامهم )
قلت : فإنْ لم يكن لهم جماعة ولا إمام ؟
قال : ( فاعتزل تلك الفرق كلها ، ولو تعض بأصل شجرة ، يدركك الموت وأنت على ذلك ؟)

الراجى رحمة ربه كتب: قال رسول الله صلى الله عليه وسلم
"عليكم بسنتي وسنة الخلفاء الراشدين المهديين من بعدي تمسكوا بها وعضوا عليها بالنواجذ، وإياكم و محدثات الأمور، فإن كل محدثة بدعة وكل بدعة ضلالة"

--------

عن حذيفة بن اليمان – رضي الله عنه – قال :
" كان الناس يسألون رسول الله عن الخير ، وكنت أسأله عن الشر مخافة أن يُدركني .
فقلت يا رسول الله :
إنّا كنّا في جاهلية وشرّ ، وجاء الله بهذا الخير ، فهل بعد هذا الخير من شر ؟
قال : نعم
قلتُ : وهل بعد هذا الشر من خير ؟
قال : " نعم ، وفيه دخن "
قلت : وما دخنه ؟
قال : قوم ( يستنون بغير سُـنَّــتي ) ، ويهدون بغير هدي ، تعرف منهم وتنكر " .
قلت : فهل بعد ذلك من شر ؟
قال : نعم ، دعاة على أبواب جهنم ، من أجابهم إليها قذفوه فيها
قلت : يارسول الله صِفهم لنا
قال : ( هم من جلدتنا ، ويتكلمون بألسنتنا )
قلت : فم تأمرني إنْ أدركني ذلك ؟
قال : ( تلزم جماعة المسلمين وإمامهم )
قلت : فإنْ لم يكن لهم جماعة ولا إمام ؟
قال : ( فاعتزل تلك الفرق كلها ، ولو تعض بأصل شجرة ، يدركك الموت وأنت على ذلك ؟)

شكرا على المرور وابداء الراى واكيد وضع التخصص افضل مما نرى من تدخل كل فرد فيما لم يدرس او يفهم

اما بالنسبة هل هذا مخطط ام راى شخصى من وجهة نظرى هذا مخطط منذ قديم الزمان من الغرب وهؤلاء هم الاداة لتنفيذ هذا المخطط وهو القضاء على الاسلام والمسلمين فمن حين لـ اخر يتهجمون على ثوابت الدين ولكن كل مرة يجعل الله كيدهم فى نحورهم فعلى الرغم من الهجوم الشرس على النقاب فى الفترة الاخيرة الا انه انتشر بشكل عجيب بفضل الله سبحانه وتعالى

الراجى رحمة ربه كتب:اما بالنسبة هل هذا مخطط ام راى شخصى من وجهة نظرى هذا مخطط منذ قديم الزمان من الغرب وهؤلاء هم الاداة لتنفيذ هذا المخطط وهو القضاء على الاسلام والمسلمين فمن حين لـ اخر يتهجمون على ثوابت الدين ولكن كل مرة يجعل الله كيدهم فى نحورهم فعلى الرغم من الهجوم الشرس على النقاب فى الفترة الاخيرة الا انه انتشر بشكل عجيب بفضل الله سبحانه وتعالى

شكرا على الاجابه وده المقصود ابداء الراى حول القنوات والهجوم عليها وعلى علمائها كذا وضع اجابه للسؤال

اللؤلؤه
جزاكى الله خير للمرور
وهوه فعلا فى كتير زى الشيخ محمودالمصرى الشيخ محمد حسان وغيره وغيره بس انتى تبعى وهتشوفى وفى منهم اللى بيتكلم بشده ده بيأثر فى ناس تانيه مش بتيجى الا كده هههه

الاستاذ (الراجى رحمه ربه)
طبعا جزاك الله خير لمرورك وبجد حضرتك دعمت الموضوع برأيك وخصوصا بالحديثين
وفعلا ماعنديش تعليق بعد كلام حضرتك
وشكرااااااااا

مثال بسيط فى ندوة الاستاذ محمد عبد الله دعا الى شىء غريب جدا ليس له علاقة بالندوة او اى مشكلة من المشكلات بل الذى دعا اليه فى حد ذاته مشكلة يعالجها الدعاة والشيوخ الذين تطاول عليهم فهو دعا الى ان كل شاب يحب فتاة يعترف لها بحبه اى حب هذا لاحول ولاقوة الا بالله بالله عليكم ده كلام يتقال وقال ايه بيتهجم على الشيوخ والدعاة اقول ايه بس حسبنا الله ونعم الوكيل وهذا دليل على انه مخطط لنشر الرزيلة بين المسلمين والقضاء عليهم

انا معاكو ان فى شيوخ وعلماء اجلاء يتبعون كلام الله وسنة حبيبه المصطفى صلى الله عليه وسلم وفى قنوات زى المجد والناس والرحمة هما دول اللى هيحموا الدين من اى مخططات عايزة تشتتنا وتبعدنا عن الدين واكيد الهجوم دة وراه اهداف واحنا كلنا عارفين هى من مين ولية
وربنا يحفظنا من كل هذا وكلامك يا الراجى رحمة الله جميل والموضوع هايل
وهنهى كلامى بحديث هيفيدنا اكيد
*حديث الثقلين الذي ورد في صحيح مسلم، قال رسول الله (صلى الله عليه وآله وسلّم): (اني تارك فيكم الثقلين أولهما كتاب الله فيه الهدى والنور، فخذوا بكتاب الله واستمسكوا به، فحث على كتاب الله ورغّب فيه، ثم قال: واهل بيتي اذكركم الله في اهل بيتي)

على فكره يا جماعه اى حد بيشوه صوره هؤلاء الشيوخ والقنوات الدينيه برأيه ولو غلط كتير بيسمعلهم ويمشوا وراهم
دلوقتى مش بقه بس انتقادات لعلماء او قنوات الدين دلوقتى بقت فى حاجات اعمق من كده
كل واحد بيعمل حاجه غلط يحاول يبرر موقفه كلامه وممكن يفتى فى الدين ولو بغلط
اى حد بيفهم او مش بيفهم يتكلم فى التدين ويوافق ويعارض واكنه لم يكن
يا جماعه لازم كلنا نمشى على كلام واحد وهوه كتاب الله ورسوله واللى عاوز يعرف حاجه يرجع لهم ومش يفتى هوه او يسأل ناس مش عارفين حاجه
ربنا يهدينا جميعا ويصلح حالنا ويوفقنا ويغفرلنا ويسامحنا ويسطرها معانا

انا
No Comment
بصراحه الواحد اتخنق من القصص دى
ديننا ابسط من التعقيدات دى
ربنا يهدينا ويوفقنا الى ما يحبه ويرضاه

والله انى مشفق عليكم وساقوم باخر محاولة لعل الله يهدينا جميعا الى الحق وكده انا عملت اللى عليا وزيادة
اللهم ارنا الحق حقا وارزقنا اتباعه وارنا الباطل باطل وارزقنا اجتنابه